ແຄຊຽມຫລືຫີນປູນທີ່ຫົວໃຈນີ້ອາດເກາະຢູ່ທີ່ຝາຫລອດເລືອດທີ່ລີ້ນຫົວໃຈຫລືທີ່ເຍື່ອຫຸ້ມຫົວໃຈທີ່ຄວນລະວັງຄືຫີນປູນທີ່ເກາະທີ່ຝາຫລອດເລືອດທີ່ນຳເລືອດໄປລ້ຽງກ້າມຊີ້ນຫົວໃຈຊຶ່ງເກີດຈາກການເສື່ອມສະພາບຂອງຫລອດເລືອດແດງແລະຈະເກີດຂຶ້ນກ່ອນເກີດອາການຂອງພະຍາດຫົວໃຈດົນຫລາຍປີຈາກການສຶກສາພົບວ່າປະລິມານແຄຊຽມນີ້ສາມາດມີໂອກາດເກີດພະຍາດຫົວໃຈຂາດເລືອດໄດ້ນອກເໜືອຈາກປັດໄຈສ່ຽງອື່ນໆ ເຊັ່ນພະຍາດເບົາຫວານ,ຄວາມດັນເລືອດສູງ,ໄຂມັນໃນເລືອດສູງ,ຫລືການສູບຢາພາວະແຄຊຽມເກາະທີ່ຫລອດເລືອດນີ້ຈະເພີ່ມຄວາມສ່ຽງຕໍ່ການເກີດກ້າມຊີ້ນຫົວໃຈຕາຍຮຸນແຣງຈາກຫລອດເລືອດຕັນຮຸນແຣງ
ໃຜຄືຜູ້ທີ່ຄວນກວດແຄຊຽມໃນຫລອດເລືອດຫົວໃຈ
ສະມາຄົມພະຍາດຫົວໃຈແຫ່ງປະເທດສະຫະລັດອະເມລິກາໄດ້ແນະນຳວ່າຜູ້ທີ່ສົມຄວນໄດ້ຮັບການກວດແຄຊຽມໃນຫລອດເລືອດຫົວໃຈຄື
– ຜູ້ປ່ວຍທົ່ວໄປທີ່ອາຍຸຫລາຍກວ່າ45ປີຂຶ້ນໄປ
– ຜູ້ປ່ວຍທີ່ມີຄວາມສ່ຽງລະດັບປານກາງຂອງການເກີດພະຍາດຫົວໃຈ
– ຜູ້ປ່ວຍພະຍາດເບົາຫວານ,ຜູ້ປ່ວຍພະຍາດຫມາກໄຂ່ຫລັງວາຍ
ຈາກຄຳແນະນຳຂອງສະມາຄົມແພດຜູ້ຊ່ຽວຊານການປິ່ນປົວເບົາຫວານໃນສະຫະລັດອະ ເມລິກາຜູ້ປ່ວຍເບົາຫວານ,ຜູ້ປ່ວຍທີ່ມີອາຍຸຫລາຍແລະຜູ້ປ່ວຍພະຍາດຫມາກໄຂ່ຫລັງວາຍທີ່ບໍ່ສາມາດກວດຫົວໃຈດ້ວຍການຍ່າງສາຍພານຕາມວິທີມາດຕະຖານໄດ້ນັ້ນການກວດແຄຊຽມໃນຫລອດເລືອດຖືວ່າເປັນມາດຕະຖານການກວດຫົວໃຈທີ່ດີ
ກວດແລ້ວໄດ້ປະໂຫຍດຫຍັງ
ເນື່ອງຈາກຜົນການກວດແຄຊຽມຈະຊ່ວຍໃຫ້ມີໂອກາດເກີດແລະການເສັຍຊີວິດຈາກພະຍາດຫົວໃຈແລະຍັງຊ່ວຍເປັນຂໍ້ມູນປະກອບການເລືອກມາຕົນການປ້ອງກັນການເກີດພະຍາດຫລອດເລືອດຫົວໃຈຕີບໃນຜູ້ປ່ວຍແຕ່ລະຄົນໄດ້ຢ່າງເໝາະສົມຄະແນນແຄຊຽມທີ່ຫົວໃຈສູງໝາຍຄວາມວ່າມີຄວາມສ່ຽງຫລາຍຊຶ່ງຕ້ອງພິຈາລະນາໃຫ້ຢາທັນທີ
ເປັນຫຍັງຕ້ອງຄົ້ນຫາຄົົນທີ່ມີຄວາມສ່ຽງ
ເພາະການປ້ອງກັນພະຍາດນີ້ສາມາດເຮັດໄດ້ງ່າຍໆແລະເຮັດໄດ້ທຸກຄົນບໍ່ວ່າຈະສ່ຽງຫລາຍຫລືໜ້ອຍເຊັ່ນ:ການງົດສູບຢາອອກກຳລັງກາຍຢ່າງສະໝໍ່າສະເໝີຫລຸດອາຫານໄຂມັນພັກຜ່ອນໃຫ້ພຽງພໍ,ບໍ່ຄຽດ,ງົດສູບຢາໂດຍສະເພາະຖ້າເປັນຄວາມດັນເລືອດສູງແລະເບົາຫວານກໍຈະໄດ້ປັບພຶດຕິກຳແລະເບິ່ງແຍງຕົນເອງຫລາຍຂຶ້ນໂດຍຄວບຄຸມຄວາມດັນເລືອດໃຫ້ບໍ່ເກີນ140/90 ມິລີແມັດປອດແລະໄຂມັນLDLຕ່ຳກວ່າ130mg%
ການກວດວັດປະລິມານແຄຊຽມໃນຫລອດເລືອດຫົວໃຈໃຊ້ເວລາກວດວ່ອງໄວດ້ວຍເຄື່ອງເອັກຊະເລຄອມພິວເຕີຄວາມໄວສູງ128sliceແລະບໍ່ຕ້ອງສີດສີສວນຫົວໃຈພາບທີ່ໄດ້ຈາກການກວດວິທີນີ້ຈະມີຄວາມຄົມແຈ້ງເນື່ອງຈາກເຄື່ອງມີຄວາມໄວໃນການຈັບພາບສູງຫລາຍສາມາດຈັບພາບຂະນະທີ່ຫົວໃຈເຕັ້ນໄດ້ດີແລະຈະບອກເຖິງປະລິມານຫີນປູນທີ່ສະສົມຢູ່ໃນຝາຫລອດເລືອດຫົວໃຈໄດ້ແມ່ນໃນປະລິມານທີ່ໜ້ອຍຈຶ່ງເປັນການກວດທີ່ຫາພາວະຄວາມສ່ຽງຂອງການເປັນພະຍາດຫລອດເລືອດຫົວໃຈເລີ່ມຕົ້ນໃນຄົນປົກກະຕິໄດ້ເປັນຢ່າງດີ
ເຄື່ອງເອັກສະເລນີ້ຈະວັດປະລິມານຫີນປູນເປັນຕົວເລກເດັກນ້ອຍເກີດໃໝ່ທີ່ມີຫລອດເລືອດປົກກະຕິຄ່າຈະເປັນສູນເມື່ອອາຍຸຫລາຍຂຶ້ນກໍອາດຈະພົບຫີນປູນໄດ້ນຳແຕ່ບໍ່ຄວນກາຍ200-400ຖ້າກາຍ400ຈະຍິ່ງມີຄວາມສ່ຽງສູງຫລາຍໆ