ພະຍາດຫົວໃຈແລະຫລອດເລືອດເປັນພະຍາດທີ່ເປັນສາເຫດການເສັຍຊີວິດເປັນອັນດັບຕົ້ນໆຂອງໂລກເລີຍແລະຈາກຂໍ້ມູນທາງສະຖິຕິຂອງປະເທດໃນສະຫະລັດອາເມລິກາພົບວ່າປະຊາຊົນກວ່າ 2 ລ້ານຄົນມີບັນຫາກ່ຽວກັບພະຍາດຫົວໃຈແລະຫລອດເລືອດຊຶ່ງເປັນພະຍາດຊຳເຮື້ອທັງນີ້ການເກີດບັນຫາກ່ຽວກັບເສັ້ນເລືອດອາດຈະສົ່ງຜົນໃຫ້ບັນຫາລະບົບການຫາຍໃຈເຮັດໃຫ້ຕ້ອງຫາຍໃຈຖີ່ໆແລະຫອບສົ່ງຜົນເຮັດໃຫ້ບໍ່ສາມາດອອກກຳລັງກາຍຫລືເຮັດກິດຈະກຳຕ່າງໆໄດ້ລາຍງານວິໄຈຂອງທ່ານໝໍ Dariush Mozaffarian ຈາກໂຮງໝໍBrigham and Women’sມະຫາວິທະຍາໄລ Harvard Medical Schoolໃນເມືອງບອດຕັນທີ່ໄດ້ຕີພິມຜົນການສຶກສາວິໄຈຜົນດີີຂອງການກິນປາອົບຫລືປິ້ງຈະຊ່ວຍຫລຸດຄວາມສ່ຽງຂອງພະຍາດຫົວໃຈແລະຫລອດເລືອດລາຍງານດັ່ງກ່າວໄດ້ເວົ້າເຖິງປະໂຫຍດຂອງການກິນປາວ່າສາມາດຫລຸດຄວາມສ່ຽງກ່ຽວກັບຄວາມຜິດປົກກະຕິຂອງຫົວໃຈແລະຫລອດເລືອດລວມທັງການເຕັ້ນທີ່ຜິດປົກກະຕິຂອງຫົວໃຈທັງນີ້ກໍຄວນຢ່າງຍິ່ງທີ່ຈະກິນປາໃນຮູບແບບອົບຫລືປິ້ງບໍ່ແມ່ນການຈືນເພາະການຈືນຈະໄປເພີ່ມປະລິມານໄຂມັນໃນອາຫານໃຫ້ເພີ່ມສູງຂຶ້ນຈາກຫົວໃຈທີ່ມີ4ຫ້ອງແທນທີ່ 2 ຫ້ອງລຸມຊຶ່ງມີຫນ້າທີ່ປໍ້າເພື່ອສູບເລືອດໄປຈະເຮັດວຽກຢ່າງປົກກະຕິກໍອາດຈະເຮັດບໍ່ໄດ້ເນື່ອງຈາກອາດມີການອຸດຕັນໃນຫລອດເລືອດເກີດຂຶ້ນໄດ້ແລະເຫດການແບບນີ້ກໍເປັນສາເຫດເຮັດໃຫ້ເກີດພາວະຫົວໃຈລົ້ມເຫລວໄດ້ເຖິງ 15-20%
ທ່ານໝໍໄດ້ເຮັດການສຶກສາໃນຄົນ4, 815ຄົົນທີ່ມີອາຍຸເກີນ65ປີຂຶ້ນໄປຕັ້ງແຕ່ປີ1989 ໂດຍທ່ານໝໍຈະພະຍາຍາມເຝົ້າສັງເກດແລະສອບຖາມກ່ຽວກັບການກິນອາຫານຂອງຄົນຕ່າງໆເຫລົ່ານີ້ພົບວ່າຄົົນທີ່ກິນປາທີ່ປຸງດ້ວຍການປິ້ງຫລືອົບເລື້ອຍໆຈະມີໂອກາດທີ່ຈະມີບັນຫາຂອງພະຍາດກ່ຽວກັບຫລອດເລືອດນ້ອຍກວ່າແລະຍັງພົບອີກວ່າຄົົນທີ່ກິນ1-4 ຕໍ່ອາທິດກໍຈະຫລຸດຄວາມສ່ຽງໄດ້ຫລາຍເຖິງ28%ເມື່ອປຽບທຽບກັບຄົົນທີ່ກິນນ້ອຍກວ່າເດືອນລະເທື່ອທ່ານໝໍໄດ້ກ່າວຕໍ່ອີກວ່າເຫດດັ່ງກ່າວໜ້າຈະເປັນຜົນມາຈາກກົດໄຂມັນ Omega-3ທີ່ມີຫລາຍໃນປານັ້ນເອງທັງນີ້ກົດໄຂມັນດັ່ງກ່າວນອກຈາກຈະພົບໃນປາແລ້ວຍັງຈະພົບໄດ້ໃນອາຫານອື່ນໆເຊັ່ນ wallnut ຜັກໃບຂຽວຊຶ່ງກົດໄຂມັນ Omega-3 ນີ້ບໍ່ພຽງແຕ່ຈະຊ່ວຍຫລຸດຄວາມສ່ຽງຂອງພະຍາດຫົວໃຈແລະຫລອດເລືອດເທົ່ານັ້ນມັນຍັງຊ່ວຍບຳລຸງສະຫມອງໃຫ້ມີການພັດທະນາແລະເຮັດວຽກໄດ້ດີນໍາອີກ