1 ປາ
ຫຼາຍຄົນຄົ່ງຈະເຄີຍໄດ້ຍິນຄໍາວ່າ ກິນປາແລ້ວຈະສະຫຼາດ! ຊຶ່ງຊີ້ນປາອຸດົມໄປດ້ວຍກົດອະມີໂນໄທໂຣຊິນ ເປັນກົດອະມີໂນທີ່ຮ່າງກາຍສັງເຄາະໄດ້ ມີບົດບາດໃນການກະຕຸ້ນ ແລະ ປັບປ່ຽນການເຮັດວຽກຂອງສະໝອງ ສາມາດຊ່ວຍຟື້ນຟູຄວາມຈໍາ ແລະ ສານດີເອຈ໌ເອ (Docosahexaenoic acid)ຄືກົດໄຂມັນຊະນິດບໍ່ອີ່ມໂຕຊຶ່ງມີຄວາມຈໍາເປັນຕໍ່ຮ່າງກາຍ ສານດັ່ງກ່າວນີ້ຂະຊ່ວຍໃນການພັດທະນາສະໝອງ ແລະ ສາຍຕາຊ່ວຍເສີມສ້າງຄວາມຈໍາ ແລະ ການຮຽນຮູ້ ທັງນີ້ຍັງຊ່ວຍປ້ອງກັນໂລກສະໝອງເຊື່ອມໄດ້ອີກດ້ວຍ ຊຶ່ງການກິນຊີ້ນປາບໍ່ວ່າຈະເປັນປາທະເລ ຫຼື ປານໍ້າຈືດ ສາມາດນໍາມາປະກອບອາຫານໄດ້ດ້ວຍວີທີທີ່ດີຕໍ່ສຸຂະພາບເຊັ່ນ ການຕົ້ມ, ການປິ້ງ ການນຶ້ງ ໄດ້ຢ່າງຫຼາກຫຼາຍເມນູ ຊຶ່ງປາເປັນແຫຼ່ງໂປຣຕີນທີ່ດີ ອີກທັງຍັງຍ່ອຍໄດ່ງາຍນໍາອີກ.
2 ໄຂ່
ໄຂ່ ຈັດເປັນແຫຼ່ງໂປຣຕີນທີ່ດີ ເພາະອຸດົມໄປດ້ວຍວີຕາມີນ ແລະ ເກືອແຮ່ ທີ່ສໍາຄັນປະກອບດ້ວຍໂປຣຕີນເຖິງ 6.3 ກຣາມ ໄຂມັນ ວີຕາມິນ ເອ ບີ ດີ ອີ ຟອສຟໍຣັສ ເຫຼັກ ແຄລຊ່ຽມ ສັງກະສີ ໄອໂອດິນ ຊີລີນຽມ ທັງນີ້ໃນໄຂແດງ ຍັງປະກອບໄປດ້ວຍໂຄລີນ ຊຶ່ງໂຄລີນເປັນສ່ວນປະກອບໃນເລຊິຕິນ ເປັນສານຈໍາເປັນທີ່ຮ່າງກາຍຈະນໍາໄປໃຊ້ເພື່ອສ້າງສານສື່ປະສາດ ມີສ່ວນຊ່ວຍໃນຂະບວນການສົ່ງກະແສປະສາດ ໂດຍສະເພາະໃນສະໝອງສ່ວນທີ່ເຮັດວຽກງານດ້ານຄວາມຈໍາ.
3 ນົມຖົ່ວເຫຼືອງ
ນົມຖົ່ວເຫຼືອງ ຈັດເປັນເຄື່ອງດື່ມທີ່ບໍາລູງສະໝອງທີ່ດີບໍ່ໜ້່ອຍ ໃນນົມຖົ່ວເຫຼືອງປະກອບໄປດ້ວຍ ວິຕາມີນ ເອ ບີ ບີ1 ບີ2 ບີ6 ບີ12 ຄາຣ໌ໂບໄຮເດຣຕ ແຄລຊ່ຽມ ຟອສຟໍຣັສ ໄນອາຊິນ ແລະ ເລຊີຕິນ ທີ່ເປັນສານບໍາລູງສະໝອງ ເສີມສ້າງປະສິດທິພາບໃນເລື່ອງຂອງຄວາມຈໍາ ປ້ອງກັນຄວາມຈໍາເຊື່ອມ.
4 ພືດຕະກຸນຖົ່ວ
ຖົ່ວຈັດໄດ້ວ່າເປັນໂປຣຕີນທີ່ດີເຊັ່ນດຽວກັນ ບໍ່ວ່າຈະເປັນ ຖົ່ວດິນ ແກ່ນກະບົກ ແລະ ອຶ່ນໆ ຊຶ່ງໃນຖົ່ວຈະມີວີຕາມິນອີ ທີ່ມີສ່ວນຊ່ວຍເສີມສ້າງຄວາມຈໍາ.
>>ຂອບໃຈທີ່ມາ http://www.trueplookpanya.com/new/cms_detail/general_knowledge/21013