5 ວິທີປ້ອງກັນບໍ່ໃຫ້ເດັກນ້ອຍຜິດປົກກະຕິແຕ່ກຳເນີດ
- ກວດຫາ HPV Human papillomavirus (HPV) ເປັນເຊື້ອໄວລັດທີ່ຕິດຕໍ່ກັນໄດ້ຜ່ານທາງເພດສຳພັນແມ່ນ HPV ອາດບໍ່ໄດ້ກ່ຽວຂ້ອງຫລືເປັນສາເຫດໂດຍກົງຂອງພາວະຜິດປົກກະຕິແຕ່ກຳເນີດໃນເດັກນ້ອຍແຕ່ HPV ກໍເປັນສາເຫດໜຶ່ງຂອງການເກີດກ່ອນກຳນົດແລະການເກີດກ່ອນກຳນົດກໍເຮັດໃຫ້ເກີດພາວະບົກຜ່ອງທາງສະຫມອງແລະປອດໃນເດັກໄດ້ເພາະສະນັ້ນເພື່ອປ້ອງກັນຄວາມສ່ຽງ ໃຜທີ່ຢາກມີລູກລອງໄປກວດຫາ HPV ກ່ອນ
- ຮັບປະທານກົດໂຟລິກ ກົດໂຟລິກ (ວິຕາມິນບີ ຊະນິດໜຶ່ງທີ່ລະລາຍໄດ້ໃນນ້ຳ) ສຳຄັນກັບຜູ້ຍິງຖືພາລວມທັງຜູ້ຍິງທຸກຄົົນທີ່ເຂົ້າສູ່ໄວທີ່ຖືພາໄດ້ ໃຜທີ່ຢາກມີລູກຫລືກຳລັງຄິດຈະມີລູກຄວນເລີ່ມກິນກົດໂຟລິກເສີມກ່ອນຖືພາຢ່າງນ້ອຍ 1-3 ເດືອນແລະກິນຕໍ່ໄປອີກ3ເດືອນຫລັງຈາກຖືພາແລ້ວເພາະກົດໂຟລິກຈຳເປັນຫລາຍໃນການສ້າງເຊລ໌ຕ່າງໆຂອງຕົວອ່ອນເດັກນ້ອຍຫາກຂາດກົດໂຟລິກອາດເປັນສາເຫດໃຫ້ເດັກນ້ອຍພິການສະຫມອງແລະລະບົບປະສາດສ່ວນກາງຜິດປົກກະຕິ
- ຫລີກລ້ຽງສານເຄມີທຳຄວາມສະອາດເຮືອນ ໃຜທີ່ເປັນແມ່ເຮືອນ,ເຮັດວຽກເຮືອນເລື້ອຍຫລືເຮັດວຽກໃນໂລຮງານຄວນຫລີກລ້ຽງສານເຄມີທຳຄວາມສະອາດຫລືສານເຄມີອື່ນໆໃຫ້ຫລາຍທີ່ສຸດເທົ່າທີ່ຈະເຮັດໄດ້ແຕ່ຫາກເປັນງານທີ່ເຈົ້າຕ້ອງເຮັດທຸກມື້ແລະລ້ຽງບໍ່ໄດ້ແທ້ໆກໍຕ້ອງໃສ່ຖົງມືຜ້າປິດປາກແລະອຸປະກອນປ້ອງກັນອື່ນໆໄວ້ນຳ
- ພົບແພດກ່ອນຄິດຈະມີລູກ ສຳລັບໃຜທີ່ວາງແຜນຈະມີລູກຂໍແນະນຳໃຫ້ໄປພົບແພດຫລືປຶກສາກ່ອນຈະດີທີ່ສຸດ Dr. John R. Sussman ຜູ້ຂຽນຫນັງສືຊື່ The Unofficial Guide to Having a Baby ໄດ້ໃຫ້ຄຳແນະນຳທຸກຄອບຄົວວ່າການເຂົ້າປຶກສາແພດກ່ອນຄິດຈະມີລູກເປັນເລື່ອງສຳຄັນຫລາຍເພາະທ່ານແມ່ແຕ່ລະຄົນມີສະພາບຮ່າງກາຍບໍ່ຄືກັນຢ່າງນ້ອຍກໍຄວນເຂົ້າມາກວດຫລືປຶກສາແພດເບິ່ງກ່ອນເພື່ອປ້ອງກັນການເກີດເຫດຮ້າຍໃດໆໃນອະນາຄົດ
- ຫ້າມດື່ມແອນກໍຮໍ ເປັນທີ່ຮູ້ກັນດີຢູ່ແລ້ວວ່າການດື່ມແອນກໍຮໍນັ້ນເປັນອັນຕະລາຍຫລາຍຕໍ່ແມ່ຍິງມີລູກແລະເດັກໃນມົດລູກການດື່ມເຄື່ອງດື່ມແອນກໍຮໍເປັນໜຶ່ງໃນສາເຫດທີ່ເຮັດໃຫ້ເກີດພາວະ fetal alcohol syndrome (FAS) ໂດຍເປັນກຸ່ມອາການຂອງເດັກນ້ອຍທີ່ເກີດຈາກແມ່ທີ່ດື່ມແອນກໍຮໍສົ່ງຜົນໃຫ້ເດັກໃນມົດລູກມີສະພາບຮ່າງກາຍທີ່ຜິດປົກກະຕິເຊັ່ນຊ່ອງຕາສັ້ນ ປາຍດັງພິການ ບາງເທື່ອກໍເສຍຊີວິດຈາກການເກີດກ່ອນກຳນົດ
