ອາຫານທີ່ເປັນອັນຕະລາຍ! ຖ້າຮັບປະທານໃນຍາມທ້ອງວ່າງ!
ທ່ານຮູ້ຫຼືບໍ່ວ່າເມື່ອທ້ອງຂອງທ່ານວ່າງ ແລ້ວທ່ານຮັບປະທານອາຫານເຂົ້າໄປ ອາດສົ່ງຜົນຮ້າຍຕໍ່ກັບສຸຂະພາບຂອງທ່ານໄດ້, ເພາະສະນັ້ນ ກ່ອນທີ່ຈະຮັບປະທານອາຫານ ຄວນເລືອກຊະນິດຂອງອາຫານສາກ່ອນ ອາຫານທີ່ບໍ່ຄວນຮັບປະທານ ໃນຂະນະທີ່ທ້ອງວ່າງຈະມີຊະນິດໃດແດ່ນັ້ນ ເຮົາໄປເບິ່ງພ້ອມກັນ!
ກະທຽມ: ເພາະຈະເຮັດໃຫ້ ກະເພາະອາຫານໄດ້ຮັບການກະຕຸ້ນເກີດ ໂລກກະເພາະອາຫານອັບເສບຢ່າງຮຸນແຮງໄດ້.
ຜັກ: ການຮັບປະທານຜັກຢ່າງດຽວໃນເວລາທ້ອງວ່າງ ຈະເຮັດໃຫ້ກະເພາະອາຫານເກີດອາການຜິດປົກກະຕິໄດ້ ນອກຈາກນັ້ນ ຍັງບໍ່ຄວນອາບນໍ້າ ແລະ ອອກກໍາລັງກາຍດ້ວຍເຊັ່ນດຽວກັນ ເພາະການອາບນໍ້າ ແລະ ການອອກກໍາລັງກາຍ ໃນຂະນະທີ່ທ້ອງວ່າງ ຈະເຮັດໃຫ້ເກີດອາການຊ໊ອກ ເນື່ອງຈາກຈະເຮັດໃຫ້ນໍ້າຕານໃນເລືອດຕໍ່າໄດ້ງ່າຍ
ນົມ ແລະ ນົມຖົ່ວເຫຼືອງ: ເຖີງແມ່ນວ່ານົມຖົ່ວເຫຼືອງຈະອຸດົມໄປດ້ວຍ ໂປຣຕິນ ແຕ່ຈະເກີດປະສິດທິພາບຫຼາຍທີ່ສຸດ ເມື່ອກະເພາະອາຫານມີສານອາຫານປະເພດແປງຢູ່ດ້ວຍ, ແຕ່ຖ້າເປັນຂະນະທ້ອງວ່າງແມ່ນບໍ່ເໝາະສົມກັບການດື່ມນົມ.
ເຫຼົ້າ: ຫາກດື່ມເຫຼົ້າໃນຂະນະທີ່ທ້ອງວ່າງ ຈະໄປກະທົບເຍື່ອຫຸ້ມກະເພາະອາຫານ ເຮັດໃຫ້ເປັນໂລກກະເພາະອາຫານ ອັບເສບ ແລະ ເປັນແຜໃນກະເພາະອາຫານໄດ້.
ນໍ້າຕານ ຫຼື ອາຫານທີ່ມີລົດຊາດຫວານ: ບໍ່ຄວນຮັບປະທານຂອງຫວານ ຫຼືນໍ້າຕານເຊັ່ນ: ຊ໊ອກໂກແລັດ ເພາະວ່າຖ້າຮັບປະທານໃນ ເວລາທ້ອງວ່າງ ຈະເຮັດໃຫ້ໂປຣຕິນລວມໂຕກັບນໍ້າຕານ ສົ່ງຜົນຕໍ່ການດູດຊືມ ໂປຣຕິນທຸກຊະນິດ ແລະ ຫຼຸດສະມັດຕະພາບ ການທໍາງານຂອງລະບົບໝຸນວຽນເລືອດ ແລະ ໄຕ
ຊາ: ຊາທີ່ແກ່(ປຸກ)ເກີນໄປ ອາດເຮັດໃຫ້ ກົດເຄືອບໃນນໍ້າຍ່ອຍ ໃນກະເພາະອາຫານຈືດຈາງ ສົ່ງຜົນໃຫ້ການທໍາງານ ຂອງລະບົບຍ່ອຍອາຫານຫຼຸດລົງ ແລະ ເກີດອາການສັ່ນ ເມົາຫົວ ຕິນມືບໍ່ມີແຮງ ຈິດໃຈບໍ່ສະຫງົບ
ໝາກເພິຊິມເມີນ (ໝາກພັບ): (ໝາກເພິຊິມເມີນເປັນໜ່ວຍສີເຫຼືອງມີລົດຫວານ) ກໍ່ເປັນໝາກໄມ້ອີກປະເພດໜຶ່ງທີ່ບໍ່ຄວນຮັບປະທານໃນຂະນະທີ່ທ້ອງວ່າງ ເພາະວ່າ ກະເພາະອາຫານຈະປ່ອຍກົດເຄືອບອອກມາຫຼາຍ ຖ້າຫາກໄປປະສົມກັບຢາງ ແລະ ໃນໝາກ ເພິຊິມເມິນ ແລ້ວຈະເຮັດໃຫ້ເຈັບໜ້າເອິກ ປວດຮາກ ແລະ ເປັນແຜໃນກະເພາະອາຫານ.
ສານແຂວນລອຍ(ປະກອບເປັນອະນຸພາກນ້ອຍໆຂອງ ຂອງແຂງ ຈະລອຍກະຈາຍຢູ່ໃນຂອງແຫຼວ ສາມາດເຫັນໄດ້ຢ່າງຊັດເຈນ ໃນເວລາທີ່ເຮົາປະສົມນໍ້າແລ້ວປະໄວ້ ເຊິ່ງມັນຈະເກີດການຕົກຕະກອນ ເຊັ່ນ: ນໍ້າແປ້ງ ເຊິ່ງມັນຈະຈົມລົງພື້ນໃນເວລາທີ່ເຮົາປະໄວ້ດົນໆ )