ລະດູຮ້ອນນີ້ພຽງແຕ່ເຫັນແດດກໍບໍ່ຢາກຈະອອກຈາກເຮືອນກັນແລ້ວແມ່ນບໍ່ມື້ນີ້ຂໍສະເໜີ ພະຍາດລົມແດດເປັນພະຍາດທີ່ເກີດຈາກການທີ່ຮ່າງກາຍໄດ້ຮັບຄວາມຮ້ອນຫລາຍເກີນໄປຈົນເຮັດໃຫ້ຄວາມຮ້ອນໃນຮ່າງກາຍສູງກວ່າ40ອົງສາສ່ວນອາການທີ່ພົບເບື້ອງຕົ້ນ ໄດ້ແກ່ອ່ອນເພຍ,ໜ້າມືດ,ເປັນລົມຖ້າຮຸນແຮງອາດມີອາການໂຕຮ້ອນແຮງ,ປຸ້ນທ້ອງ ຮາກ,ເຈັບຫົວເປັນຕົ້ນຖ້າບໍ່ໄດ້ຮັບການປິ່ນປົວຢ່າງທັນທີອາດເຮັດໃຫ້ໝົດສະຕິແລະເສຍຊີວິດໄດ້ແລະເຊື່ອບໍ່ວ່າບຸກຄົນທີ່ມີຄວາມສ່ຽງວ່າຈະເກີດພະຍາດລົມແດດກໍ່ຄືທະຫານທີ່ເຂົ້າຮັບການເຝິກໂດຍບໍ່ກຽມຮ່າງກາຍໃຫ້ພ້ອມຕໍ່ສະພາບອາກາດຮ້ອນນັກກິລາສະໝັກຫລິ້ນຜູ້ທີ່ເຮັດວຽກໃນອາກາດຮ້ອນເອົ້າລວມເຖິງຜູ້ສູງອາຍຸ,ເດັກນ້ອຍຄົນດື່ມເຫລົ້າຫລາຍແລະຜູ້ທີ່ມີຄວາມດັນເລືອດສູງ
ວິທີປ້ອງກັນພະຍາດລົມແດດ
ຄວນດື່ມນ້ຳ1-2ຈອກກ່ອນອອກຈາກເຮືອນແລະຖ້າຕ້ອງຢູ່ໃນສະພາບອາກາດຮ້ອນດື່ມນ້ຳໃຫ້ໄດ້ຊົ່ວໂມງລະ1ລີດແມ່ນເຮັດວຽກໃນຮົ່ມກໍຄວນດື່ມນ້ຳຢ່າງໜ້ອຍມື້ລະ6-8ຈອກນຸ່ງເສື້ອຜ້າທີ່ມີສີອ່ອນບໍ່ໜາແລະລະບາຍຄວາມຮ້ອນໄດ້ດີຫລີກລ້ຽງການຢູ່ກາງແດດບໍ່ດື່ມເຄື່ອງດື່ມທີ່ມີແອວກໍຮໍທຸກຊະນິດຫລີກລ້ຽງການກິນຢາແກ້ແພ້,ຢາຫລຸດຂີ້ມູກຄວນໃຫ້ການເບິ່ງແຍງເດັກນ້ອຍແລະຜູ້ສູງອາຍຸເປັນພິເສດ