ການເບິ່ງແຍງຄວາມສວຍງາມຂອງແຂ້ວສະແດງໃຫ້ເຫັນເຖິງຄວາມມີຈິດສຳນຶກຫລືຄວາມເອົາໃຈໃສ່ໃນສຸຂະພາບຂອງຮ່າງກາຍແລະປາດຖະຫນາຈະເປັນທີ່ຮັກຂອງທຸກຄົນ
ໃນແຕ່ລະມື້ກ່ອນຫລັງຖູແຂ້ວເຄີຍສັງເກດຫລືບໍ່ວ່າມີຄາບຂາວອອກເຫລືອງຫລືສີຄີມທີ່ເກາະທີ່ແຂ້ວນຳຫລືບໍ່ເພາະຫາກຖິ້ມໄວ້ດົນຄາບເຫລົ່ານັ້ນຈະເກາະຕິດແໜ້ນບໍ່ສາມາດເອົາອອກໂດຍການແປງແຂ້ວນີ້ແຫລະທີ່ເອີ້ນວ່າຫີນປູນ
ຫີນປູນເກີດຈາກຫຍັງ?
ເກີດຈາກຄາບນ້ຳລາຍເຊື້ອພະຍາດຕ່າງໆສະສົມການຖູແຂ້ວຫລືບ້ວນປາກດ້ວຍນ້ຳຢາບ້ວນປາກກໍບໍ່ສາມາດກຳຈັດຈຸລິນຊີພວກນີ້ໄດ້ເພາະສະນັ້ນຫລາຍໆຄົນຕ້ອງກຳຈັດຫີນປູນໂດຍການເຂົ້າພົບທັນຕະແພດເພື່ອໃຫ້ໝໍແຂ້ວຂູດຫີນປູນອອກໃຫ້
ສ່ວນຫລາຍແລ້ວຄາບຫີນປູນຈະເກີດບໍລິເວນຊອກແຂ້ວລະຫວ່າງແຂ້ວຫລືເກີດທີ່ໂຄນຂອງແຂ້ວທຸກເຫລັ້ມໄດ້ທັງປາກບໍ່ເວັ້ນແມ່ນແຂ້ວປອມສ່ວນຫລາຍເກີດໃນຊອກແຂ້ວດ້ານໃນເພາະແຂ້ວດ້ານໜ້າເຮົາຖູແຂ້ວໄດ້ຖະຫນັດເຮັດໃຫ້ເຮັດຄວາມສະອາດໄດ້ດີກວ່າຊອກແຂ້ວຂ້າງໃນຖ້າໃຜລອງເອົາແວ່ນສ່ອງແຂ້ວຫລາຍສ່ອງເບິ່ງອາດຈະຕ້ອງຕົກໃຈກັບຫີນປູນຂອງເຮົາເລີຍກໍໄດ້
ອັນຕະລາຍຈາກຫີນປູນ
1.ເຮັດໃຫ້ເລືອດອອກຂະນະຖູແຂ້ວເພາະບາງຄົນອາດຈະຄິດວ່າມີເສດອາຫານຕິດຊອກແຂ້ວເຮັດໃຫ້ພະຍາຍາມສີແຂ້ວແຮງໆແຕ່ຫີນປູນບໍ່ສາມາດໃຊ້ສີແຂ້ວເອົາອອກໄດ້ຈຶ່ງອາດຈະເກີດການໃຊ້ແຮງກົດເກີນໄປຈົນເລືອດອອກ
2.ເຫງືອກບວມສືບເນື່ອງຈາກການສີແຂ້ວໂດຍເນັ້ນແຮງກົດອາດຈະເຮັດໃຫ້ເລືອດອອກແລ້ວເຫງືອກຍັງບວມອັກເສບຫລືເປັນແຜຊຶ່ງເຮັດໃຫ້ຫຍຸ້ງຍາກແລະທໍລະມານກັບການກິນອາຫານໄດ້
3.ແຂ້ວເຫລືອງສຸດໆເນື່ອງຈາກເປັນແຄຊຽມແລະຈຸລິນຊີມາເຄືອບຜິວແຂ້ວຈຶ່ງເກີດການຕົກຕະກອນເປັນສີເຫລືອງເຮັດໃຫ້ເສຍບຸກຄະລິກກະພາບ
4.ມີກິ່ນປາກເພາະຄາບຫີນປູນກໍມີແບກທີເຣຍຈາກຂີ້ແຂ້ວທີ່ເຮັດໃຫ້ມີກິ່ນປາກ
