9 ເມນູຈານເດັດຈາກຈີນ ຈົນເບິ່ງບໍ່ອອກວ່າແມ່ນຂອງແທ້ ຫຼື ປອມ

ນີ້ຄື 9 ອາຫານປອມຈາກ ຈີນ ທີ່ຖືກຈັບໄດ້ວ່າມັນເປັນອາຫານປອມ, ປະເທດຈີນເປັນປະເທດໜຶ່ງທີ່ມີອັດຕາການຈະເລີນເຕີບໂຕ ສູງຫຼາຍໃນຫຼາຍໆດ້ານ ບໍ່ວ່າຈະເປັນດ້ານ ປະຊາກອນ ເທັກໂນໂລຢີ່ ແລະ ອຶ່ນໆ ແລະ ສິ່ງນັ້ນມັນຮຽກຮ້ອງໃຫ້ຕ້ອງຜະລິດອາຫານເພີ່ມຫຼາຍຂຶ້ນໄປດ້ວຍ, ແຕ່ບໍ່ໜ້າເຊື່ອວ່າເພາະເຫດນີ້ຈຶ່ງເຮັດໃຫ້ ມີພໍ່ຄ້າຫົວໝໍ ໄດ້ລົງທຶນປອມແປງອາຫານອອກມາຈໍາໜ່າຍ ໂດຍບໍ່ຫ່ວງຕໍ່ສຸຂະພາບຂອງຜູ້ບໍລິໂພກ

1 ໄຂ່ປອມ

ເຫັນແລ້ວເຖີງກັບຕ້ອງຕົກສະເງີເລີຍ! ກັບໄຂ່ທີ່ເຮັດອອກມາແລ້ວຄືກັບຂອງແທ້ເລີຍ ຫາກບໍ່ແກະອອກມາເບິ່ງ. ຜະລິດມາຈາກການໃຊ້ວັດສະດຸດ້ານອຸດສາຫະກໍາຈັກສານ ເຮັດໃຫ້ຈີນສາມາດຜະລິດໄຂ່ປອມຂຶ້ນມາໄດ້ ໂດຍນໍາເອົາສານສານເຈລາຕິນນໍ້າ ແລະ ສີປະສົມອາຫານ ມາປະສົມກັນສ່ວນເປືອກໄຂ່ແມ່ນເຮັດຈາກແວ໊ກຊ໌

2 ເສັ້ນໝີ່ປອມ

ແມ້ກະທັ່ງເສັ້ນໝີ່ ກໍ່ຍັງມີປອມໂດຍໃນປີ 2010​ ມີການກວດພົບເສັ້ນໝີ່ປອມຈໍານວນຫຼາຍໃນຈີນ ໂດຍມັນເຮັດມາຈາກເຂົ້າທີ່ເນົ່າເສຍ ປະສົມກັບສານປົນເປືອນ ທີ່ເປັນອັນຕະລາຍ, ໃນຊ່ວງນັ້ນເສັ້ນໝີ່ປອມຖືກຜະລິດຫຼາຍເຖີງ 1.1 ລ້ານປອນດ໌ຕໍ່ມື້ ຈົນກະທັ່ງໂຮງງານຖືກປິດລົງ

3 ຊາລາເປົາ ປອມເຮັດຈາກເຈັຍແຂງ

ຊາລາເປົາ ທີ່ເບິ່ງຈາກພາຍນອກ ໜ້າຕາເປັນຕາຮັບປະທານ ແຕ່ຢ່າຟ້າວກ່ອນເບິ່ງໃຫ້ດີໆໃນປີ 2007 ພໍ່ຄ້າຂ້າງຖະໜົນຂາຍຊາລາເປົາຍັດໄສ້ໝູສັບ ທີ່ເຮັດຈາກມັນໝູປະສົມກັບເຈ້ຍແຂງ ແລະ ໃຊ້ສານເຄມີເຮັດໃຫ້ມັນນຸ່ມລົງ ແຕ່ລົດຊາດກໍ່ບໍ່ຄືກັບຂອງແທ້ເລີຍ

4 ວາຍນ໌ປອມ

ຖ້າເວົ້າເຖີງອາຫານທີ່ຖືກປອມ ຫຼາຍທີ່ສຸດໃນຈີນ ຄົງຈະຕ້ອງຍົກໃຫ້ວາຍນ໌ ໃນກວດວາຍນ໌ປອມ ທີ່ມີສະລາກຕິກໄວ້ຢ່າງຫຼູຫຼາ ແຕ່ນໍ້າທີ່ຢູ່ດ້ານໃນເຮັດມາຈາກມໝາກໄມ້ລາຄາຖືກ

