Homeຂ່າວທ້ອງຖິ່ນປະຊາຊົນສອງບ້ານ ຢູ່ເມືອງວຽງຄຳ ໄດ້ຮັບຜົນກະທົບຈາກໝາກເຫັບຕົກ

ປະຊາຊົນສອງບ້ານ ຢູ່ເມືອງວຽງຄຳ ໄດ້ຮັບຜົນກະທົບຈາກໝາກເຫັບຕົກ

Published on

ice

ເວລາ​ປະມານ 19:30 ​ໂມງ​ຂອງ​ວັນ​ທີ 23 ມີນາ ຜ່ານ​ມາ​​ໄດ້​ເກີດ​ມີລົມ​ແຮງ ​ແລະ ໝາກ​ເຫັບ​ຕົກ​ຢູ່​ເມືອງ​ວຽງ​ຄໍາ ແຂວງຫລວງພະບາງ ສົ່ງຜົນໃຫ້ບ້ານ​ນາ​ນ້ອຍ ​ແລະ ບ້ານ​ຫ້ວຍ​ມອນ ​ເມືອງ​ດັ່ງກ່າວ​ໄດ້ຮັບ​ຄວາມ​ເສຍ​ຫາຍ​ຢ່າງ​ໜັກໜ່ວງ​ດ້ານ​ທີ່ຢູ່​ອາ​ໄສ​, ​ສັດລ້ຽງ​ຫລາຍ​ປະ​ເພດ​ຕາຍ​ເປັນ​ຈໍ​ານວນ​ຫລວງຫລາຍ ຄາດວ່າ ຈະມີມູນ​ຄ່າ​ເສຍ​ຫາຍຫລາຍກວ່າ​ 300 ​ລ້ານ​ກີບ. ຕໍ່ສະພາບການດັ່ງກ່າວ, ​ການ​ນໍາ​ແຂວງ ແລະ ເມືອງກໍ​ໄດ້ຮີບຮ້ອນ​​ໃຫ້ການ​ຊ່ວຍ​ເຫລືອ​ເບືອ​ງຕົ້ນ​ແລ້ວ.

ທ່ານ​ເຈົ້າ​ເມືອງ​ວຽງຄໍາ ​ໃຫ້​ຮູ້​​ວ່າ:​ ເຫດການດັ່ງກ່າວໄດ້​ສ້າງ​ຄວາມ​ເສຍ​ຫາຍບໍ່ໜ້ອຍ​​ໃຫ້ປະຊາຊົນຈຳນວນ 51 ຄອບຄົວ ໃນບ້ານນານ້ອຍ, ໃນນັ້ນ ​ມີ​ໂຮງຮຽນ 1 ຫລັງ​ຖືກ​ເປ່​ເພ, ມີ​ກະ​ເບື້ອງ​ເສຍ​ຫາຍ 1.542 ​ແຜ່ນ, ສັງກະສີ 3.611 ​ແຜ່ນ, ຈານ​ດາວ​ທຽມ 15 ຊຸດ, ໝູ ແລະ ສັດປີກຕາຍເປັນຈຳນວນຫລາຍ, ສ່ວນ​ບ້ານ​ຫ້ວຍ​ມອນ​ມີ​ 44 ຄອບຄົວ ໄດ້ຮັບຜົນກະທົບ, ໃນນັ້ນ ມີ​​ໂຮງຮຽນ 2 ຫລັງ, ກະ​ເບື້ອງ 2.070 ​ແຜ່ນ, ສັງກະສີ 3.262 ​ແຜ່ນ, ແບ້ ແລະ ສັດປີກຕາຍຈຳນວນຫລາຍໄດ້ຮັບຄວາມເສຍຫາຍ ​ແລະ ​ໂຊກ​ດີ​ບໍ່​ມີ​ຜູ້ເສຍ​ຊີວິດ, ມີ​ພຽງ​ໄດ້​ຮັບ​ບາດ​ເຈັບ 7 ຄົນ.

​ໃນ​ວັນ​ທີ 26 ມີນາ​ນີ້, ທ່ານ ດຣ. ຄໍາ​ແພງ​ ໄຊ​ສົມ​ແພງ ​ເຈົ້າ​ແຂວງ​ຫລວງ​ພະ​ບາງ ​ໄດ້​ເດີນທາງ​ໄປ​ເມືອງ​ວຽງ​ຄໍາ​ ເພື່ອລົງກວດກາ ແລະ ​ນໍາ​ເຄື່ອງ​ຊ່ວຍ​ເຫລືອ​ບັນ​ເທົາ​ທຸຸກຂັ້ນ​ຕົ້ນ​ຈໍານວນ​ຫນຶ່ງ ​ພ້ອມ​ເງິນສົດ 50 ລ້ານ​ກີບ ມອບ​ໃຫ້ການ​ນໍາ​ຂອງ​ເມືອງ​ໄປ​ແຈກ​ຍາຍ​ແກ່​ປະຊາ​ຊົນຜູ້ໄດ້ຮັບຜົນກະທົບ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...