ພິທີມອບ-ຮັບອາຄານຮຽນມັດທະຍົມຕອນຕົ້ນໜອງບຶກ ຈັດຂຶ້ນວັນທີ 22 ກຸມພາ 2013 ທີ່ບ້ານໜອງບຶກ ເມືອງສີໂຄດຕະບອງ
ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ບຸນນຳ ພັນສີທຸມ ຮອງເຈົ້າເມືອງສີໂຄດຕະບອງ ທ່ານ ສຸດທະນີ ໄຊຍະ
ສານ ຮອງຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ ມີຫົວໜ້າຫ້ອງການສຶກສາທິການ ແລະ ກີລາເມືອງ
ຫົວໜ້າ ປກສ ກຸ່ມໜອງບຶກ ອຳນາດການປົກຄອງບ້ານ ຄູ-ອາຈານ ນ້ອງນັກຮຽນ ແລະ ພໍ່ແມ່ປະຊາຊົນ 6 ໝູ່ບ້ານ ເຂົ້າຮ່ວມ.
ທ່ານ ສົມພັນ ຈຸນລະພານິດ ຫົວໜ້າບໍລິສັດ ເອັສພີລາວ ຈຳກັດ ກ່າວວ່າ: ໂຄງການກໍ່ສ້າງອາຄານຮຽນດັ່ງກ່າວ ປະກອບມີ 5
ຫ້ອງຮຽນ 1 ຫ້ອງການ ແລະ 4 ຫ້ອງນ້ຳ ມີໂຄງສ້າງເບຕົງເສີມເຫຼັກ ພຶ້ນອາຄານເທດ້ວຍເບຕົງເສີມເຫຼັກ ຫຼັງຄາເປັນໂຄງເຫຼັກ
ມຸງດ້ວຍແຜ່ນ VXP ເພດານຮອບໃນເປັນແຜ່ນຢິບຊ້ຳ ຮອບນອກໃສ່ກະເບື້ອງແຜ່ນລຽບພ້ອມໂຄງໄມ້ ນອກຈາກນັ້ນຍັງປະກອບມີ
ເຟີນີເຈີ້ຄົບຊຸດ ສຳລັບໂຄງການດັ່ງກ່າວ ເລີ່ມກໍ່ສ້າງມາຕັ້ງແຕ່ກາງເດືອນພຶດສະພາ 2012 ແລະ ສຳເລັດສົມບູນໃນວັນທີ 15 ທັນ
ວາ 2012 ໃນມູນຄ່າການກໍ່ສ້າງທັງໝົດ 1.2 ຕື້ກ່ວາກີບ ໂດຍບໍລິສັດລົງທຶນທັງໝົດ ແລະ ມອບໂຄງການດັ່ງກ່າວນີ້ ໃຫ້ແກ່ພະ
ແນກສຶກສາທິການ ແລະ ກີລາ ນະຄອນຫຼວງວຽງຈັນນຳໃຊ້ ແລະ ຄຸ້ມຄອງຕໍ່ໄປ.
ທີ່ມາhttp://www.vientianemai.net