spot_img
Homeຂ່າວທ້ອງຖິ່ນນາງສັງຂານຫຼວງພະບາງປະຈຳປີ ພສ. 2558

ນາງສັງຂານຫຼວງພະບາງປະຈຳປີ ພສ. 2558

Published on

ນາງສັງຂານຫຼວງພະບາງປະຈຳປີ ພສ. 2558

ງານປະກວດນາງສັງຂານ ທີ່ເມືອງມໍລະດົກໂລກຫຼວງພະບາງ ໄດ້ຈັດຂຶ້ນທຸກໆປີ ສືບທອດກັນມາເປັນເວລາດົນນານ ແລະ ໃນປີ ພສ 2558 ກໍຄືປີ ຄສ 2015 ນີ້, ໄດ້ຈັດພິທີປະກວດຂຶ້ນທີ່ເດີ່ນກິລາໃນຮົມ ບ້ານນາສ້າງເຫວີຍ ມີນາງສາວງາມພາຍໃນແຂວງຫຼວງພະບາງ ສົ່ງເຂົ້າປະກວດທັງໝົດ 29 ນາງສາວ, ຜ່ານການປະກວດເປັນເວລາ 2 ຄືນ ລະຫວ່າງວັນທີ 11-12 ເມສານີ້ ເຫັນວ່ານາງສາວທີ່ພຽບພ້ອມໄປດ້ວຍກິລິຍາມາລະຍາດ ຕາມທີ່ຄະນະກຳມະການຈັດງານໄດ້ວາງໄວ້.

– ຜູ້ທີ່ໄດ້ຄວ້າອັນດັບທີ 1 ໄດ້ແກ່ ນາງສາວງາມໝາຍເລກ 3 ນາງ ມຸທິດາ ພະຜົນໄຊ ໄດ້ຮັບລາງວັນເປັນມຸງກຸດ 1 ອັນ ພ້ອມດ້ວຍເງິນສົດ ລວມມູນຄ່າທັງໝົດ 20.500.000 ກີບ ແລະໄດ້ດຶ່ມນ້ຳດຶ່ມມີນີໂລຟຼີ ເປັນເວລາ 1 ປີ.
– ຜູ້ທີ່ໄດ້ຄວ້າອັນດັບທີ 2 ແມ່ນນາງສາວໝາຍເລກ 16 ນາງ ສຸດທິດາ ສີວົງສາ ໄດ້ຮັບເງິນສົດ 10.000.000 ກີບ, ໄດ້ດຶ່ມນ້ຳດຶ່ມມີນີໂລຟຼີ ເປັນເວລາ 1 ປີ.
– ຜູ້ທີ່ໄດ້ຄວ້າອັນດັບທີ 3 ແມ່ນນາງສາວໝາຍເລກ 4 ນາງ ມຸກດາວັນ ອີນທະວັນ ໄດ້ຮັບລາງວັນເງິນສົດ 9.000.000 ກີບ, ໄດ້ດຶ່ມນ້ຳດຶ່ມມີນີໂລຟຼີ ເປັນເວລາ 1 ປີ.
– ຜູ້ທີ່ໄດ້ຄວ້າອັນດັບທີ 4 ແມ່ນນາງສາວໝາຍເລກ 25 ໄດ້ຮັບລາງວັນເງິນສົດ 8.000.000 ກີບ.
– ຜູ້ທີ່ໄດ້ຄວ້າອັນດັບທີ 5 ແມ່ນນາງສາວໝາຍເລກ 11 ນາງ ສຸດາລັກ ພົມມະວົງ ໄດ້ຮັບລາງວັນເງິນສົດ 7.000.000 ກີບ.
– ຜູ້ທີ່ໄດ້ຄວ້າອັນດັບທີ 6 ແມ່ນນາງສາວໝາຍເລກ 28 ນາງ ແສງເດືອນ ສີລາກອນ ໄດ້ຮັບລາງວັນເງິນສົດ 6.000.000 ກີບ.
– ຜູ້ທີ່ໄດ້ຄວ້າອັນດັບທີ 7 ແມ່ນນາງສາວໝາຍເລກ 19 ນາງ ເມກສຸລີ ສີລາຕິກຸນ ໄດ້ຮັບລາງວັນເງິນສົດ 5.000.000 ກີບ.

