ຫລາຍຄົນອາດຈະບໍ່ເຄີຍຮູ້ວ່າ:ການຖູແຂ້ວເບິ່ງແຍງໄດ້ພຽງ 25%
ຫລາຍຄົນຄິດວ່າພຽງແຕ່ຖູແຂ້ວທຸກມື້ເຊົ້າແລງກໍ່ຈະພຽງພໍສຳລັບການເບິ່ງແຍງປາກຂອງເຮົາແລ້ວຊຶ່ງຄວາມຈິງການຖູແຂ້ວຊ່ວຍໄດ້ພຽງ25%ເທົ່ານັ້ນເພາະຜິວແຂ້ວເປັນພຽງ 25%ຂອງພື້ນຜິວພາຍໃນປາກແຕ່ແບກທີເຣຍພັດອາໄສຢູ່ທຸກມູມໃນປາກຂອງເຮົາທັງແຂ້ວ,ເຫງືອກ,ແກ້ມ,ເພດານປາກ,ການຖູແຂ້ວຈຶ່ງຊ່ວຍເຮັດໃຫ້ເຮົາຮູ້ສຶກວ່າແຂ້ວສະອາດ ແຕ່ແບກທີເຣຍຍັງຕົກຄ້າງຢູ່ໃນປາກຂອງເຮົາເຕັມໄປຫມົດເລີຍແລະອາດເກີດເປັນຄາບແບກທີເຣຍໄດ້ພາຍຫລັງຈາກຖູແຂ້ວສຳເລັດຄາບແບກທີເຣຍນີ້ເອງທີ່ເປັນສາເຫດໜຶ່ງຂອງບັນຫາໃນປາກຕ່າງໆເຊັ່ນແຂ້ວແມງ,ກິ່ນປາກ,ເຫງືອກອັກເສບລວມແລະອື່ນໆ
ນ້ຳຢາບ້ວນປາກຈຶ່ງມີຄວາມຈຳເປັນຢ່າງຫລວງຫລາຍເພາະຊ່ວຍເບິ່ງແຍງປາກໄດ້ຢ່າງທົ່ວເຖິງຄວນໃຊ້ນ້ຳຢາບ້ວນປາກທີ່ປະສົມສານລະງັບເຊື້ອທຸກເທື່ອຫລັງຖູແຂ້ວຈະຊ່ວຍກຳຈັດແບກທີເຣຍໄດ້ທົ່ວປາກແມ່ນໃນບໍລິເວນທີ່ເຮົາຖູແຂ້ວບໍ່ເຖິງນ້ຳຢາບ້ວນປາກຈະຊ່ວຍປ້ອງກັນພະຍາດໃນປາກແລະຫລຸດເຊື້ອແບກທີເຣຍສາວໆຈຶ່ງໝັ້ນໃຈໄດ້ເລີຍວ່າແຂ້ວສະອາດບໍ່ມີກິ່ນປາກແນ່ນອນ!!
ນ້ຳຢາບ້ວນປາກຕ້ອງເລືອກແບບໃດດີ?
ນ້ຳຢາບ້ວນປາກມີຫລາກຫລາຍຍີ່ຫໍ້ບາງຄົນເລືອກບໍ່ຖືກສິ່ງທໍາອິດທີ່ຕ້ອງພິຈາລະນາຄື ສານອອກລິດແລະຄຸນສົມບັດຂອງຜະລິດຕະພັນຖ້າຕ້ອງການກຳຈັດແບກທີເຣຍຕົ້ນເຫດຂອງບັນຫາກິ່ນປາກເຮົາຄວນເລືອກນ້ຳຢາບ້ວນປາກທີ່ປະສົມສານແອນຕີແບກທີເຣຍສານອອກລິດນ້ຳມັນສະກັດຈາກທຳມະຊາດ(Essential Oil)ໄດ້ຮັບການພິສູດເຖິງປະສິດທິພາບໃນການຫລຸດຄາບແບກທີເຣຍແລະເຫງືອກອັກເສບແລະຍັງເປັນສານທີ່ບໍ່ມີປະຈຸຫລືnon-ionicຈຶ່ງບໍ່ເຮັດປະຕິກິລິຢາກັບຢາສີແຂ້ວຄືນ້ຳຢາບ້ວນປາກບາງຊະນິດສາມາດບ້ວນຫລັງຖູແຂ້ວໄດ້ທັນທີນ້ຳຢາບ້ວນປາກທີ່ມີສ່ວນປະສົມຂອງນ້ຳມັນສະກັດຈາກທຳມະຊາດ(Essential Oil)ຍັງມີລົດຊາດສົດຊື່ນສະເພາະໂຕທີ່ໃຫ້ຄວາມຮູ້ສຶກສະອາດແຕກຕ່າງຈາກນ້ຳຢາບ້ວນປາກທົ່ວໄປ
