ຊາເປັນເຄື່ອງດື່ມສະໝຸນໄພທີ່ນິຍົມຫລາຍເປັນອັນດັບ2ຂອງໂລກຖືກຄົ້ນພົບເມື່ອປະມານ 5, 000 ປີກ່ອນສານສຳຄັນໃນຊາຄືແຄດທີຄິນແລະຟະລາໂວນອຍ(flavonoids) ຊ່ວຍປ້ອງກັນຄວາມເສື່ອມຂອງຮ່າງກາຍແລະພະຍາດຊຳເຮື້ອຕ່າງໆ
ປະໂຫຍດຂອງຊາຕໍ່ສຸຂະພາບ
ພະຍາດຫົວໃຈ
ນັກວິໄຈແນະນຳການດື່ມຊາຕົວຢ່າງຊາຂຽວຊາດຳຫລືຊາແດງຊາອູລອງຊາຂາວແລະອື່ນໆມື້ລະ1-5ຖ້ວຍເພື່ອຫລຸດພະຍາດຫົວໃຈຫລືປ້ອງກັນຫົວໃຈວາຍສານຟະລາໂວນອຍໃນຊາອາດຊ່ວຍປ້ອງກັນເກັດເລືອດເກາະໂຕຕາມຝາເສັ້ນເລືອດແດງແລະນຳໄປສູ່ພະຍາດຫລອດເລືອດແດງ
ການວິໄຈໃນປະເທດເນເທີແລນພົບວ່າຜູ້ທີ່ກິນສານຟະລາໂວນອຍຫລາຍທີ່ສຸດມີຄວາມສ່ຽງພະຍາດຫລອດເລືອດຫົວໃຈຫລຸດລົງ68%ອາຫານທີ່ມີສານຟະລາໂວນອຍຫລາຍ ທີ່ສຸດຄືຊາດຳຮອງລົງມາຄືຫົວຫົວໃຫຍ່ແລະແອັບເປິ້ນ
ງານວິໄຈໃນໂຮງຮຽນແພດຮາວາລລັດບອດຕັນສຶກສາຊາຍຍິງ340ຄົົນທີ່ມີບັນຫາຫົວໃຈວາຍຢູ່ພົບວ່າຜູ້ທີ່ດື່ມຊາດຳມື້ລະຖ້ວຍຫລຸດຄວາມສ່ຽງຫົວໃຈວາຍ44%ທຽບກັບຜູ້ທີ່ບໍ່ດື່ມ
ການວິໄຈຈາກອົງການອາຫານແລະກະເສດຂອງສະຫະລັດອາເມລິກາພົບວ່າການດື່ມຊາ ດຳມື້ລະ5ຖ້ວຍຊ່ວຍຫລຸດແອນດີແອນຄໍເລດເທີລອນແລະຄໍເລດເຕີລໍລວມໄດ້ໃນກຸ່ມຊາຍຍິງທີ່ມີຄໍເລດເຕີລໍສູງຂຶ້ນບໍ່ຫລາຍ
ພະຍາດມະເຮັງ
ການວິໄຈເບື້ອງຕົ້ນແນະນໍາວ່າສານຟະລາໂວນອຍໃນຊາອາດຊ່ວຍຫລຸດຄວາມສ່ຽງ ມະເຮັງ
ພະຍາດເບົາຫວານ
ຫລັກຖານທາງວິທະຍາພົບວ່າການດື່ມຊາຂຽວອາດປ້ອງກັນເບົາຫວານ
ນັກວິໄຈພົບວ່າສານທຳມະຊາດໃນຊາຊ່ວຍເພີ່ມຄວາມໄວຕໍ່ອິນຊູລິນໃນຈຸລັງໄຂມັນເຖິງ 150 ເທົ່າ
ງານວິໄຈຂະໜາດນ້ອຍໃນຜູ້ເປັນເບົາຫວານຊະນິດທີ່2ພົບວ່າການດື່ມຊາມື້ລະ6ຖ້ວຍ ດົນ8ອາທິດຈະຊ່ວຍຫລຸດລະດັບນ້ຳຕານລົງ15-20%
ການວິໄຈຈາກໄຕ້ຫວັນພົບວ່າອາສາສະໝັກ20ຄົົນທີ່ເປັນເບົາຫວານປະເພດ2ແລະໃຊ້ຢາລົດລະດັບ