ນອກຈາກນີ້ ຍັງມີລາງວັນມິດຕະພາບ ແລະ ລາງວັນນາງສາວຂວັນໃຈມະຫາຊົນ ໂດຍຜ່ານການໂຫວດຈາກການສົ່ງຂໍຄວາມຜ່ານມືຖືເຄື່ອນຂ່າຍ ອີທີແອວ ເຊິ່ງທັງ 2 ລາງວັນນັ້ນ ແມ່ນຕົກເປັນຂອງ ນາງສາວ ໝາຍເລກ 16 ສາວງາມຮອງອັນດັບທີ 2 ໄດ້ຮັບເງິນລາງວັນລວມ 6.000.000 ກີບ.

ສ່ວນອັນດັບທີ່ 8 ຫາ ອັນດັບທີ 15 ແມ່ນໄດ້ຮັບລາງວັນເງິນສົດ ນາງສາວລະ 2.500.000 ກີບ ແລະ ລາງວັນຊົມເຊີຍອັນດັບທີ 16 ຫາ 29 ແມ່ນໄດ້ຮັບ ລາງວັນລະ 2.000.000 ກີບ. ເຂົ້າຮ່ວມພິທີປະກວດນາງສັງຂານ ປະຈຳ ປີ ພສ 2558 ຄັ້ງນີ້ ມີ ທ່ານ ດຣ ຄຳແພງ ໄຊສົມແພງ ເຈົ້າແຂວງຫລວງພະບາງ, ມີທ່ານຮອງເຈົ້າແຂວງ, ທ່ານ ເຈົ້າເມືອງ ຫລວງພະບາງ ແລະ ແຂກຖືກເຊີນ ແລະ ກອງເຊຍຂອງນາງສາວເຂົ້າຮ່ວມຢ່າງຄືກຄື້ນ.

ຄວາມເປັນມາຂອງນາງສັງຂານ (ປີໃໝ່ລາວ) ແມ່ນການຄັດເລືອກນາງສາວ ເພື່ອເປັນຕົວແທນໃຫ້ແກ່ລູກສາວຂອງ ພະຍາກະບິນລະພົມ ທັງ 7 ນາງສາວ ຕາມຕຳນານທີ່ກ່າວມາເຫີງນານ ເຊີ່ງໃນປີ ພສ 2558 ນີ້ ແມ່ນກົງກັບ ວັນທີ 14 ເມສາ 2015 ແຮມ 11 ຄຳເດືອນ 5 ເຊີ່ງລູກພະຍາກະບິນລະພົມ ແມ່ນນາງເທພພະທິດາທີ່ 3 ຊົງພະນາມວ່າ “ຮາກສະເທວີ” ຊົງພາຫູຣັດທັດດອກບົວຫຼວງ, ອາພອນໄປດ້ວຍແກ້ວໂມລາ (ແກ້ວລາຍ) ສເວີຍໂລຫິດ (ເລືອດ) ເປັນພັກສາຫາຣ, ພະຫັດຕຖ໌ຂວາຊົງຕຣີສູລ (ມືຂວາຈັບຫອກສາມງ່າມ) ພະຫດັຊາຍຊົງທະນູ, (ມືຊາຍຈັບທະນູ) ສະເດັດໄສຍາສນ໌ຫຼັບພະເນຕມາເທິງຫຼັງວະຣາຫະ (ຂີ່ໝູ) ເປັນພາຫະນະ.

ງານເທສະການບຸນປີໃໝ່ລາວ ທີ່ຫລວງພະບາງ ຄັ້ງນີ້ ແມ່ນຈະໄດ້ດຳເນີນນັບແຕ່ ວັນທີ 10 ຫາ 20 ເມສາ 2015 ຈິ່ງຈະສຳເລັດ.

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...