ຖ່າຍບໍ່ອອກທ້ອງອືດແມ່ນເກີດຈາກ5ສາເຫດນີ້ແນ່ນອນຮູ້ແລ້ວກໍແກ້ໄຂເລີຍດີກວ່າຈະໄດ້ຮູ້ສຶກສະບາຍໂຕຂັບຖ່າຍສະດວກທຸກມື້
ເຊື່ອວ່າສາວໆຫລາຍຄົນກໍເປັນຄືກັນເວລາທີ່ຖ່າຍບໍ່ອອກຕິດຕໍ່ກັນຫລາຍມື້ຈົນຮູ້ສຶກອຶດອັດບໍ່ສະບາຍໂຕໄປຫມົດບໍ່ວ່າຈະກິນໂຢເກີດຫລືຫຍັງທີ່ວ່າດີມາກິນກໍຍັງບໍ່ເຊົາຖ້າເກີດອາການແບບນີ້ເລື້ອຍໆແຕ່ບໍ່ຮູ້ວ່າເກີດມາຈາກຫຍັງມື້ນີ້ຈຶ່ງນຳສາເຫດຂອງການຂັບຖ່າຍບໍ່ອອກມາຝາກມາເບິ່ງກັນວ່າເປັນເພາະສາເຫດໃດ
ຄວາມຄຽດ
ຮູ້ຫລືບໍ່ວ່າຄວາມຄຽດກໍເຮັດໃຫ້ຖ່າຍບໍ່ອອກໄດ້ຄືກັນເພາະເວລາຄຽດກໍສົ່ງຜົນໃຫ້ນອນບໍ່ຫລັບແລະຖ້າເປັນແບບນັ້ນກໍຈະຍິ່ງເຮັດໃຫ້ລະບົບຕ່າງໆໃນຮ່າງກາຍປ່ວນໄປຫມົດສະນັ້ນພະຍາຍາມເຮັດໂຕສະບາຍບໍ່ຄຽດກັນດີກວ່າຈະໄດ້ບໍ່ລຳບາກສຸຂະພາບຮ່າງກາຍ
ບໍ່ອອກກຳລັງກາຍ
ນັ່ງເຮັດວຽກໜ້າຄອມພິວເຕີມາໝົດແລ້ວຖ້າຫລັງຈາກເລີກວຽກບໍ່ຍອມຢືດເສັ້ນຢືດສາຍດ້ວຍການອອກກຳລັງກາຍນຳເລີຍຮັບຮອງວ່າອາການຖ່າຍຍາກມາຢາມແນ່ນອນເພາະການອອກກຳລັງກາຍສາມາດຊ່ວຍກະຕຸ້ນລະບົບຍ່ອຍອາຫານແນ່ນອນຊ່ວຍໃຫ້ລະບົບຂັບຖ່າຍດີຂຶ້ນ
ດື່ມນ້ຳໜ້ອຍ
ການດື່ມນ້ຳບໍ່ພຽງແຕ່ເຮັດໃຫ້ຮ່າງກາຍຊຸ່ມຊື່ນຫລືຊ່ວຍໃຫ້ສຸຂະພາບກາຍແລະຜິວດີແລ້ວ ຍັງຊ່ວຍເຮັດໃຫ້ຂັບຖ່າຍໄດ້ສະດວກຂຶ້ນນຳອີກແລະຖ້າຄິດວ່າຕົນເອງກິນໄຟເບີຫລາຍແລ້ວແຕ່ກໍຍັງຖ່າຍບໍ່ອອກນັ້ນອາດຈະເປັນເພາະວ່າດື່ມນ້ຳໜ້ອຍເພາະການກິນໄຟເບີຫລາຍກໍຕ້ອງດື່ມນ້ຳຫລາຍໆນຳເພື່ອໃຫ້ອາຈົມບວມແລະອ່ອນຈະໄດ້ຂັບຖ່າຍຄ່ອງໆ ງ່າຍໆ
ຖືພາ
ໃນໄລຍະຖືພາເປັນໄລຍະທີ່ຮ່າງກາຍຂອງຜູ້ຍິງເຮົາປ່ຽນແປງທັງຮໍໂມນແລະອາຫານທີ່ກິນບວກກັບຄວາມຄຽດກໍຈະຍິ່ງສົ່ງຜົນກະທົບຕໍ່ລະບົບທາງເດີນອາຫານຫລາຍຂຶ້ນສະນັ້ນແມ່ທີ່ກຳລັງຖືພາຄົນໃດປະສົບບັນຫາຖ່າຍຍາກຢູ່ກໍອາດຈະລອງເລືອກກິນອາຫານທີ່ມີໄຟເບີແລະດື່ມນ້ຳຫລາຍໆກໍຈະຊ່ວຍໄດ້
ພະຍາດລຳໄສ້ປັ່ນປ່ວນ
ພະຍາດທີ່ເກີດຂຶ້ນກັບຄົນເຮັດວຽກກໍ່ຄືພະຍາດລຳໄສ້ປັ່ນປ່ວນກໍເປັນສາເຫດທີ່ເຮັດໃຫ້ຂັບຖ່າຍຍາກເຊັ່ນກັນເພາະພະຍາດນີ້ຈະມີການປັ້ນຂອງລຳໄສ້ໃຫຍ່ຜິດປົກກະຕິຖ້າຫາກວ່າບໍ່ຢາກທໍລະມານກັບພະຍາດນີ້ແລະບໍ່ຢາກທ້ອງອືດເລື້ອຍໆຄວນຈະຮີບໄປພົບແພດເພື່ອປິ່ນປົວໄດ້ຢ່າງຖືກວິທີ