spot_img
Homeຂ່າວເຫດການຮອງປະທານາທິບໍດີ ສ.ມຽນມາ ຢ້ຽມຢາມເຂື່ອນໄຟຟ້ານ້ຳງື່ມ I

ຮອງປະທານາທິບໍດີ ສ.ມຽນມາ ຢ້ຽມຢາມເຂື່ອນໄຟຟ້ານ້ຳງື່ມ I

Published on

presedent mm

ໃນລະຫວ່າງເດີນທາງມາຢ້ຽມຢາມສັນຖະວະໄມຕີສປປລາວ, ແຕ່ວັນທີ 30 ມີນາຫາ 1 ເມສາ 2015 ນີ້, ທ່ານ ຢຽນຕູນ ຮອງປະທານາທິບໍດີແຫ່ງ ສ.ມ ຽນມາ ແລະ ພັນລະຍາພ້ອມຄະນະ, ໄດ້ເດີນທາງໄປຢ້ຽມຢາມເຂື່ອນໄຟຟ້ານ້ຳງື່ມ I ຢູ່ແຂວງວຽງຈັນໃນວັນທີ 31 ມີນານີ້, ​ໂດຍ​ໄດ້ຮັບການຕ້ອນຮັບຈາກທ່ານ ຄໍາເມິງ ພົງທະດີ ເຈົ້າແຂວງວຽງຈັນ, ມີບັນດາອໍານວຍການ, ພ້ອມດ້ວຍອໍານາດການປົກ ຄອງແຂວງວຽງຈັນຕ້ອນຮັບຢ່າງອົບອຸ່ນ.

ໂອກາດນີ້, ທ່ານ ຢຽນຕູນ ແລະ ຄະນະໄດ້ຮັບຟັງການລາຍງານກ່ຽວກັບຄວາມເປັນມາຂອງເຂື່ອນໄຟຟ້ານ້ຳງື່ມ I, ເຊິ່ງເຂື່ອນໄຟຟ້າດັ່ງກ່າວມີກໍາລັງຕິດຕັ້ງ 150 ເມກາວັດ, ປີ 2003-2004 ໄດ້ມີໂຄງການສ້ອມແປງໃຫຍ່ເຄື່ອງຈັກເບີໜຶ່ງ ແລະ ເບີສອງເຮັດໃຫ້ກໍາລັງຕິດຕັ້ງຂອງເຄື່ອງຈັກເພີ່ມຂຶ້ນຈາກ 15 ເມກາວັດເປັນ 17,5 ເມກາວັດ ໃນແຕ່ລະໜ່ວຍເຄື່ອງຈັກ,

ປັດຈຸບັນເຂື່ອນໄຟຟ້ານ້ຳງື່ມ I ມີກໍາລັງຕິດຕັ້ງ 155 ເມກາວັດ, ມີເຄື່ອງຈັກທັງໝົດ 5 ເຄື່ອງ, ພະລັງການຜະ ລິດສະເລ່ຍຕໍ່ປີ 1.025 ກິໂລວັດໂມງຕໍ່ປີ, ມີເນື້ອທີ່ອ່າງໂຕ່ງນ້ຳ 8.460 ກິໂລຕາແມັດ, ເຂື່ອນໄຟຟ້ານ້ຳງື່ມ I ໄດ້ສ້າງຕັ້ງແຕ່ປີ 1968 ເປັນຕົ້ນ ມາ, ພ້ອມນີ້ທ່ານຍັງໄດ້ຮັບຟັງແຜນຍຸດທະສາດ 20 ປີໃນການສົ່ງເສີມພະລັງງານເພື່ອປະຊາຊົນ ແລະ ການຊົມໃຊ້ພະລັງງານ ທົດແທນຈາກຜູ້ຕາງໜ້າກະຊວງພະລັງງານ ແລະ ບໍ່ແຮ່.

ຈາກນັ້ນ, ທ່ານ ຢຽນຕູນ ແລະ ພັນລະຍາພ້ອມຄະນະ, ກໍໄດ້ຢ້ຽມຊົມເຄື່ອງຈັກການຜະລິດໄຟຟ້າແລະຂີ່ເຮືອຊົມ ທິວທັດທໍາມະຊາດແລະຮັບປະທານອາຫານຢູ່ໜ້າເຂື່ອນໄຟຟ້າດັ່ງກ່າວ, ຫລັງຈາກນັ້ນທ່ານຢຽນຕູນແລະພັນລະຍາພ້ອມ ຄະນະໄດ້ເດີນທາງກັບນະຄອນຫລວງວຽງຈັນດ້ວຍຄວາມສະຫວັດດີພາບ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...