ການບໍລິຈາກເລືອດ! ຈະເປັນອັນຕະລາຍຕໍ່ເຮົາບໍ່
ເລືອດມີຄວາມສໍາຄັນຢ່າງຍິ່ງຕໍ່ກັບຮ່າງກາຍຂອງຄົນເຮົາ ຜູ້ປ່ວຍທີ່ເສຍເລືອດຫຼາຍຈຶ່ງເຖີງຂັ້ນເສຍຊີວິດໄດ້. ການໃຫ້ເລືອດກັບຜູ້ປ່ວຍເພື່ອທົດແທນສິ່ງທີ່ເສຍໄປຈຶ່ງເປັນວິທີການດຽວທີ່ຈະແກ້ໄຂພາວະຊ໊ອກ ເນື່ອງຈາກການເສຍເລືອດໄດ້.
ຕາມປົກກະຕິຮ່າງກາຍຂອງຄົນເຮົາຈະມີເລືອດສໍາຮອງໄວ້ປະມານ 4 ສ່ວນ ຂອງເລືອດທີມີຢູ່ໃນຮ່າງກາຍທັງໝົດ 12 ສ່ວນ ໃນການບໍລິຈາກເລືອດຜູ່ບໍລິຈາກໄດ້ໃຫ້ໄປພຽງ 1 ສ່ວນຂອງຈໍານວນເລືອດທີ່ມີສໍາຮອງໄວ້ເທົ້ານັ້ນ ຈຶ່ງບໍ່ເປັນອັນຕະລາຍແຕ່ຢ່າງໃດເລີຍ. ສໍາລັບຜູ້ທີ່ຈະບໍລິຈາກເລືອດ ຈະຕ້ອງມີອາຍຸລະຫວ່າງ 18-60 ປີ ມີຮ່າງກາຍທີ່ແຂງແຮງສົມບູນ ໃນການບໍລິຈາກເລືອດນັ້ນຜູ້ບໍລິຈາກຈະຖືກກວດຄວາມດັນເພື່ອກວດສອບຄວາມສົມບູນຂອງຮ່າງກາຍ ແລະ ເຈາະເລືອດເພື່ອກວດສອບໝູ່ເລືອດແລະຄູນສົມບັດຂອງເລືອດ.
ຫາກວ່າຮ່າງກາຍສົມບູນ ແລະ ເລືອດບໍ່ເປັນອັນຕະລາຍກໍ່ສາມາດບໍລິຈາກເລືອດໄດ້ ເລືອດທີ່ຢູ່ໃນຮ່າງກາຍຂອງເຮົານັ້ນເມັດເລືອດແດງ ເມັດໜຶ່ງໆ ມີອາຍຸຢູ່ໃນກະແສເລືອດໄດ້ດົນເຖິງ 120 ມື້ ແຕ່ສໍາລັບເລືອດທີ່ໄດ້ຮັບບໍລິຈາກນັ້ນ ຈະຕ້ອງມີການເກັບຖືກວິທີຈຶ່ງຈະເກັບໄວ້ໄດ້ດົນ.
ໂດຍຈະຕ້ອງປະສົມກັບນໍ້າຢາປ້ອງກັນເລືອດແຂງໂຕ ໃນອັດຕາສ່ວນທີ່ເໝາະສົມ ນໍ້າຢາທີ່ນິຍົມໃຊ້ໄດ້ແກ່ ນໍ້າຢາເອຊີດີ ແລະ ນໍ້າຢາຊີພີດີ ຊຶ່ງຈະຕ້ອງເຮັດໃຫ້ເກັບເລືອດໄວ້ໄດ້ທີ່ອຸນຫະພູມ 2-4 ອົງສາ ໄດ້ດົນເຖີງ21-28 ມື້ ແລະ ຫາກວ່າເກັບໄວ້ໃນກໍລະນີພິເສດຄືເອົາໄວ້ເປັນເລືອດແຂງກໍ່ຈະສາມາດເກັບໄວ້ໄດ້ດົນເຖິງປີ.
>>ຂອບໃຈແຫຼ່ງຂໍ້ມູນ https://www.google.co.th/ความรู้รอบตัว