ຜົນວິໄຈບອກວ່າຜະລິດຕະພັນບາງປະເພດທີ່ເຮັດຈາກຖົ່ວເຫລືອງເຊັ່ນ:ເຕົ້າຮູ້,ຖ້າກິນຫລາຍເກີນໄປອາດເພີ່ມຄວາມສ່ຽງໃນການສູນເສຍຄວາມຈື່ຈຳຊຶ່ງເປັນອາການໜຶ່ງຂອງພະຍາດຈິດເສື່ອມນັກວິໄຈຈາກມະຫາວິທະຍາໄລລັຟເບີເທີໃນອັງກິດໄດ້ສຶກສາເລື່ອງນີ້ກັບຜູ້ສູງອາຍຸຊາວອິນໂດນີເຊຍ719ຄົນຊຶ່ງອາໄສຢູ່ໃນຕົວເມືອງແລະເຂດຊົນນະບົດເທິງເກາະຊວາພົບວ່າການກິນເຕົ້າຮູ້ຫລາຍເກີນໄປຄືບໍ່ຕ່ຳກວ່າຄາບລະເທື່ອມີສ່ວນເຮັດໃຫ້ຄວາມຈື່ຈຳຮ້າຍກວ່າເກົ່າໂດຍສະເພາະຜູ້ບໍລິໂພກທີ່ຢູ່ໃນອາຍຸ68ປີຂຶ້ນໄປເປັນທີ່ຮູ້ກັນວ່າ ປະຊາຊົນໃນກຸ່ມປະເທດກຳລັງພັດທະນານິຍົມບໍລິໂພກຜະລິດຕະພັນທີ່ເຮັດຈາກຖົ່ວເຫລືອງເພື່ອເປັນແຫລ່ງໂປຕີນທົດແທນການບໍລິໂພກຊື້ນຄົນຕະເວັນຕົກຍັງຫັນມາບໍລິໂພກຖົ່ວເຫລືອງຫລາຍຂຶ້ນນໍາອີກເພາະເຊື່ອວ່າດີມີປະໂຫຍດແຕ່ຜົນວິໄຈລ່າສຸດພັດບອກວ່າຖ້າໃຫ້ຜູ້ສູງອາຍຸກິນເຕົ້າຮູ້ຫລາຍເກີນໄປອາດເຮັດໃຫ້ພວກເຂົາເປັນພະຍາດຈິດເສື່ອມ ຊຶ່ງຈະມີຜົນຕໍ່ຄວາມຄິດແລະຄວາມຈື່ຈຳເຕົ້າຮູ້ເຕັມໄປດ້ວຍສານໄຟໂຕເອດໂຕເຈນຊຶ່ງໃຫ້ຜົນໃນແບບດຽວກັບເອດໂຕເຈນທີ່ເປັນຮໍໂມນເພດຍິງຜົນວິໄຈອັນນີ້ພົບວ່າຖ້າຮ່າງກາຍໄດ້ຮັບສານໄຟໂຕເອດໂຕເຈນຫລາຍເກີນໄປອາດເພີ່ມຄວາມສ່ຽງເຮັດໃຫ້ເປັນພະຍາດຈິດເສື່ອມສອດຄ້ອງກັບຜົນວິໄຈກ່ອນໜ້ານີ້ທີ່ລະບຸວ່າການປິ່ນປົວດ້ວຍຮໍໂມນເອດໂຕເຈນຈະເຮັດໃຫ້ຜູ້ທີ່ມີອາຍຸເກີນ65ປີມີຄວາມສ່ຽງເພີ່ມຂຶ້ນເທົ່າໂຕທີ່ຈະເປັນພະຍາດຈິດເສື່ອມໄດ້ແຕ່ນັກວິໄຈຍັງຕ້ອງສຶກສາໃນເລື່ອງນີ້ເພີ່ມຕື່ມເພາະມີຄວາມເປັນໄປໄດ້ອີກເຊັ່ນກັນວ່າເຕົ້າຮູ້ອາດບໍ່ແມ່ນຕົວການທີ່ເຮັດໃຫ້ຜູ້ສູງອາຍຸໃນອິນໂດນີເຊຍມີຄວາມຈຳຮ້າຍກວ່າເກົ່າແຕ່ອາດມາຈາກສານກັນບູດໃນເຕົ້າຮູ້ທີ່ໄປກະທົບກັບສະຫມອງໃນສ່ວນຂອງຄວາມຈື່ຈຳ ຂະນະທີ່ຜູ້ຊ່ຽວຊານຈາກມະຫາວິທະຍາໄລອອກຟອດບອກວ່າເຕົ້າຮູ້ເປັນອາຫານທີ່ຊັບຊ້ອນປະກອບດ້ວຍສານອາຫານຫລາຍຢ່າງທີ່ອາດເປັນສາເຫດໃນເລື່ອງນີ້ແລະເຫັນວ່າຜົນການສຶກສານີ້ບົ່ງບອກວ່າສະຫມອງຂອງຜູ້ສູງອາຍຸອາດມີປະຕິກິລິຍາກັບຮໍໂມນເອດໂຕເຈນໃນທາງກົງກັນຂ້າມກັບທີ່ເຮົາເຄີຍຄິດໄວ້