ເວັບ​ໄຊຮັບຟິງ​ຕັນ​ໂພດ ລະ​ບຸ​ໃນ​ລາຍ​ງານ​ເມື່ອ​ວັນທີ່ 11 ມີ​ນາ 2015 ວ່າ ຈູ​ເລຍ ກຸນ​ເທນ(Julia Gunthel)ຫລື​ທີ່​ຮູ້​ຈັກ​ກັນ​ໃນ​ນາມ ຊະ​ລາ​ຕ້າ (Zlata) ຄົນ​ລັດ​ເຊຍຄື​ຜູ້ຍິງ​ທີ່​ໄດ້​ຊື່​ວ່າ​ຕົວ​ອ່ອນ​ທີ່ສຸດ​ໃນ​ໂລກໂດຍ​ເມື່ອ​ຍ້ອນ​ໄປ​ໃນອາຍຸ4ປີ​ຄູ​ທີ່​ໂຮງ​ຮຽນ​ນໍ​ນຸ​ບານ​ສັງເກດ​ເຫັນ​ໄດ້​ເຖິງ​ຄວາມ​ຍືດ​ຫຍຸ່ນ​ຂອງ​ຕົວ​ນາງແລະ​ນາງ​ກໍ​ໃຊ້​ເວລາ​ດົນ​ຫລາຍ​ປີ​ໃນ​ການ​ຝຶກ​ກາຍ​ະກຳກ່ອນ​ຈະ​ຍ້າຍ​ໄປ​ຢູ່​ເຍຍລະມັນແລະ​ກ້າວ​ເຂົ້າ​ສູ່​ການ​ເປັນ​ນັກ​ດັດ​ຕົນ​ເຕັມ​ຕົວ
ຍ້ອນກັບ​ໄປ​ເມື່ອ​ປີ2010ໃນ​ລາຍ​ການ​ໜຶ່ງ​ທາງ​ຊ່ອງ Discovery Channel ເປີດ​ເຜີຍ​ເລື່ອງ​ລາວ​ຂອງ​ນາງ​ແລະ​ໃຫ້​ແພດ​ກວດ​ເຊັກ​ຮ່າງກາຍ​ສຸດ​ຍືດ​ຫຍຸ່ນ​ຜ່ານ​ເຄື່ອງ MRI ກໍ​ພົບ​ວ່າ​ເສັ້ນ​ເອັນ​ຂອງ​ນາງ​ຄ້າຍ​ກັບ​ຂອງ​ເດັກນ້ອຍຊຶ່ງ​ມັນ​ບໍ່​ແຂງ​ຢ່າງ​ທີ່​ຄວນ​ຈະ​ເປັນແລະ​ນີ້​ແຫລະ​ທີ່​ເຮັດໃຫ້​ນາງ​ມີ​ຄວາມ​ສາມາດ​ໃນ​ການ​ງໍ​ຕົວ​ໄດ້​ຢ່າງ​ຕົກໃຈ