ກອງປະຊຸມຂຶ້ນແຜນກຳນົດພະນັກງານນຳພາ-ຄຸ້ມຄອງຂອງ ພະແນກກະສິກຳ-ປ່າໄມ້ ນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 20
ກຸມພາ 2013 ນີ້ ຢູ່ທີ່ໂຮງຮຽນທິດສະດີການເມືອງ-ການປົກຄອງ ນະຄອນຫຼວງວຽງຈັນ ໂດຍເປັນປະທານຂອງທ່ານ ສີຫຸນ ສິດທິ
ລືໄຊ ຮອງເລຂາຄະນະພັກ ປະທານກວດກາພັກ-ລັດ ນະຄອນຫຼວງວຽງຈັນ ໂດຍມີຫົວໜ້າກົມຈັດຕັ້ງກະຊວງກະສິກຳ-ປ່າໄມ້ ຫົວ
ໜ້າຄະນະຈັດຕັ້ງນະຄອນຫຼວງວຽງຈັນ ພ້ອມດ້ວຍຫົວໜ້າພະແນກ ຫົວໜ້າຫ້ອງການກະສິກຳ-ປ່າໄມ້ເມືອງ ສະມາຊິກພັກ ແລະ
ພະນັກງານລັດຖະກອນທົ່ວພະແນກກະສິກຳ-ປ່າໄມ້ ນະຄອນຫຼວງວຽງຈັນ ເຂົ້າຮ່ວມ 457 ສະຫາຍ.
ກອງປະຊຸມຄັ້ງນີ້ ຈັດຂຶ້ນເພື່ອເປັນການທາບທາມເອົາເປົ້າໝາຍເພື່ອຂຶ້ນແຜນກຳນົດພະນັກງານນຳພາ-ຄຸ້ມຄອງຂອງພະແນກກະສິ
ກຳ-ປ່າໄມ້ ແຕ່ປີ 2013-2015 ແລະ ເປົ້າໝາຍພະນັກງານນຳພາ-ຄຸ້ມຄອງແມ່ນມີຢູ່ 4 ເປົ້າໝາຍຄື: 1.ແມ່ນຫົວໜ້າພະແນກ
ແລະ ຮອງພະແນກ 2.ແມ່ນຫົວໜ້າຂະແໜງການ ຮອງຂະແໜງການ 3.ແມ່ນຫົວໜ້າຫ້ອງການ ແລະ ຮອງຫ້ອງການກະສິກຳ-
ປ່າໄມ້ເມືອງ ແລະ 4.ແມ່ນຫົວໜ້າໂຄງການ ແລະ ຮອງໂຄງການທີ່ຂຶ້ນກັບພະແນກກະສິກຳ-ປ່າໄມ້ ນະຄອນຫຼວງວຽງຈັນ ເຊິ່ງ
ຜົນຂອງການທາບທາມແຕ່ລະຕຳແໜ່ງໃນຄັ້ງນີ້ ຈະໄດ້ສະຫຼຸບລາຍງານໃຫ້ຂັ້ນເທິງຊາບ ແລະ ນຳໃຊ້ເຂົ້າໃນການປັບປຸງແຜນກຳ
ນົດພະນັກງານນຳພາ-ຄຸ້ມຄອງ ເພື່ອຈັດພະນັກງານນຳພາໃຫ້ຄົບຕາມຕຳແໜ່ງງານຂອງພະແນກກະສິກຳ-ປ່າໄມ້ ນະຄອນຫຼວງວຽງ
ຈັນ ເຊິ່ງປະກອບມີ 1 ຫ້ອງການ 9 ຂະແໜງ ວິຊາການ 1 ກອງ 4 ສູນບໍລິການ 3 ສະຖານີ 9 ຫ້ອງການ ກະສິກຳ-ປ່າໄມ້
ເມືອງ 10 ໂຄງການ.
ທີ່ມາhttp://www.vientianemai.net