ມີຜົນງານວິໄຈລ່າສຸດບອກວ່າການດື່ມກາເຟອາດຊ່ວຍຊຳລະລ້າງຫລອດເລືອດຫົວໃຈ ງານວິໄຈເລື່ອງນີ້ເປັນຂອງນັກວິໄຈສ.ເກົາຫລີຊຶ່ງເຜີຍແຜ່ໄວ້ໃນວາລະສານບອກວ່າຄົົນທີ່ດື່ມກາເຟມື້ລະ3ເຖິງ5ຈອກມີທ່າອ່ຽງໜ້ອຍທີ່ຈະມີສັນຍານບົ່ງບອກອາການຂອງພະຍາດຫົວໃຈ
ທີ່ຜ່ານມາມີຜົນການສຶກສາຫລາຍຢ່າງທີ່ບອກວ່າການດື່ມກາເຟເປັນປັດໄຈສ່ຽງຂອງການເກີດພະຍາດຫົວໃຈບໍ່ວ່າຈະເປັນການມີຄໍເລດເຕີລໍເພີ່ມຫລືຄວາມດັນສູງຂຶ້ນຂະນະທີ່ງານວິໄຈອັນອື່ນໆບອກວ່າກາເຟຊ່ວຍປົກປ້ອງຫົວໃຈຂະນະນີ້ຍັງບໍ່ມີຂໍ້ສະຫລຸບເລື່ອງນີ້ແລະງານວິໄຈອັນລ່າສຸດນີ້ກໍພຽງເປີດປະເດັນໃຫ້ຖຽງກັນເລື່ອງນີ້ຕໍ່ໄປ
ນັກວິໄຈສ.ເກົາຫລີວິເຄາະຜົນການແກນຫົວໃຈຂອງພະນັກງານບໍລິສັດທັງເພດຊາຍແລະຍິງກວ່າ25, 000ຄົົນທີ່ໄດ້ຮັບການກວດສຸຂະພາບເປັນປະຈຳພົບວ່າພະນັກງານທີ່ດື່ມກາເຟມີໂອກາດເກີດການສະສົມຂອງແຄຊຽມທີ່ຝາໃນຫລອດເລືອດໂຄໂລນາລີຊຶ່ງເປັນຫລອດເລືອດທີ່ໄປລ້ຽງຫົວໃຈໜ້ອຍກວ່າຄົົນທີ່ບໍ່ໄດ້ດື່ມ
ໃນການວິເຄາະນັກວິໄຈເບິ່ງທ່າອ່ຽງການເກີດພະຍາດຫລອດເລືອດຫົວໃຈຕີບຊຶ່ງເກີດຂຶ້ນໄດ້ເມື່ອມີການກໍ່ໂຕຂອງຝາຫລອດເລືອດຊຶ່ງອາດຈະເປັນຜົນຈາກການມີແຄຊຽມຫລືໄຂມັນໄປເກາະຢ່າງໃດກໍດີບໍ່ພົບວ່າມີກຸ່ມໂຕຢ່າງຄົນໃດປ່ວຍເປັນພະຍາດຫົວໃຈແຕ່ພົບວ່າມີການສະສົມຂອງແຄຊຽມໃນຫລອດເລືອດໃນກຸ່ມຕົວຢ່າງກວ່າ1ໃນ10
ນັກຄົ້ນຄວ້າໄດ້ນຳຜົນສະແກນທັງໝົດທີ່ໄດ້ມາປຽບທຽບກັບຂໍ້ມູນຂອງກຸ່ມຕົວຢ່າງແຕ່ລະຄົນໂດຍພິຈາລະນາລວມເຖິງປັດໄຈທີ່ກ່ຽວຂ້ອງອື່ນໆຢ່າງເຊັ່ນການສູບຢາອອກກຳລັງກາຍປະຫວັດການປ່ວຍເປັນພະຍາດຫົວໃຈພາຍໃນຄອບຄົວຢ່າງໃດກໍດີນັກວິໄຈບອກວ່າຍັງຕ້ອງຄົ້ນຄວ້າເພີ່ມເຕີ່ມເພື່ອຢືນຢັນເລື່ອງນີ້