ກ່ອນໜ້ານີ້ ຢູ່ບ່ອນງານເປີດໂຕໃຫຍ່ຂອງ HTC ໄດ້ມີສະມາຣ໌ທໂຟນ Smart Phone ລຸ້ນໃໝ່ພຽງລຸ້ນດຽວເທົ້ານັ້ນກໍ່ຄື HTC One M9 ແຕ່ຫຼັງຈາກນັ້ນບໍ່ດົນກໍ່ມີຂ່າວລືກ່ຽວກັບມືຖືຂອງ HTC ອີກລຸ້ນໜຶ່ງທີ່ລໍຖ້າຕໍ່ຄີວເປີດໂຕ ໃນປີນີ້ອີກຄືກັນ ທີ່ອາດຈະໃສ່ຊື່ວ່າ “HTC One M9 Plus”
ຫຼຸດມາແລ້ວ! HTC One M9 Plus ພາບຊັດໆ ມີປຸ່ມໂຮມ ແລະ ມີ 2 ກ້ອງຫຼັງ!
ແຕ່ຫຼ້າສຸດຂ່າວລືນີ້ເບິ່ງທ່າທີ່ວ່າຈະເປັນຄວາມຈິງຊະແລ້ວ ເມື່ອມີພາບຢ່າງບໍ່ເປັນທາງການຂອງ “HTC One M9 Plus” ຫຼຸດອອກມາທາງ ທະວິຕເຕີຣ໌ ໂດຍມີການປຽບທຽບຂະໜາດກັບ One M9 ລຸ້ນທີ່ຫາກໍ່ຈະເປີດໂຕໄປແລ້ວນັ້ນ ຊຶ່ງຕາມຂໍ້ມູນບອກວ່າ M9 Plus ຈະມີຂະໜາດໜ້າຈໍ 5.2 ນີ້ວ ໃຫຍ່ຂຶ້ນກວ່າ M9 ທີ່ມີຂະໜາດ 5ນີ້ວ ລອງເບິ່ງພາບດ້ານລຸ່ມນີ້ເລີຍ!
Htc one m9 Vs htc one m9 plus
ຈຸດສັງເກດທີ່ສໍາຄັນຈາກຮູບພາບຂ້າງເທີງນີ້ກໍ່ຄື HTC One M9 Plus ຈະມາພ້ອມກັບ “ປຸ່ມໂຮມ” ຄ້າຍຄືກັບມືຖືຂອງ Samsung ແຕ່ຕອນນີ້ຍັງບໍ່ມີຂໍ້ມູນວ່າປຸ່ມນີ້ຈະໃຊ້ເຮັດຫຍັງໄດ້ແດ່ ຫຼືອາດຈະໃຊ້ເປັນບ່ອນສະແກນລາຍມືກໍ່ເປັນໄດ້ ນອກຈາກນີ້ທາງດ້ານກ້ອງຫຼັງ ຈະມາພ້ອມກັບ ກ້ອງສອງໂຕ ທີ່ຄືກັບ HTC One M8 ອີກດ້ວຍ