ໃຜທີ່ເຄີຍກິນອາຫານແລ້ວມີອາການຊາຕາມມືແລະຮ້ອນທີ່ປາກ,ລິ້ນ,ໜ້າແລະຮູ້ສຶກແໜ້ນໜ້າເອິກ,ຫາຍໃຈບໍ່ສະດວກບາງເທື່ອອາດມີຜື່ນແດງຂຶ້ນຕາມໂຕອາການແບບນີ້ຄື ພະຍາດພັດຕາຄານຈີນ(Chinese Restaurant Syndrome)ຫລືພະຍາດແພ້ແປ້ງນົວ ຖ້າກິນອາຫານທີ່ມີປະລິມານແປ້ງນົວຫລາຍໆເປັນປະຈຳຍ່ອມເກີດອັນຕະລາຍຕໍ່ສຸຂະພາບໄດ້ດັ່ງນີ້
– ທຳລາຍລະບົບປະສາດຕາສາຍຕາເສຍຫລືເກີດຕາບອດໄດ້
– ທຳລາຍກະດູກແລະໄຂກະດູກຊຶ່ງຜະລິດເມັດເລືອດແດງໃນຮ່າງກາຍອາດເຮັດໃຫ້ເກີດພະຍາດເລືອດຈາງໄດ້
– ເຮັດໃຫ້ວິຕາມິນໃນຮ່າງກາຍຫລຸດລົງໂດຍສະເພາະຢ່າງຍິ່ງວິຕາມິນບີ6ເຮັດໃຫ້ເປັນພະຍາດຜິວໜັງໄດ້ງ່າຍ
– ທຳລາຍສະຫມອງສ່ວນໜ້າຫລືໄຮໂປທາລາມັດເຮັດໃຫ້ການຈະເລີນເຕີບໂຕຊ້າ ປັນຍາອ່ອນແລະເປັນໝັນ
– ທຳລາຍລະບົບປະສາດສ່ວນກາງເຮັດໃຫ້ເປັນພະຍາດປະສາດໄດ້ງ່າຍຂຶ້ນສຳລັບຜູ້ທີ່ຖືພາ
ຖ້າກິນແປ້ງນົວຫລາຍໆຈະມີຜົນຕໍ່ການປ່ຽນແປງໂຄໂມໂຊມຂອງເດັກນ້ອຍໃນມົດລູກ ເຮັດໃຫ້ຮ່າງກາຍຂອງເດັກນ້ອຍເກີດຄວາມຜິດປົກກະຕິ,ປາກແຫວ່ງ,ແຂນຂາພິການໄດ້ ຮູ້ແບບນີ້ແລ້ວກໍຢ່າກິນແປ້ງນົວຫລາຍຈົນເກີນໄປຄວນກິນແຕ່ພໍປະມານຈະດີກວ່າເພື່ອສຸຂະພາບທີ່ດີ.