1.ນັ້ນບໍ່ແມ່ນວຽກຂອງຂ້ອຍ
ເຫດຜົນ:ຖ້າເປັນການໂຍນວຽກມາຈາກຫົວໜ້າກໍແປວ່າຫົວໜ້າຕ້ອງການຄວາມຊ່ວຍເຫລືອຈາກເຈົ້ານັ້ນແຫລະຮັບເຮັດເພື່ອເກັບເປັນຂໍ້ມູນດີທີ່ດີຕິດໂຕໄວ້
ສິ່ງທີ່ຄວນເວົ້າທີ່ສຸດ:ຢ່າປະຕິເສດຫົວໜ້າ(ຫລືໃຜກໍຕາມ)ແບບໝາກນາວບໍ່ມີນ້ຳຖ້າເຮັດບໍ່ໄຫວແທ້ໆ ຄວນອອກໂຕດ້ວຍປະໂຫຍກທຳນອງວ່າຕອນນີ້ມີວຽກຫລາຍຢ່າງທີ່ຍັງບໍ່ສຳເລັດຢ້ານວ່າຖ້າມີວຽກໃໝ່ເຂົ້າມາອາດເຮັດໃຫ້ສົ່ງວຽກຊ້າຫລືຖ້າເຮັດໄວກວ່າກຳນົດຄຸນນະພາບອາດບໍ່ດີຈາກນັ້ນເຈລະຈາຂໍໃຫ້ຫົວໜ້າຫລຸດວຽກເກົ່າທີ່ຄ້າງຢູ່ຫລືເລື່ອນກຳນົດສົ່ງອອກໄປເປັນຕົ້ນ
2.ຂ້ອຍມີເລື່ອງຈະຝອຍ
ເຫດຜົນ:ບໍ່ດີແນ່ນອນຖ້າຊື່ສຽງຂອງເຈົ້າຈະເປັນທີ່ຈື່ຈໍາໄປທົ່ວຫ້ອງການວ່າເຈົ້າເປັນຄົນມັກປ່ອຍຂ່າວລື ແລະມັກເວົ້າເລື່ອງຄົນອື່ນລັບຫລັງເປັນປະຈຳ
ສິ່ງທີ່ຄວນເວົ້າທີ່ສຸດ:ເຂົ້າໃຈວ່າຄວາມຄັນປາກບໍ່ເຂົ້າໃຜອອກໃຜແຕ່ຖ້າເວົ້າໄປແລ້ວບໍ່ມີປະໂຫຍດສູ້ຕັ້ງໜ້າຕັ້ງຕາເຮັດວຽກຈະດີກວ່າ
3.ຂ້ອຍມີຄວາມຄິດໜຶ່ງຢາກຈະບອກແຕ່ອາດຟັງເບິ່ງໂງ່ໆຄືວ່າ…
ເຫດຜົນ: ການເວົ້າອອກໂຕເຊັ່ນນີ້ຖືເປັນການຫລຸດຄວາມໜ້າເຊື່ອຖືໃນສິ່ງທີ່ກຳລັງຈະເວົ້າ
ສິ່ງທີ່ຄວນເວົ້າທີ່ສຸດ:ຕັດຄຳເວົ້າອອກໂຕທີ່ອາດຟັງເບິ່ງຕິດລົບອອກໄປແລ້ວໃຫ້ເວົ້າໃນເລື່ອງທີ່ຢາກຈະເວົ້າຢ່າງໝັ້ນໃຈທີ່ສຸດ
4.ຂ້ອຍບໍ່ມີເວລາເວົ້າກັບນາງຕະຫລອດ
ເຫດຜົນ:ເປັນປະໂຫຍກທີ່ຟັງຫຍາບຄາຍ(ບໍ່)ໄດ້ໃຈຫລາຍໆບໍ່ເໝາະສົມທັງເວົ້າຕໍ່ໜ້າແລະທາງໂທລະສັບ
ສິ່ງທີ່ຄວນເວົ້າທີ່ສຸດ:ດຽວເດີນາງຂ້ອຍໃກ້ຈະສຳເລັດວຽກນີ້ແລ້ວອີກປະມານ10ນາທີ(ຫລືເທົ່າໃດກໍວ່າໄປ)ເຮົາຄ່ອຍລົມກັນໃໝ່
5.ເຮັດວຽກມາຕັ້ງຫລາຍປີບໍ່ເຫັນຂຶ້ນເງິນເດືອນໃຫ້ຈັກເທື່ອ
ເຫດຜົນ:ການພິຈາລະນາຂຶ້ນເງິນເດືອນຫົວໜ້າບໍ່ໄດ້ເອົາອາຍຸວຽກມາເປັນເຄື່ອງວັດແທກແຕ່ປະເມີນກັນທີ່ຜົນງານຫລາຍກວ່າ
ສິ່ງທີ່ຄວນເວົ້າທີ່ສຸດ:ຖ້າໄດ້ໂອກາດເໝາະສົມແລະຢາກຈະເວົ້າເລື່ອງນີ້ແທ້ໆຄວນນຳຜົນງານອັນເດັ່ນໆມາສະໜັບສະໜູນຈະເຮັດໃຫ້ມີນ້ຳໜັກຫລາຍຂຶ້ນ
6.ໄລ່ຂ້ອຍອອກແລ້ວເຈົ້າຈະເສຍໃຈ
ເຫດຜົນ:ເປັນປະໂຫຍກທີ່ບອກວ່າເຈົ້າໃຊ້ອາລົມຢູ່ເໜືອເຫດຜົນເພາະມີຫົວໜ້າຈຳນວນທີ່ຈະດຶງເຈົ້າໄວ້(ໜຶ່ງເປີເຊັນຫລືນ້ອຍກວ່າ)ສະນັ້ນການເວົ້າອອກໄປຈະມີໂອກາດສ່ຽງຖືກຫົວໜ້າໄລ່ອອກຕາມຄຳຂໍສູງ
ສິ່ງທີ່ຄວນເວົ້າທີ່ສຸດ:ຄວນຄິດກ່ອນເວົ້າຢ່າທະນົງໂຕວ່າເຈົ້າເຮັດວຽກເກັ່ງເພາະການຢູ່ຮ່ວມກັນໃນທີ່ເຮັດວຽກນັ້ນມີເສັ້ນບາງໆທີ່ແບ່ງບົດບາດແລະຄວາມຮັບຜິດຊອບຊັດເຈນຖ້າກາຍເສັ້ນເລື່ອງຫຍັງກໍ່ເກີດຂຶ້ນໄດ້