ໃນສົກຮຽນ 2014-2015 ການພັດທະນາວຽກງານສຶກສາໄດ້ມີບາດກ້າວຂະຫຍາຍຕົວໄປຄຽງຄູ່ກັບການພັດ ທະນາເສດຖະກິດຂອງປະເທດຊາດ ແຕ່ສິ່ງທີ່ໜ້າເປັນຫ່ວງໃນປັດຈຸບັນແມ່ນສະພາບການຮຽນຢູ່ຫຼາຍທ້ອງຖິ່ນໃນ ເຂດຊົນນະບົດຫ່າງໄກສອກຫຼີກນັບວ່າມີຄວາມຫຍຸ້ງຍາກ ແລະ ມີສິ່ງທ້າທາຍຫຼາຍຕໍ່ຂະແໜງການສຶກສາ ຄື: ໂຮງຮຽນຊັ້ນ ປະຖົມ-ມັດຖະຍົມ ຂອງລັດໃນຕົວເມືອງອາຄານການຮຽນ ມີພຽງພໍແຕ່ນັກຮຽນຊ້ຳພັດມີໜ້ອຍ ແລະ ຂະນະທີ່ການສຶກສາເຂດຊົນນະ ບົດຫ່າງໄກສອກຫຼີກ, ນັກຮຽນມີຫຼາຍ ແຕ່ອາຄານຮຽນພັດມີໜ້ອຍເຊິ່ງຍັງບໍ່ທັນສົມດູນກັນ ດັ່ງນັ້ນ ອຳນາດການປົກຄອງທ້ອງຖິ່ນກໍຄືສະມາຄົມພໍ່ ແມ່ນັກຮຽນ ຈະຕ້ອງໄດ້ເພີ່ມທະວີຄວາມເອົາໃຈໃສ່ຂະຫຍາຍໂຮງ ຮຽນ ຢູ່ໃນເຂດຂອງຕົນ ໃຫ້ພຽງພໍກັບຄວາມຕ້ອງການ. ເຊັ່ນ: ຢູ່ເມືອງທ່າແຕງ ແຂວງເຊກອງ ມີໂຮງຮຽນມັດທະຍົມ 3 ແຫ່ງ ແຕ່ລະຫ້ອງສາມາດບັນ ຈຸນັກຮຽນໄດ້ແຕ່ 50-60 ຄົນ ໂດຍທີ່ບໍ່ທັນເວົ້າເຖິງໂຮງຮຽນຊັ້ນປະຖົມ. ເຊິ່ງຈາກບັນຫາດັ່ງ ກ່າວໄດ້ສົ່ງຜົນເຮັດໃຫ້ການ ສຶກສາຢູ່ ເຂດຊົນນະບົດບໍ່ມີຄຸນນະພາບດີເທົ່າທີ່ຄວນ, ເຮັດໃຫ້ການຮຽນ-ການສອນລະ ຫວ່າງຕົວເມືອງ ແລະ ຊົນນະບົດມີ
ຄວາມແຕກຕ່າງກັນ. ດັ່ງນັ້ນໃນສົກຮຽນ 2014-2015 ເຖິງວ່າກະຊວງສຶກສາທິ ການ ແລະ ກິລາ ຈະມີແຜນການຂະຫຍາຍ ຫ້ອງຮຽນໃຫ້ຫຼາຍຂຶ້ນກວ່າສົກຮຽນປີຜ່ານມາ ແຕ່ສິ່ງສຳຄັນຂະແໜງການ ສຶກສາຂັ້ນເມືອງ ແລະ ແຂວງຕ້ອງນຳສະເໜີໄປ ຫາສູນກາງເພື່ອຂະຫຍາຍຫ້ອງຮຽນໃຫ້ກ້ວາງຂວາງ ແລະ ທົ່ວເຖິງ, ໂດຍຫຼີກເວັ້ນແນວຄິດເອື່ອຍອີງຄອງຖ້າງົບປະມານຂອງ ລັດຖະບານ ແລະ ການຊ່ວຍເຫຼືອຈາກຕ່າງປະເທດເທົ່ານັ້ນ. ໃນສົກປີຜ່ານມາທົ່ວປະເທດສາມາດຂະຫຍາຍຫ້ອງຮຽນເພີ່ມ ຂຶ້ນຈາກ 3.860 ຫ້ອງ ເປັນ 4.294 ຫ້ອງ ໃນປີ 2013-2014 , ອັດຕາເຂົ້າຮຽນລວມເພີ່ມຈາກ 37,3% ເປັນ 41.3% ໃນປີ 2013-2014.
ແຫລ່ງຂ່າວ: ລາວພັດທະນາ