ຜູ້ຊ່ຽວຊານແນະນຳວ່າເກີບທີ່ດີຄວນສູງບໍ່ເກີນ1ນິ້ວແລະລັກສະນະສົ້ນບໍ່ຄວນເປັນສົ້ນເຂັມຫລືນ້ອຍເກີນໄປເພາະນອກຈາກຈະເຮັດໃຫ້ການຊົງຕົວເສຍສົມດຸນແລ້ວຍັງເຮັດໃຫ້ເກີດອຸບັດເຫດໄດ້ງ່າຍອີກດ້ວຍ
-ເລືອກເກີບທີ່ມີພື້ນສຳຜັດນຸ່ມຫລືເສີມພື້ນເກີບເພື່ອຊ່ວຍລຸດແຮງກະແທກເສີມແຜ່ນເກີບຫລືກັນສົ້ນເພື່ອລຸດການຮຸກຖູປ້ອງກັນຜິວໜັງດ້ານແລະເກີດຕາປາຄວນເລືອກຊື້ເກີບຊ່ວງບ່າຍຊຶ່ງເປັນຊ່ວງທີ່ຕີນຂະຫຍາຍເຕັມທີ່ແລະຄວນລອງສວມຮອງຕີນທັງສອງຂ້າງ
-ເກີບທີ່ດີຕ້ອງກະຊັບບໍ່ຄັບຫລືຫລວມເກີນໄປສົ້ນຕີນອາດເລື່ອນຂຶ້ນລົງໄດ້ເລັກນ້ອຍຂະນະຍ່າງແຕ່ບໍ່ຄວນຫລຸດຈາກຕີນແລະປ່ຽນຄວາມເຊື່ອທີ່ວ່າເກີບຄັບຈະຍືດອອກເມື່ອໃຊ້ໄປໄລຍະໜື່ງເພາະກວ່າເກີບຈະຍືດອອກຕີນຂອງເຈົ້າອາດບາດເຈັບກ່ອນໄດ້
ເມື່ອມີອາການເຈັບຫລືປວດຄວນຮີບຫາສາເຫດເພາະບາງເທື່ອເກີບອາດໝົດສະພາບຫລືບໍ່ເໝາະສົມກັບໂຄງສ້າງຕີນແລະເຈົ້າອາດຜ່ອນຄາຍຕີນໂດຍການແຊ່ນ້ຳອຸ່ນຮ່ວມກັບການບໍລິຫານກ້າມເນື້ອຂາແລະຕີນຢ່າງງ່າຍໂດຍປາຍຕີນຂຶ້ນໃຫ້ສຸດຈົນຮູ້ສຶກຕຶງທີ່ນ່ອງຄ້າງໄວ້ 10 ວິນາທີເຮັດຊ້ຳ 10 ເທື່ອຈະຊ່ວຍລຸດອາການປວດເມື່ອຍ