ຈຸດສະສົມເຊື້ອພະຍາດໃນຫ້ອງຄົວທີ່ຫລາຍຄົນອາດຄິດບໍ່ເຖິງຈົນປ່ອຍປະລະເລີຍບໍ່ໄດ້ທຳຄວາມສະອາດມື້ນີ້ເຮົາມີອຸປະກອນເຊື່ອເຊື້ອພະຍາດໃນຄົວມາຝາກໃຫ້ຮູ້ກັນມີລາຍງານການວິໄຈອອກມາວ່າແມ້ແຕ່ຫ້ອງຄົວທີ່ສະອາດທີ່ສຸດກໍຍັງມີເຊື້ອພະຍາດແລະເຊື້ອພະຍາດບາງຢ່າງກໍຮ້າຍແຮງແລະເຮັດອັນຕະລາຍເຖິງຊີວິດໄດ້ດັ່ງນັ້ນເຮົາຈຶ່ງບໍ່ຄວນລະເລີຍການເຮັດຄວາມສະອາດສິ່ງຕ່າງໆໄປຊຶ່ງມື້ນີ້ ເລີຍນຳຂໍ້ມູນມາບອກກັນວ່າຂອງໃຊ້ຫຍັງໃນຄົວທີ່ເປັນແຫລ່ງຂອງເຊື້ອພະຍາດທີ່ເຮົາຄາດບໍ່ເຖິງ
- ກ່ອງເກັບມີດ ຈື່ໄດ້ບໍ່ວ່າລ້າງກ່ອງເກັບມີດເທື່ອສຸດທ້າຍເມື່ອໄດ?(ເຊື່ອວ່າບາງຄົນບໍ່ເຄີຍລ້າງເລີຍຕັ້ງແຕ່ຊື້ມາ)ຮູ້ຫລືບໍ່ວ່າແທ້ໆແລ້ວໃນກ່ອງເກັບມີດມີເຊື້ອພະຍາດສະສົມຢູ່ຫລວງຫລາຍບໍ່ແພ້ຈຸດອື່ນໆໃນຄົວເລີຍ
2. ຊ່ອງເກັບຜັກໃນຕູ້ເຢັນ ເຊື້ອແບກທີເລຍເຊື່ອງຕົວຢູ່ໃນຊ່ອງເກັບຜັກຮ່ວມກັບຜັກສາລະພັດຊະນິດທີ່ກຽມໄວ້ເຮັດອາຫານດັ່ງນັ້ນບໍ່ວ່າເຈົ້າຈະນຳຜັກຫຍັງມາແຊ່ອີກເຊື້ອນີ້ກໍຈະແພ່ກະຈາຍໄປທົ່ວຢ່າງແນ່ນອນ
3. ຊ່ອງເກັບຊີ້ນໃນຕູ້ເຢັນ ຊີ້ນສັດດິບອາດມີເຊື້ອອີໂຄໄລ,ຍີດຫລືລາຢູ່ໄດ້ດັ່ງນັ້ນການລ້າງຊ່ອງເກັບຊີ້ນຢູ່ສະເໝີຈຶ່ງເປັນເລື່ອງທີ່ສຳຄັນຫລາຍເພາະຫລາຍເທື່ອທີ່ເຮົາເຊັດທຳຄວາມສະອາດຕູ້ເຢັນແຕ່ກັບລະເລີຍໃນຈຸດນີ້
4. ເຄື່ອງປັ່ນອາຫານ ຖ້າບໍ່ເຮັດຄວາມສະອາດເຄື່ອງປັ່ນອາຫານເລີຍສິ່ງທີ່ຈະຖືກປັ່ນຮ່ວມກັບອາຫານສະເໝີກໍຄືເຊື້ອແບກທີເລຍຕ່າງໆນັ້ນເອງແລະເຊື່ອວ່າມີເຊື້ອພະຍາດແຝງຢູ່ໃນເຄື່ອງປັ່ນແບບຄາດບໍ່ເຖິງເລີຍ
5. ແນວເປີດກະປອ໋ງ ຫລາຍເຮືອນໃຊ້ອຸປະກອນອັນນີ້ທຸກມື້ແຕ່ບໍ່ເຄີຍເຮັດຄວາມສະອາດກ່ອນເກັບມ້ຽນເລີຍຊຶ່ງນັ້ນໝາຍຄວາມວ່າເຮົາກຳລັງກະຈາຍເຊື້ອແບກທີເລຍແລະລາຢູ່ເຖິງຈະນິດໆໜ່ອຍໆກໍລ້າງເຮັດຄວາມສະອາດຈະດີກວ່າ
6. ກ່ອງພາດສະຕິກໃສ່ອາຫານ ເຖິງຈະລ້າງກ່ອງໃສ່ອາຫານທຸກເທື່ອຫລັງການໃຊ້ແຕ່ກໍຍັງບໍ່ພຽງພໍ ເພາະຮູ້ບໍວ່າມີເຊື້ອພະຍາດເຊື່ອຕົວຢູ່ໃນຢາງທີ່ຊີນອ້ອມຮອບກ່ອງຢ່າງຄາດບໍ່ເຖິງ ທາງທີ່ດີທຸກຄັ້ງກ່ອນໃຊ້ຕ້ອງນຳມາລ້າງອີກຄັ້ງ