ການທີ່”ລີ້ນ”ມີສີຫລືລັກສະນະທີ່ຜິດປົກກະຕິໄປຈາກແຕ່ກ່ອນເປັນລັກສະນະທີ່ບົ່ງບອກເຖິງຄວາມຜິດປົກກະຕິທີ່ກຳລັງເກີດຂຶ້ນສ່ວນຄົົນທີ່ມີສຸຂະພາບດີເລືອດລົມດີລິ້ນຈະມີສີບົວບໍ່ມີຝ້າຂາວຫລືເຫລືອງປະປົນຢູ່ລິ້ນ
ແພດຈີນເຊື່ອວ່າການທີ່ຮ່າງກາຍສະແດງອາການຜິດປົກກະຕິຄືການສົ່ງສັນຍານເຕືອນວ່າລະບົບພາຍໃນຮ່າງກາຍກຳລັງມີບັນຫາເຊັ່ນການທີ່ລິ້ນມີສີຫລືລັກສະນະທີ່ຜິດປົກກະຕິໄປຈາກແຕ່ກ່ອນເປັນລັກສະນະທີ່ບົ່ງບອກເຖິງຄວາມຜິດປົກກະຕິທີ່ກຳລັງເກີດຂຶ້ນແລະຕໍ່ໄປນີ້ຄືອາການຕ່າງໆທີ່ອາດກຳລັງເກີດຂຶ້ນເມື່ອລິ້ນມີລັກສະນະດັ່ງນີ້
1.ລິ້ນມີສີຂາວຊີດບົ່ງບອກວ່າຮ່າງກາຍກຳລັງປະສົບບັນຫາເລືອດຈາງຫລືອາດມີເລືອດອອກໃນລະບົບທາງເດີນອາຫານໂດຍບໍ່ຮູ້ໂຕ
2.ລິ້ນມີສີຂຽວມ້ວງໝາຍຄວາມວ່າຮ່າງກາຍກຳລັງຂາດອົກຊິເຈນຫລືອາດເປັນພະຍາດກ່ຽວກັບຫົວໃຈຫລືພົບໄດ້ໃນຄົົນທີ່ມີອາການຕັບວາຍ
3.ລິ້ນເປັນຝ້າຄ້ຳເກີດຈາກການສູບຢາໜັກຫລືການກິນຢາປະຕິຊີວະນະຫລາຍເກີນໄປ ຊຶ່ງໄປທຳລາຍແບັກທີເຣຍທີ່ດີຂອງລິ້ນ
4.ລິ້ນເປັນຝ້າຂາວອາດພົບໃນເດັກນ້ອຍຄົນເຖົ້າຫລືຜູ້ທີ່ມີພາວະພູມຄຸ້ມກັນບົກຜ່ອງຊຶ່ງອາດເຮັດໃຫ້ເກີດເຊື້ອຣາທີ່ລິ້ນຫລືອາດບົ່ງບອກວ່າເປັນຄົົນທີ່ມີບັນຫາສຸຂະພາບໃນປາກຊຳເຮື້ອ
5.ລິ້ນແດງແລະມີອາການເຈັບເກີດຈາກການຂາດສານອາຫານພວກວິຕາມິນບີ1ຈຳພວກ ທັນຍະພືດຫລືຖົ່ວຕ່າງໆ
6.ລິ້ນອັກເສບແດງແລະເຈັບມີເລືອດອອກງ່າຍຮ່ວມກັບບໍລິເວນຂອບລິ້ນແຕກຮ່ອງເປັນບາດແຜເກີດຈາກການທີ່ຂາດສານອາຫານຈຳພວກວິຕາມິນບີ5ທີ່ພົບໃຫ້ອາຫານຈຳພວກ ຖົ່ວດິນ,ງາ,ອາໂວຄາໂດ,ແອັບເປີ້ນ
7.ທົ່ວລິ້ນມີຝ້າຂາວແລະມີຈຸດແດງໆຢູ່ລິ້ນລວມເຖິງເປັນໄຂ້ນໍາບົ່ງບອກວ່າກຳລັງຕິດເຊື້ອແບກທີເຣຍຫລືໄວຣັສບາງຊະນິດ
ສ່ວນຜູ້ທີ່ມີສຸຂະພາບດີ,ເລືອດລົມດີ,ລິ້ນຈະມີສີບົວມີຄວາມຊຸ່ມຊື່ນບໍ່ມີຝ້າຂາວຫລືເຫລືອງປະປົນຢູ່ລິ້ນ