5.ເຫງືອກລົ່ນເພາະຫີນປູນຖ້າເກາະໂຕກັນໃຫຍ່ຫລາຍໆມັນກໍຈະດັນລົງຂ້າງລຸ່ມດັນເຫງືອກຂອງເຮົາໃຫ້ຖອຍຕົວລົງໄປ
6.ແຂ້ວໂຍກຖ້າຫີນປູນດັນເຫືອກລົງຫລາຍໆແລ້ວກໍຈະເຮັດໃຫ້ເຫງືອກຢຶດແຂ້ວໄດ້ໜ້ອຍເວລາຫຍ້ຳອາຫານກໍມີໂອກາດສ່ຽງເພີ່ມຂຶ້ນທີ່ແຂ້ວຈະໂຍກແລະຖ້າຫີນປູນໃຫຍ່ຂຶ້ນກໍຈະດັນແຂ້ວຂ້າງໆໄດ້ເຮັດໃຫ້ແຂ້ວຫ່າງກັນ
7.ແຂ້ວແມງເຊື້ອຈຸລິນຊີທີ່ຍ່ອຍອາຫານແລ້ວປ່ອຍສານທີ່ເປັນກົດອອກມາຈະກັດຝົນຜິວເຄືອບແຂ້ວໃຫ້ເປັນຮ່ອງເປັນຢ່າງຕໍ່ເນື່ອງດົນໆຈະເຮັດໃຫ້ຜິວແຂ້ວເປັນຮູຊຶ່ງເອີ້ນວ່າແຂ້ວແມງ
8.ເຫງືອກອັກເສບເຊື້ອຈຸລິນຊີບາງຈຳພວກຈະປ່ອຍສານພິດອອກມາທຳລາຍເຍື່ອເຫງືອກເຮັດໃຫ້ເກີດເຫງືອກອັກເສບ
9.ພະຍາດເຫງືອກອັກເສບຄາບຫີນປູນຖ້າເປັນຢ່າງຕໍ່ເນື່ອງດົນໆເກີດເປັນພະຍາດ ເຫງືອກອັກເສບໄດ້ເພາະແຜ່ນຄາບຈຸລິນຊີທີ່ເກາະເທິງຫີນປູນຈະກຳຈັດໄດ້ຍາກກວ່າເທິງຜິວແຂ້ວດັ່ງນີ້ຖ້າຕ້ອງການກຳຈັດແຜ່ນຄາບຈຸລິນຊີໃຫ້ໝົດຕ້ອງກຳຈັດຫີນປູນອອກກ່ອນ
ວິທີປ້ອງກັນການເກີດຫີນປູນ
ຈະປ້ອງກັນບໍ່ໃຫ້ເກີດຫີນປູນຂຶ້ນອີກເລີຍໃນປະຈຸບັນຍັງບໍ່ສາມາດເຮັດໄດ້ແຕ່ການມີຫີນປູນບໍ່ແມ່ນການເປັນພະຍາດກໍຄືໆກັບການເກີດມີຂີ້ແຂ້ວທີ່ເກາະທີ່ໂຕແຂ້ວຫລັງກິນອາຫານຖ້າບໍ່ກິນກໍຄົງຈະບໍ່ເກີດແຕ່ແທ້ໆແລ້ວແມ່ນບໍ່ກິນອາຫານກໍມີຄາບຂອງໂປຕີນໃນນ້ຳລາຍໄປເກາະທີ່ຜິວແຂ້ວຢູ່ດີພຽງແຕ່ເຮົາເບິ່ງບໍ່ເຫັນແລະບໍ່ເປັນອັນຕະລາຍຕໍ່ແຂ້ວ
ດັ່ງນັ້ນທີ່ຈະເຮັດໄດ້ຄືການເຮັດຄວາມສະອາດແຂ້ວໃຫ້ສະອາດທົ່ວທັງປາກທຸກໆມື້ກໍຈະເຮັດໃຫ້ເກີດຫີນປູນຊ້າລົງຫລືໜ້ອຍລົງ
ນອກຈາກນີ້ໃນປະຈຸບັນຍັງມີການພັດທະນາການເພີ່ມສານບາງຢ່າງໃນຢາສີແຂ້ວເພື່ອຫລຸດການເກາະໂຕຂອງສານປະກອບແຄຊຽມດັ່ງນັ້ນໃນໄລຍະຍາວກໍອາດມີຜົນທີ່ເຫັນໄດ້ຊັດເຈນຊຶ່ງຜູ້ຊ່ຽວຊານເຊື່ອວ່າອາດຫລຸດການເກີດຫີນປູນໃນປະຊາກອນໄດ້ຮ້ອຍລະ 5-10