ເຊນທຣາເລຍ ສະຫະລັດອາເມລິກາ ເປີດເມືອງດິບ ທີ່ໄຟໄໝ້ມາແລ້ວກວ່າ 53 ປີ ແລະ ຍັງບໍ່ດັບຈົນເຖິງທຸກມື້ນີ້
ຫາກທ່ານເປັນແຟນຫນັງ ຫຼືເກັມ Silent Hill ແລ້ວລະກໍ່ ລອງມາຮູ້ຈັກກັບເມື່ອງ ເຊນທຣາເລຍ(Centralia) ໃນລັດເພນຊິລວາເນຍ ສະຫະລັດອາເມລິກາ ຊຶ່ງເປັນເມືອງ ຕົ້ນແບບຂອງ Silent Hill ໂດຍເມືອງແຫ່ງນີ້ເກີດໄຟໄໝ້ ຢູ່ໃຕ້ດິນຂອງເມື່ອງ ມາຕັ້ງແຕ່ປີ ຄສ 1962 ຈົນມາເຖີງປັດຈຸບັນເປັນໄລຍະເວລາກວ່າ 53ປີ ກໍ່ຍັງບໍ່ມີວີ່ແວວວ່າໄຟໄໝ້ນີ້ຈະດັບລົງໄດ້ເລີຍ ຊຶ່ງແນ່ນອນວ່າ ເມືອງດັ່ງກ່າວ ຖືກຈັດເປັນເມື່ອງທີ່ອັນຕະລາຍຕິດອັນດັບ 1 ໃນ 10ເມືອງຂອງໂລກ.
ມີຄໍາເຕືອນໃນການເຂົ້າມາເມືອງນີ້ດ້ວຍ ດ້ວຍອັນຕະລາຍຈາກມົນລະພິດ ອາດເຮັດໃຫ້ທ່ານຕາຍໄດ້
“ບ່ອນແຫ່ງນີ້ເປັນໂລກທີ່ບໍ່ມີມະນຸດຜູ້ໃດຢູ່ໄດ້ ມັນຮ້ອນຍິ່ງກວ່າດາວພຸດ ບັນຍາກາດເປັນພິດຍິ່ງກວ່າດາວເສົາ ໃນໃຈກາງຂອງໄຟໃຕ້ພິພົບນີ້ມີອຸນຫະພູມສູງກວ່າ 1000 ອົງສາຟາເຣນໄຮນ໌ ກາກບອນໄດອ໊ອກໄຊດ໌ ແລະ ກາສພິດຫຼາຍຊະນິດ ຕ່າງພຸ່ງອອກມາຈາກແຫງດິນທົ່ວທຸກແຫ່ງ” ນີ້ເປັນຄໍາກ່າວຈາກ ເດວິດ ເດຄ໊ອຄ ນັກຂຽນກ່ຽວກັບມະຫັນຕະໄພງຽບຂອງເມືອງນີ້
ສະໄໝກ່ອນເມື່ອງແຫ່ງນີ້ ຖືກສ້າງຂຶ້ນເພື່ອອຸດສາຫະກໍາ ເໝືອງຖ່າຍຫິນ ມີທັງສະຖານີລົດໄຟ ໂບສ ໂຮງແຮມຫ້າດາວ ໂຮງຮຽນ ໂຮງລະຄອນ ທະນາຄານ ໄປສະນີ ແລະ ຮ້ານຄ້າທົ່ວໄປ ແຕ່ແລ້ວ ໃນປີ1962 ໄດ້ເກີດເຫດການໄຟໄໝ້ ໃນເມືອງນີ້ຂຶ້ນ ໂດຍຕົ້ນໄພແມ່ນມາຈາກມີຄົນ ຈູດໄຟເຜົາຂີ້ເຫຍື້ອທີ່ຖີ້ມໄວ້ໃນບໍ່ຂີ້ເຫຍື້ອຂອງເມືອງ ຈາກນັ້ນໄຟໄດ້ລາມໄປຕິດຖ່າຍຫິນ ແລະ ໄດ້ຂະຫຍາຍວົງກວ້າງອອກຈົນຄຸມພື້ນທີ່ໃຕ້ດິນຂອງບ້ານເຮືອນທັງໝົດ ໄຟໄດ້ແຜ່ກະຈາຍອອກຢ່າງໄວວາ ເຖີງແມ່ນວ່າຈະພະຍາຍາມໃຊ້ເງິນນັບລ້ານໃນການດັບໄຟແຕ່ກໍ່ບໍ່ເປັນຜົນ ແລະ ມັນກໍ່ຍັງໃໝ້ຢູ່ຈົນເທົ່າທຸກວັນນີ້ (ດົນກວ່າ 40ປີແລ້ວ) ຫຼາຍຄົນໄດ້ຮັບພິດກາກບອນ ທັງໃນອາກາດ ແລະ ການປົນເປືອນ ລວມທັງການເກີດເຫດດິນຍຸບເລິກລົງໄປເປັນຮ້ອຍຟຸດ ຈົນທາງການຕ້ອງຫາບ່ອນຢູ່ໃໝ່ໃຫ້ແກ່ຊາວເມືອງ
ແຕ່ຢ່າງໃດກໍ່ຕາມກໍ່ມີບາງຄອບຄົວເລືອກທີ່ຈະຢູ່ຕໍ່ໄປ ແລະ ພວກເຂົາກໍ່ຍັງຢູ່ບ່ອນນັ້ນ ແມ່ນວ່າລັດເພນຊິລວາເນຍຈະປະກາດຫ້າມໃຊ້ ຕຶກທຸກຫຼັງໃນເມືອງນັ້ນ ແລະ ກົມໄປສະນີສະຫະລັດ ໄດ້ຍົກເລີກ ລະຫັດພື້ນທີ່ຂອງບ່ອນນັ້ນກໍ່ຕາມໃນປີ 1981 ເຊນທຣາເລຍ ມີຄົນອາໃສຢູ່ເຖີງ 1000ຄົວເຮືອນ ແຕ່ປັດຈຸບັນນີ້ ຈໍານວນຄົນຫຼຸດລົງຫຼາຍແລ້ວ
ສະພາບຂອງເມື່ອງ ເຊນທຣາເລຍ ໃນປັດຈຸບັນ ເກືອບກາຍເປັນເມື່ອງຮ່າງ ຖະໜົນກັບພື້ນທີ່ບາງສ່ວນ ແຕກອອກ ແລະ ຊຸດໂຕລົງ ແລະ ມີຂີ້ຂະເມົ່າຄວັນພຸ່ງອອກມາຕາມຮອຍແຕກແຫງ ຫຼືຕາມພື້ນດິນທີ່ມີຮ່ອງ ຫຼື ຮູທີ່ເຊື່ອມຕໍ່ໄປຍັງ ແຮ່ຖ່ານຫິນ ໃຕ້ດິນ ປົກຄຸມໄປທົ່ວເມືອງແຕ່ບໍ່ຫຼາຍເຖີງຂະໜາດປົກຄຸມໝົດເມືອງຈົນຂາວ ແບບ Silent Hill ໃນເກັມ ຫຼືພາບພະຍົນ