ສານອອກລິດກຸ່ມນ້ຳຢາບ້ວນປາກໄດ້ແກ່
- ຄໍເຣກຊິດີນ (Chlorhexidine)
ເປັນສານທີ່ຊ່ວຍຫລຸດການເກີດຄາບໄບໂອຟິມແລະເຫງືອກອັກເສບໄດ້ນ້ຳຢາບ້ວນປາກປະເພດນີ້ຕ້ອງໃຊ້ພາຍໃຕ້ການເບິ່ງແຍງຂອງແພດໝໍເທົ່ານັ້ນຈຶ່ງບໍ່ເໝາະສົມທີ່ຈະໃຊ້ເປັນປະຈຳທຸກມື້ແລະບໍ່ຄວນໃຊ້ຕໍ່ເນື່ອງເກີນ 2 ອາທິດທີ່ສຳຄັນຕ້ອງໃຊ້ຫລັງການແປງແຂ້ວຢ່າງໜ້ອຍເຄິ່ງຊົ່ວໂມງເພາະປະສິດທິພາບຂອງນ້ຳຢາບ້ວນປາກຊະນິດນີ້ຈະຫລຸດລົງ ແລະບໍ່ຄວນກິນອາຫານຫລືນ້ຳທັນທີຫລັງບ້ວນປາກ - ນ້ຳມັນສະກັດທຳມະຊາດ(Essential Oils)
ອອກລິດຂ້າເຊື້ອແບກທີເຣຍໃນຊັ້ນໄບໂອຟິມໄດ້ເລິກກວ່າສາມາດໃຊ້ໄດ້ທັນທີພາຍຫລັງຖູແຂ້ວແລະໃຊ້ໄດ້ເປັນປະຈຳທຸກມື້ບໍ່ເຮັດໃຫ້ເກີດຄາບສີທີ່ແຂ້ວເມື່ອໃຊ້ຕໍ່ເນື່ອງນ້ຳຢາບ້ວນປາກທີ່ໃຊ້ນ້ຳມັນສະກັດທຳມະຊາດເປັນສານອອກລິດຈະມີລົດຊາດສະເພາະໂຕເມື່ອໃຊ້ຄວາມຮູ້ສຶກເຢັນຊ່າທີ່ເກີດຂື້ນນັ້ນເກີດຈາກEssential oilsໄປກະຕຸ້ນປະສາດຮັບຄວາມຮູ້ສຶກຮ້ອນເຢັນໃນປາກໃຫ້ຕອບສະຫນອງຄວາມຮູ້ສຶກຫລາຍກວ່າປົກກະຕິຊົ່ວຄາວເຮັດໃຫ້ເກີດຄວາມຮູ້ສຶກປະສົມປະສານລະຫວ່າງຄວາມຮູ້ສຶກເຢັນຄືການອົມນ້ຳແຂງ ແລະຄວາມຮູ້ສຶກຮ້ອນປານກິນໝາກເພັດເມື່ອບ້ວນອອກແລ້ວຄວາມຮູ້ສຶກເຫລົ່ານັ້ນກໍຈະຫາຍໄປບໍ່ແມ່ນເກີດຈາກການລະຄາຍເຄືອງໃນປາກ
3.ເຊທິນໄພລິດິນຽມ ຄໍໄລ (Cetylpyridinium Chloride ຫລື CPC)
ຊ່ວຍຫລຸດການເກີດຄາບໄບໂອຟິມແລະເຫງືອກອັກເສບໄດ້ຄວນໃຊ້ຫລັງການຖູແຂ້ວຢ່າງໜ້ອຍເຄິ່ງຊົ່ວໂມງເພາະປະສິດທິພາບຂອງນ້ຳຢາບ້ວນປາກຊະນິດນີ້ຈະຫລຸດລົງ ແລະບໍ່ຄວນກິນອາຫານຫລືນ້ຳທັນທີພາຍຫລັງບ້ວນປາກເພາະອາດເຮັດໃຫ້ເກີດການການຕິດສີເທິງຜິວແຂ້ວຈາກອາຫານບາງຊະນິດໄດ້