ເລື່ອງນີ້ຄາດວ່າໜ້າຈະເປັນອຸທາຫອນໃຫ້ສາວໆຫລາຍຄົນທີ່ມັກໃສ່ຄອນແທັກເລນແລ້ວບໍ່ຮັກສາຄວາມສະອາດໃຫ້ດີ,ບໍ່ໝັ່ນປ່ຽນຄູ່ເລນຫລືບໍ່ກໍເວລາເລືອກຊື້ບໍ່ລະວັງໃຫ້ດີຮູ້ຫລືບໍ່ວ່າເວັບໄຊຂ່າວຂອງຈີນເຂົາອອກມາລາຍງານວ່າມີຍິງສາວຄົນໜຶ່ງໃນມົນທົນເຈີ້ຈຽງຕາເປັນຕໍ້ຫິນເພາະວ່າໃສ່ຄອນແທັກເລນແບບໃຊ້ແລ້ວຖິ້ມຕິດຕໍ່ກັນເດືອນນຶງໂດຍບໍ່ປ່ຽນເລີຍ
ຕາມລາຍງານລະບຸວ່າສາວຄົນດັ່ງກ່າວໄປຊື້ຄອນແທັກເລນບິ໊ກອາຍ”ລາຄາຖືກມາເພາະຢາກຕາໃຫຍ່ຄືຕຸ໊ກະຕາແລ້ວກໍໃສ່ຢູ່ແນວນັ້ນຄູ່ດຽວຈົນກະທັ້ງເລີ່ມມີອາການປວດແສບປວດຮ້ອນໃນຕາຈຶ່ງໄດ້ໄປພົບແພດແລ້ວກໍຮູ້ວ່າຕາຕິດເຊື້ອຕໍ້ຫິນແລ້ວແລະຕ້ອງໃຊ້ເຂັມຂູດອອກ ເຫດການລັກສະນະນີ້ເຄີຍເກີດຂຶ້ນມາແລ້ວໃນໄຕ້ຫວັນມີຍິງສາວຄົນໜຶ່ງຖືກເຊື້ອພະຍາດກັດກິນມ່ານຕາຈົນໝົດເພາະໃສ່ຄອນແທັກເລນຄູ່ເດີມຕິດຕໍ່ກັນ1ປີທາງແພດກໍໄດ້ເຕືອນໄວ້ວ່າໃຜທີ່ໃສ່ຄອນແທັກເລນແບບລາຍມື້ຄວນຈະໝັ່ນປ່ຽນຢູ່ສະເໝີແລະບໍ່ຄວນໃສ່ຂະນະອາບນ້ຳຫລືລອຍ ເພາະຈະຕິດເຊື້ອໄດ້ງ່າຍ