ນ້ຳຕານຫລັງຈາກດື່ມຊາອູຫລົງຂະໜາດແກ່(ແຊ່ນ້ຳພຽງ 10 ນາທີ)ມື້ລະ6ຖ້ວຍດົນ 30 ມື້ລະດັບນ້ຳຕານໃນເລືອດຫລຸດລົງ29%ຈຶ່ງແນະວ່າຊາອູຫລົງອາດມີຊ່ວຍເພີ່ມລິດຢາເບົາຫວານປະເພດ2
ເພີ່ມພູມຕ້ານທານ
ສານອະມິໂນແອນເທຍນີນອາດຊ່ວຍເພີ່ມພູມຄຸ້ມກັນການຕິດເຊື້ອແລະເພີ່ມຄື້ນອັນຟາ (alpha wave)ໃນສະຫມອງເຮັດໃຫ້ຮູ້ສຶກຜ່ອນຄາຍຂໍ້ມູນລ່າສຸດພົບວ່າຊາດຳຊ່ວຍຫລຸດຜົນຂອງຮໍໂມນຄຽດ
ສຸຂະພາບປາກແລະແຂ້ວ
ການວິໄຈຈາກມະຫາວິທະຍາໄລນິວຢອກໃນໜູພົບວ່າຊາດຳຊ່ວຍຫລຸດແຂ້ວແມງໄດ້ ຄາດວ່າສານຟະລາໂວນອຍໃນຊາມີຜົນຍັບຍັ້ງແບັກທີເຣຍໃນປາກຫລຸດການເກີດແຂ້ວຜຸ
ການວິໄຈຈາກມະຫາວິທະຍາໄລໃນຊິຄາໂກພົບວ່າສານໂພລີຟີນອຍຊ່ວຍຍັບຍັ້ງການຈະເລີນຂອງເຊື້ອແບັກທີເຣຍທີ່ກໍ່ໃຫ້ເກີດກິ່ນປາກ
ຊາມີອັນຕະລາຍຫລືບໍ່
ໃນຊາມີສານຟລູອໍໄລຊຶ່ງມີປະໂຫຍດຕໍ່ກະດູກແລະແຂ້ວແຕ່ຖ້າກິນຫລາຍເກີນໄປຈະເຮັດໃຫ້ກະດູກຜ່ອຍແລະແຂ້ວເປັນຈຸດຂາວໄດ້ສຳຫລັບຜູ້ທີ່ມີບັນຫາເລືອດຈາງບໍ່ຄວນດື່ມຊາ ພ້ອມອາຫານເພາະສານແທນນິນຈະຫລຸດການດູດຊຶມທາດເຫລັກແລະໂປຕີນໃນລຳໃສ້ ອາດເຮັດໃຫ້ຮ່າງກາຍຂາດທາດເຫລັກ
ວິທີຊົງຊາໃຫ້ໄດ້ປະໂຫຍດ
Dr. Priorແລະຄະນະພົບວ່າເວລາທີ່ເຮົາແຊ່ຊາດຳຊະນິດຊອງໃນນ້ຳຟົດສານຕ້ານອານຸມູນອິດສະຫລະຈະອອກມາໃນນ້ຳຢ່າງວ່ອງໄວຮ່າງກາຍຈະດູດຊຶມສານຕ້ານອານຸມູນອິດສະຫລະໃນຊາຂຽວແລະຊາດຳໄດ້ໄວແລະມີປະສິດທິພາບການດື່ມຊາມື້ລະຖ້ວຍຈະໃຫ້ສານຕ້ານອານຸມູນອິດສະຫລະທີ່ພຽງພໍຕໍ່ຮ່າງກາຍ
ພຽງແຕ່ຖອກນ້ຳຮ້ອນໆລົງຊອງຊາຫລືໃບຊາແຊ່ປະມານ3-5ນາທີແຕ່ຖ້າກຳລັງຮີບຮ້ອນ ຈຸ່ມຊອງຍົກຂຶ້ນລົງປະມານ1ນາທີຈະຊ່ວຍປ່ອຍສານຟລາໂວນອຍຈາກຊາໄວຂຶ້ນທັງນີ້ທັງນັ້ນຜູ້ຊ່ຽວຊານແນະວ່າການຈຸ່ມຂຶ້ນຈຸ່ມລົງພຽງ1ນາທີກັບການແຊ່ໄວ້4ນາທີຈະໄດ້ປະໂຫຍດສໍ່າໆກັນສຳຫລັບຊາຂຽວໃຫ້ແຊ່ດົນປະມານ1-11/2ນາທີ