5 ເຂົ້າປອມ

ໃນເມື່ອງສານຊີ ປີ2011 ມີການຜະລິດເຂົ້າປອມ ເກີດຂຶ້ນໂດຍມັນໄດ້ເຮັດມາຈາກ ມັນຝຣັ່ງ ແລະ ພາລາສະຕິກ ແລະ ຖືກສົ່ງຂາຍໄປທົ່ວເມືອງ

6 ຊີ້ນປອມ

ປີທີ່ຜ່ານໆມາ ມີຄົນກວ່າ 900 ຄົນໃນຈີນທີ່ຖືກຈັບ ເນື່ອງຈາກນໍາຊີ້ນໜູມາຕົວະວ່າແມ່ນເປັນຊີ້ນອັນອຶ່ນ ແລະ ມີການນໍາເອົາສານເຄມີລົງໃສ່ເພື່ອເພີ່ມນໍ້າໜັກໃຫ້ກັບຊີ້ນໜູ

7 ໝາກວອລນັທຍັດໄສ້ ຊີມັງ

ເລື່ອງຮືຮາດ້ານອາຫານໃນຈິນຍັງມີມາຕໍ່ເນື່ອງ ຊ່ວງທີ່ວອລນັທ ກໍາລັງລາຄາດີ ໂຈນຫົວໃສໄດ້ນໍາເປືອກວອລນັທມາຍັດໄສ້ດ້ວຍຊີມັງ ແລະ ເຈ້ຍຊຶ່ງເຮັດໃຫ້ວອລນັທໜັກ ແລະ ຂາຍໄດ້ລາຄາດີແຖມຕອນນີ້ຍັງບໍ່ມີທ່າທີວ່າຈະຢຸດໄດ້ດ້ວຍ

8 ນົມເມລາມິນ

ຢ້ອນກັບໄປເມື່ອຫຼາຍປີກ່ອນ ເຊື່ອວ່າຫຼາຍຄົນຄົງຈະໄດ້ຍິນ ເລື່ອງຂ່າວນົມປົນເປື້ອນສານເມລານີນ ທີ່ເຮັດໃຫ້ຫຼາຍຄົນບໍ່ກ້າກິນນົມ ເນື່ອງຈາກຢ້ານວ່າສານໂຕນີ້ຈະຫຼຸດເຂົ້າມາໃນນົມ http://www.laopost.com/wp-admin/post-new.phpທີ່ວາງຈໍາໜ່າຍໃນປະເທດເພື່ອນບ້ານດ້ວຍ ຊຶ່ງມັນໄດເຮັດໃຫ້ເດັກໄຮ້ດຽງສາຕ້ອງເສຍຊີວິດໄປເຖີງ 4​ຄົນ ແລະ ຕ້ອງເຂົ້າຮັກສາໃນໂຮງໝໍຫຼາຍພັນຄົນ

9 ສາຫຼ່າຍຖົງຂີ້ເຫຍື່ອໜຽວນຸ່ມ

ແກງຈືດສາຫຼ່າຍໃສ່ເຕົ້າຫູ້ ກິນກັບເຂົ້າຈ້າວຮ້ອນໆ ມັນຊ່າງແຊບແທ້ໆ,​ ແຕ່ຖ້ານໍ້າແກງຂອງທ່ານມີກິ່ນຢ່າງພາລາສະຕິກ ອັນນີ້ງາມເຂົ້າແລ້ວລະ! ເພາະວ່າຢູ່ຈີນໄດ້ມີການປອມແມ້ກະທັ່ງສາຫຼ່າຍ ຊຶ່ງໂຕສາຫຼ່າຍປອມນີ້ກໍ່ຄືຖົງຢ່າງພາລາສະຕິກດໍານີ້ແຫຼະ ເພາະໄດ້ມີການຍັດປະປົນມາກັບສາຫຼ່າຍແທ້ ໃຜທີ່ນໍາເອົາໄປຕົ້ມໂດຍບໍ່ທັນສັງເກດ ທ່ານກໍ່ຈະໄດ້ນໍ້າແກງພາລາສະຕິກ ທີ່ເຮັດໃຫ້ທ່ານຕ້ອງຮາກແຕກເມື່ອພົບຫັນທີຫຼັງ