ແຕ່ດອກໄມ້ບໍ່ໄດ້ມີປະໂຫຍດພຽງແຕ່ໃຊ້ເປັນດອກໄມ້ປະດັບເທົ່ານັ້ນເພາະດອກໄມ້ບາງຊະນິດຍັງມີຄຸນສົມບັດຊ່ວຍບຳບັດສຸຂະພາບຕ່າງໆໄດ້ຢ່າງດີ ຖ້າສາວໆຄົນໃດຢາກຮູ້ວ່າດອກໄມ້ງົດງາມທີ່ເຮົາເຫັນກັນທຸກມື້ມີປະໂຫຍດຕໍ່ສຸຂະພາບແນວໃດຕ້ອງບໍ່ພາດກັບບົດຄວາມໃນມື້ນີ້ເດັດຂາດ
1.ດອກມະລິ
ດອກໄມ້ອັນເປັນຕົວແທນແຫ່ງຄວາມບໍລິສຸດມື້ສຳຄັນຈະເປັນວັນພະເຮົາກໍມັກຈະຈັບເອົາດອກມະລິມາຮ້ອຍເປັນພວງມາໄລເອົາໄປບູຊາພະດ້ວຍດອກໄມ້ຊະນິດນີ້ສຳລັບສະເໜ່ຂອງມັນກໍມີຫລາຍຢ່າງຫລັກໆຄືດອກມະລິຈະມີກິ່ນຫອມເຢັນທີ່ຊ່ວຍບຳບັດຄວາມເສົ້າແລະຍັງເປັນກິ່ນທີ່ໃຊ້ປຸງນ້ຳຫອມແລະປະສົມໃນຄີມບຳລຸງສຳລັບຜູ້ທີ່ມີຜິວແຫ້ງນໍາອີກ
2.ດອກກຸຫລາບ
ນອກຈາກຄວາມສວຍງາມແລະກິ່ນຫອມສົດຊື່ນແລ້ວດອກກຸຫລາບຍັງມີສັບພະຄຸນຊ່ວຍຄວບຄຸມລະດັບຮໍໂມນເພດຍິງແລະຍັງໄດ້ຮັບຄວາມນິຍົມໃນການນຳໄປໃຊ້ເປັນສ່ວນປະສົມຂອງເຄື່ອງສຳອາງແລະຄີມບຳລຸງຜິວຊ່ວຍໃຫ້ຜິວເຄັ່ງຕຶງແລະເບິ່ງນຽນນຸ່ມໄດ້ນໍາອີກນອກຈາກນີ້ດອກກຸຫລາບຍັງເປັນດອກທີ່ຊ່ວຍໃຫ້ຄູ່ຮັກຮັກກັນຍາວນານຂຶ້ນນໍາ
3.ດອກເຈີລານຽນ
ກິ່ນດອກທີ່ຫອມສົດຊື່ນຊ່ວຍໃຫ້ບັນຍາກາດມີຊີວິດຊີວານອກຈາກນີ້ນ້ຳມັນຫອມລະເຫຍຈາກດອກເຈີລານຽມຍັງເປັນກິ່ນສຳລັບປຸງນ້ຳຫອມແລະຍັງ ເໝາະກັບການນຳໄປເປັນສ່ວນປະສົມໃນເຄື່ອງສຳອາງແລະຄີມບຳລຸງຜິວທຸກຊະນິດ
4.ດອກລາເວນເດີ
ກິ່ນຫອມເຢັນຂອງດອກລາເວນເດີມີສັບພະຄຸນເຮັດໃຫ້ຈິດໃຈສະຫງົບມີສະມາທິຊ່ວຍຫລຸດຄວາມເຄັ່ງຄຽດຫລຸດອາການເຈັບຫົວຊ່ວຍໃຫ້ນອນຫລັບສະບາຍ ສາມາດໃຊ້ໄດ້ທັງໃນຄີມບຳລຸງແລະຍັງປິ່ນປົວພະຍາດຜິວໜັງອັກເສບລວມເຖິງປິ່ນປົວສິວໄດ້
5.ດອກດາວເຮືອງ
ດອກດາວເຮືອງມີສານສະກັດພິເສດຄືຄາເລນດູລ່າທີ່ສາມາດປິ່ນປົວພະຍາດຜິວໜັງບາງຊະນິດໄດ້ເຊັ່ນ:ພະຍາດຜິວໜັງອັກເສບ,ບາດແຜແລະຍັງສາມາດປິ່ນປົວອາການຜິວແຫ້ງແຕກໄດ້ນໍາອີກນອກຈາກກີບດອກຍັງນຳມາເຮັດນ້ຳຢາລ້າງຕາລວມເຖິງໃຊ້ກິ່ນບຳບັດມົນລະພິດທາງສຽງແລະອັນຕະລາຍຈາກຄອມພິວເຕີໄດ້
ແມ່ນຈະຫາດອກໄມ້ສົດໆມາໃຊ້ບຳບັດສຸຂະພາບແລະຜ່ອນຄາຍອາລົມບໍ່ໄດ້ ກໍລອງຫັນມາເລືອກໃຊ້ນ້ຳມັນຫອມລະເຫຍທີ່ສະກັດຈາກດອກໄມ້ຊະນິດນັ້ນໆ ເບິ່ງໄດ້ທັງສຸຂະພາບຈິດດີແລະທີ່ສຳຄັນຍັງໃຊ້ບຳລຸງຄວາມງາມໄດ້ນໍາອີກ