ງານວິໄຈລ່າສຸດທີ່ຫາກໍ່ຖືກຕີພິມໃນປີນີ້ໃນວາລະສານທາງວິຊາການ Journal of Agricultural and Food Chemistry ພົບວ່າຖ້າເຮົາບໍ່ນັບນ້ຳຕານທີ່ອາດຖືກປະສົມລົງໄປໃນນ້ຳໝາກກ້ຽງທີ່ມີຂາຍຢູ່ທົ່ວໄປປະໂຫຍດທີ່ເຮົາຈະໄປຮັບຈາກການກິນໝາກກ້ຽງອາດບໍ່ໄດ້ດີກວ່າການດື່ມນ້ຳໝາກກ້ຽງສະເໝີໄປ
ຕາມປົກກະຕິແລ້ວໃນໝາກກ້ຽງໜຶ່ງໜ່ວຍນອກຈາກຈະມີວິຕາມິນຊີແລ້ວມັນຍັງອຸດົມໄປດ້ວຍສານແຄໂລທີນອຍ(Carotenoids)ແລະຟລາໂວນອຍ(Flavonoids) (2 ສານນີ້ເປັນສານເມັດສີທີ່ພົບໄດ້ໃນພືດແລະຫມາກໄມ້)ຊຶ່ງສາມາດຫລຸດຄວາມສ່ຽງຕໍ່ພະຍາດມະເຮັງບາງຊະນິດແລະພະຍາດຫົວໃຈໃນມະນຸດໄດ້
ສິ່ງທີ່ນັກວິທະຍາສາດຈາກງານວິໄຈນີ້ພົບຄືເຖິງແມ່ນວ່າການບີບນ້ຳໝາກກ້ຽງອອກມາໂດຍສະເພາະການບີບແລ້ວນຳໄປເຮັດການພາດເຈີໄລຈະເຮັດໃຫ້ຟລາໂວນອຍແລະວິຕາມິນຊີຫລຸດລົງນ້ອຍ
ແຕ່ໃນເວລາດຽວກັນການທີ່ໝາກກ້ຽງຖືກບີບໃຫ້ເປັນນ້ຳໝາກກ້ຽງຈະຊ່ວຍໃຫ້ຮ່າງກາຍຂອງເຮົາສາມາດດູດຊັບຟລາໂວນອຍແລະວິຕາມິນຊີໄດ້ງ່າຍຂຶ້ນແລະຫລາຍຂຶ້ນກວ່າການທີ່ຮ່າງການເຮົາຈະດູດຊັບຟລາໂວນອຍແລະວິຕາມິນຊີໄດ້ຈາກການກິນໝາກກ້ຽງທຳມະດາ
ເຖິງແມ່ນວ່ານ້ຳໝາກກ້ຽງອາດດີກວ່າໃນທາງທີ່ເຮົາສາມາດໄດ້ຮັບສານມີປະໂຫຍດຕໍ່ຮ່າງກາຍໄດ້ງ່າຍກວ່າແລະຫລາຍກວ່າແຕ່ໝາກກ້ຽງກໍມີຍັງກາກໃຍອາຫານຈຳນວນຫລາຍກວ່ານ້ຳໝາກກ້ຽງຢູ່ດີຊຶ່ງການກິນກາກໃຍອາຫານຈະຊ່ວຍໃນການຂັບຖ່າຍທີ່ດີ ອີກທັງນ້ຳໝາກກ້ຽງທີ່ເຮົາສາມາດຊື້ໄດ້ສ່ວນໃຫຍ່ກໍມັກຈະປະສົມນ້ຳຕານລົງໄດ້ນໍາຊຶ່ງນ້ຳຕານກິນຫລາຍໆກໍບໍ່ດີຕໍ່ສຸກຂະພາບຢູ່ແລ້ວ
ດັ່ງນັ້ນຄຳຕອບຄືນ້ຳໝາກກ້ຽງນັ້ນຄືວ່າໝາກກ້ຽງໃນດ້ານທີ່ເຮົາສາມາດໄດ້ຮັບສານທີ່ມີປະໂຫຍດຕໍ່ຮ່າງການໄດ້ງ່າຍກວ່າແລະຫລາຍກວ່າແຕ່ໝາກກ້ຽງສົດໆນັ້ນເໜືອກວ່າບ່ອນທີ່ມີກາກໃຍອາຫານທີ່ຈະຊ່ວຍໃນເລື່ອງຂອງການຂັບຖ່າຍແລະບໍ່ມີການປະສົມນ້ຳຕານເພີ່ມຄືກັບນ້ຳໝາກກ້ຽງ
ຂໍ້ແນະນຳເພີ່ມຕື່ມໃນການດື່ມນ້ຳໝາກກ້ຽງຄືພະຍາຍາມເລືອກຊື້ແບບທີ່ບໍ່ມີການປະສົມນ້ຳຕານຫລືຖ້າຈະໃຫ້ດີບີບເອົາເອງເລີຍແລະເຮົາກໍຍັງຄວນກິນໝາກກ້ຽງທຳມະດານໍາເພື່ອເຮົາຈະໄດ້ຮັບກາກໃຍອາຫານຫລືຖ້າຢາກດື່ມນ້ຳໝາກກ້ຽງຢ່າງດຽວເຮົາກໍຄວນກິນອາຫານຢ່າງອື່ນທີ່ມີກາກໃຍອາຫານໄປນໍາຈຶ່ງຈະດີທີ່ສຸດ