ປະຈຳເດືອນເປັນເລືອດທີ່ເກີດຈາກການຫລຸດລອກຂອງເຍື່ອໂພງມົດລູກຊຶ່ງຈະໄຫລອອກມາທາງຊ່ອງຄອດຂອງຜູ້ຍິງໃນທຸກໆເດືອນໂດຍເລື່ອງນີ້ຖືເປັນເລື່ອງປົກກະຕິສຳລັບຜູ້ຍິງແຕ່ທັງນີ້ຈະບໍ່ປົກກະຕິຖ້າມີເດືອນໃດທີ່ປະຈຳເດືອນຂາດຫລືມາບໍ່ກົງເວລາ ຊຶ່ງບັນຫານີ້ກໍອາດເຮັດໃຫ້ສາວໆຫລາຍຄົນເກີດຄວາມວິຕົກກັງວົນຂຶ້ນໄດ້ໂດຍສິ່ງທໍາອິດທີ່ສາວໆຈະຄິດກໍຄືສົງໄສວ່າຕົວເອງກຳລັງຈະຖືພາຫລືບໍ່?ເພາະການທີ່ປະຈຳເດືອນບໍ່ມານັ້ນບໍ່ໄດ້ແປວ່າເຮົາຈະຕ້ອງຖືພາສະເໝີໄປຊຶ່ງຍັງມີອີກຫລາຍສາເຫດທີ່ອາດເຮັດໃຫ້ປະຈຳເດືອນບໍ່ມາໄດ້ເຊັ່ນກັນຊຶ່ງສາເຫດທີ່ວ່ານີ້ອາດເກີດຂຶ້ນໄດ້ຈາກ…
ມີບັນຫາສຸຂະພາບເຊັ່ນເຈັບປ່ວຍຊຳເຮື້ອ,ຕ່ອມໄທລອຍມີບັນຫາເພາະຜູ້ຍິງທີ່ມີຄວາມຜິດປົກກະຕິຂອງຕ່ອມໄທລອຍຈະເຮັດໃຫ້ການຜະລິດຮໍໂມນໜ້ອຍເກີນໄປ
ຄຽດສາວໆທີ່ຄຽດເລື້ອຍໆຈະສົ່ງຜົນໃຫ້ມີຄວາມຜິດປົກກະຕິທາງດ້ານອາລົມແລະການປ່ຽນແປງທາງຮໍໂມນເຮັດໃຫ້ປະຈຳເດືອນຄາດເຄື່ອນຫລືບໍ່ມາໄດ້
ອອກກຳລັງກາຍໜັກເກີນໄປຈະສັງເກດໄດ້ວ່ານັກກິລາຍິງສ່ວນຫລາຍຈະມີປະຈຳເດືອນມາບໍ່ເປັນປົກກະຕິອັນເນື່ອງມາຈາກການເຝິກຊ້ອມຮ່າງກາຍໜັກເກີນໄປຫລືອອກກຳລັງກາຍແລ້ວນ້ຳໜັກຫລຸດລົງຢ່າງວ່ອງໄວຊຶ່ງຈະສົ່ງຜົນໃຫ້ໄຂມັນໃນຮ່າງກາຍຕ່ຳແລະຖ້າປະລິມານໄຂມັນໃນຮ່າງກາຍຕ່ຳກວ່າ5%ຮ່າງກາຍອາດຢຸດຜະລິດຮໍໂມນເອດໂຕເຈນແລະລະງັບການຕົກໄຂ່ເຮັດໃຫ້ປະຈຳເດືອນບໍ່ມາຕາມປົກກະຕິ
ກິນຢາຄຸມກຳເນີດບາງໂຕກິນແລ້ວອາດຈະມີຜົນຂ້າງຄຽງເຮັດໃຫ້ປະຈຳເດືອນຂາດໄປປະມານ3-4ເດືອນຊຶ່ງເລື່ອງນີ້ສຳລັບສາວໆທີ່ຕ້ອງການຄຸມກຳເນີດດ້ວຍການກິນຢາຄຸມ ຄວນສຶກສາຜົນຂ້າງຄຽງໃຫ້ດີເສຍກ່ອນ
ກິນຢາບາງຊະນິດກິນແລ້ວອາດຈະເຮັດໃຫ້ປະຈຳເດືອນບໍ່ມາໄດ້ເຊັ່ນ corticosteroids, ຢາແກ້ພະຍາດຊຶມເສົ້າ antidepressants, antipsychotics, ຢາປິ່ນປົວພະຍາດໄທລອຍແລະເຄມີບຳບັດບາງຊະນິດເປັນຕົ້ນ
ຮວຍໄຂ່ຜິດປົກກະຕິອາການຜິດປົກກະຕິຂອງຮວຍໄຂ່ເປັນສາເຫດໜຶ່ງທີ່ເຮັດໃຫ້ປະຈຳເດືອນມາບໍ່ປົກກະຕິນອກຈາກນີ້ສຳລັບສາວໆທີ່ມີຄວາມຜິດປົກກະຕິຂອງຮວຍໄຂ່ຍັງສົ່ງຜົນໃຫ້ມີລູກຍາກນໍາອີກ
ຖືພາຂໍ້ນີ້ອາດເປັນສາເຫດທີ່ພົບເລື້ອຍໆທີ່ສຸດຊຶ່ງຜູ້ຍິງທີ່ຖືພາຈະບໍ່ມີປະຈຳເດືອນມາຈົນກວ່າຈະເກີດລູກແລ້ວຮ່າງກາຍເປັນປົກກະຕິແຕ່ທັງນີ້ສຳລັບສາວໆຄົົນໃດສົງໄສວ່າທີ່ປະຈຳເດືອນຂາດໄປນັ້ນຈະເປັນເພາະຖືພາຫລືບໍ່ແນະນຳໃຫ້ຊື້ອຸປະກອນກວດການຖືພາຫລືໄປພົບແພດເພື່ອກໍ່ການກວດສອບໃຫ້ຮູ້ກັນໄປເລີຍຈະດີກວ່າ