ຂ່າວນີ້ເຮັດໃຫ້ຄົນທີ່ມັກດື່ມວາຍດີໃຈຂຶ້ນນຳຈາກແຕ່ກ່ອນທີ່ນັກວິໄຈຊາວຝຣັ່ງຄົ້ນພົບວ່າການດື່ມວາຍແດງມື້ລະ1ຈອກອາດຊ່ວຍຫລຸດຄວາມສ່ຽງຂອງພະຍາດຫົວໃຈເນື່ອງຈາກໃນຜິວແລະເມັດຂອງລາແຊັງອຸດົມດ້ວຍສານຟະລາໂວນອຍລ່າສຸດນີ້ວາລະສານ American Journal of Agricultural and food Chemistry ໄດ້ລາຍງານວ່າ ນັກວິທະຍາສາດຈາກມະຫາວິທະຍາໄລພາເວຍປະເທດອີຕາລີອອກມາເປີດເຜີຍເຖິງຜົນຂອງການດື່ມວາຍຂາວຫລືວາຍແດງມື້ລະ 1 ຈອກເປັນປະຈຳມີສ່ວນຊ່ວຍຫລຸດອັດຕາສ່ຽງໃນການເກີດແຂ້ວແມງພະຍາດກ່ຽວກັບເຫືອກແລະຍັງຊ່ວຍປິ່ນປົວອາການເຈັບຄໍນໍາອີກເນື່ອງຈາກມີສ່ວນປະສົມທີ່ສາມາດຂ້າແບກທີເຣຍໄດ້“ໃນຂະນະທີ່ສັບພະຄຸນຂອງວາຍໃນການຂ້າເຊື້ອແບກທີເຣຍເປັນທີ່ຍອມຮັບກັນຢ່າງແພ່ຫລາຍໃນໝວດຊາວເກລັກບູຮານຊຶ່ງມັກຈະໃຊ້ວາຍໃນການປິ່ນປົວບາດແຜແຕ່ກໍມີຜູ້ເຮັດການສຶກສາຢ່າງຈິງຈັງເຖິງຄຸນປະໂຫຍດຂອງວາຍໄວ້ໜ້ອຍຫລາຍກາເບລີລາ ກາຊະຊານີ ຊຶ່ງເປັນຜູ້ລິເລີ່ມການວິໄຈເລື່ອງນີ້ຊຶ່ງລາວຍັງກ່າວເສີມອີກວ່າໂດຍພາບລວມແລ້ວການວິໄຈເທື່ອນີ້ບອກໃຫ້ເຫັນວ່າສ່ວນປະສົມທີ່ໃຊ້ໃນການເຮັດວາຍຈະເຮັດຫນ້າທີ່ປຽບເຫມືອນແອນຕີໄມໂຄແບກທີເຣຍ Streptococci ອັນເປັນຕົວການສຳຄັນທີ່ເຮັດໃຫ້ເກີດແຂ້ວພຸແລະແບກທີເຣຍທີ່ອາໄສຢູ່ໃນຊ່ອງທາງເດີນຫາຍໃຈ
ນອກຈາກຊ່ວຍທຳລາຍເຊື້ອແບກທີເຣຍທີ່ກໍ່ໃຫ້ເກີດແຂ້ວແມງແລ້ວສ່ວນປະສົມຂອງວາຍຍັງຊ່ວຍຍັບຢັ້ງການເຕີບໂຕຂອງເຊື້ອແບກທີເຣຍຊື່ S. pyogenes ທີ່ອາໄສຢູ່ໃນຊ່ອງທາງເດີນຫາຍໃຈຊຶ່ງສາມາດກໍ່ໃຫ້ເກີດອາການເຈັບຄໍແລະເປັນໄຂ້ໄດ້ ກ່ອນໜ້ານີ້ກໍມີງານວິໄຈຂອງຫລາຍປະເທດທີ່ກ່າວເຖິງປະໂຫຍດຂອງວາຍເປັນຕົ້ນວ່ານັກວິໄຈແອັດສະປາຍແນະນໍາວ່າການດື່ມວາຍແດງອາດຊ່ວຍຫລຸດຜ່ອນຄວາມແກ່ຫລັງພົບສານເມລາໂທນິນໃນຜິວລາແຊັງລວມເຖິງອາຫານອີກຫລາຍຊະນິດເຊັ່ນຫອມຫົວໃຫຍ່,ເຂົ້າແລະເຊີລີ ສາມາດປົກປ້ອງຈຸລັງຈາກການຖືກທຳລາຍຕາມອາຍຸໄຂທີ່ເພີ່ມຂຶ້ນຊຶ່ງຄວນຈະເລີ່ມກິນຕັ້ງແຕ່ອາຍຸເຂົ້າ 30 ປີ ຢ່າງໃດກໍຕາມການດື່ມວາຍຊຶ່ງເປັນເຄື່ອງດື່ມແອວກໍຮໍກໍມີໂທດຕາມມາເຊັ່ນກັນດັ່ງນັ້ນຖ້າເຊື່ອໃນງານວິໄຈແລ້ວຄວນຈະດື່ມພຽງມື້ລະ 1 ຈອກເທົ່ານັ້ນເຖິງຈະເປັນຢາປິ່ນປົວພະຍາດໄດ້