spot_img
Homeຂ່າວພາຍ​ໃນສະຖານທູດລາວທີ່ໂຕກຽວ ຈັດກອງປະຊຸມຊຸກຍູ້ສົ່ງເສີມການລົງທຶນຕ່າງປະເທດຢູ່ລາວ.

ສະຖານທູດລາວທີ່ໂຕກຽວ ຈັດກອງປະຊຸມຊຸກຍູ້ສົ່ງເສີມການລົງທຶນຕ່າງປະເທດຢູ່ລາວ.

Published on

images-stories-2013-February-week1-fri8feb6-134x91

ສະຖານເອກອັກຄະລັດ ຖະທູດ ແຫ່ງ ສປປລາວ ປະ ຈຳປະເທດຍີ່ປຸ່ນໂດຍຮ່ວມມືກັບສູນຍີ່ປຸ່ນ-ອາຊຽນ ໄດ້ຈັດ ກອງປະຊຸມເພື່ອຊຸກຍູ້ສົ່ງເສີມ
ການລົງທຶນຕ່າງປະເທດ ຢູ່ ສປປ ລາວ  ຂື້ນຢູ່ທີ່ສຳນັກ ງານຂອງສູນ ອາຊຽນ-ຍີ່ປຸ່ນ, ທີ່ນະຄອນຫລວງ ໂຕກຽວ, ໃນຕອນເຊົ້າ ຂອງວັນທີ 5 ກຸມພາ 2013, ໂດຍມີ ທ່ານ ເຄນທອງ ນວນທະສິງ, ເອກ ອັກຄະລັດຖະທູດ ແຫ່ງ ສປປ ລາວ ປະຈຳ ຍີ່ປຸ່ນ, ທ່ານ ໂຢ ຊີກູນີ ໂອນີຊິ, ເລຂາທິການ ໃຫຍ່, ສູນອາຊຽນ-ຍີ່ປຸ່ນແລະ ບັນດານັກທູລະກິດ ແລະ ພະ ນັກງານພາກລັດຂອງຍີ່ປຸ່ນ ເຂົ້າຮ່ວມ 120 ກວ່າຄົນ.
ໃນກອງປະຊຸມຄັ້ງນີ້,ກ່າວ ຕ້ອນຮັບແຂກທີ່ມາເຂົ້າຮ່ວມປະຊຸມໂດຍແມ່ນທ່ານເລຂາ ທິການໃຫຍ່ສູນອາຊຽນ-ຍີ່ ປຸ່ນ ແລະ ກ່າວເປີດພິທີຢ່າງ ເປັນທາງການໂດຍ ທ່ານເອກ ອັກຄະລັດຖະທູດ ແຫ່ງ ສປປ ລາວ ປະຈຳ ປະເທດ ຍີ່ປຸ່ນ. ຫລັງຈາກນັ້ນ, ພະນັກງານ ການທູດ ຂອງສະຖານທູດ ລາວທີ່ໂຕກຽວໄດ້ຜັດປ່ຽນກັນ ຂື້ນສະເໜີບົດລະອຽດເພື່ອດຶງດູດນັກລົງທຶນຍີ່ປຸ່ນເຂົ້າມາລົງທຶນຢູ່ ສປປ ລາວ ໃນຂະແໜ່ງ ການຕ່າງໆ ຊື່ງປະກອບມີ 3 ບົດໃຫຍ່ຄື:  ກາລະໂອກາດ ການລົງທຶນຂອງຕ່າງປະເທດຢູ່ ສປປ ລາວ, ນະໂຍບາຍ ການຄ້າຂອງ ສປປ ລາວ ແລະ ການທ່ອງທ່ຽວລາວ.
ໃນການກ່າວເປີດພິທີ ກອງປະຊຸມຢ່າງເປັນທາງ ການ, ທ່ານເອກອັກຄະລັດ ຖະທູດ ເຄນທອງ ນວນທະສິງ ໄດ້ເໜັ້ນໜັກເຖີງແຜນຍຸດທະສາດ ຂອງລັດຖະບານລາວ ກ່ຽວກັບການພັດທະນາເສດ ຖະກິດ-ສັງຄົມ ຂອງ ສປປ ລາວ ແຕ່ປີ 2011-2015 ແລະ ເຖີງປີ 2020. ໃນການ ຈັດຕັ້ງປະຕິບັດບັນດາເປົ້າ ໝາຍຍຸດທະສາດທີ່ກຳນົດໄວ້ໃນແຜນນັ້ນ, ລັດຖະບານ ລາວໄດ້ກຳນົດເປົ້າໝາຍສູ້ ຊົນອອກຄື: ຕ້ອງພັດທະນາ ເສດຖະກິດລາວໃຫ້ມີການ ເຕີບໂຕໄວ, ໝັ້ນທ່ຽງ ແລະ ຍືນຍົງ, ດ້ວຍອັດຕາການ ເຕີບໂຕຂອງເສດຖະກິດໃຫ້ ໄດ້ຢ່າງໜ້ອຍ 8% ຕໍ່ປີ; ສະເລັຍລາຍຮັບຕໍ່ຫົວຄົນໃຫ້ໄດ້ 1.700 ໂດລາສະຫະລັດ ໃນປີ 2015 ບັນລຸເປົ້າໝາຍ ສະຫັດສະວັດດ້ານການພັດ ທະນາຊື່ງໃນນັ້ນການແກ້ໄຂຄວາມທຸກຍາກຂອງປະຊາ ຊົນ ໃຫ້ໄດ້ໂດຍພື້ນຖານໃນປີ 2015. ພ້ອມນັ້ນ, ກໍກໍ່ສ້າງພື້ນ ຖານເຕັກນິກທີ່ຈຳເປັນເພື່ອ ນຳເອົາປະເທດລາວໃຫ້ຫລຸດພົ້ນອອກຈາກ ສະຖານະພາບ ຂອງປະເທດດ້ອຍພັດທະນາ ໃນປີ 2020. ເພື່ອບັນລຸເປົ້າ ໝາຍ ດັ່ງກ່າວ, ລັດຖະບານ ລາວ ຕ້ອງລົງທຶນໃສປະມານ 15-17 ຕື້ໂດລາ ຊື່ງໃນນີ້ ຕົວເລກຄາດຄະເນການລົງ ທຶນຂອງຕ່າງປະເທດກວມ ເອົາກວ່າ 50%. ສະນັ້ນ, ສປປ ລາວ ຈຶ່ງຮຽກຮ້ອງ ແລະ ເຊື້ອເຊີນນັກລົງທຶນຕ່າງປະ ເທດໂດຍສະເພາະນັກລົງທຶນຈາກ ຍີ່ປຸ່ນ ເຂົ້າໄປລົງທຶນ ຢູ່ ສປປ ລາວ ໃຫ້ຫລາຍຂື້ນ ໂດຍສະເພາະ ການລົງທຶນ ຢູ່ໃນເຂດເສດຖະກິດພິເສດ ແລະ ເຂດເສດຖະກິດສະ ເພາະຊື່ງລັດຖະບານລາວ ມີນະໂຍບາຍສົ່ງເສີມເປັນພິ ເສດ.

ທີ່ມາ:www.kongthap.gov.la

ບົດຄວາມຫຼ້າສຸດ

ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ຢ່າງເປັນທາງການ. ກອງປະຊຸມສະໄໝສາມັນ ຂອງລັດຖະບານ ປະຈຳເດືອນພຶດສະພາ 2025 ໄຂຂຶ້ນໃນວັນທີ29 ພຶດສະພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ...

ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ

ພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA Arena ແຫ່ງທຳອິດຂອງ ສປປ ລາວ. ສະຫະພັນບານເຕະແຫ່ງຊາດລາວຮ່ວມກັບສະຫະພັນບານເຕະນານາຊາດ(FIFA), ອຳນາດການປົກຄອງນະຄອນຫຼວງວຽງຈັນ,ເມືອງໄຊເສດຖາ ແລະ ບ້ານນາຄວາຍໃຕ້ ຈັດພິທີເປີດສະໜາມກິລາບານເຕະຂະໜາດນ້ອຍພາຍໃຕ້ໂຄງການ FIFA(FIFA Arena Project) ແຫ່ງທຳອິດຂອງ...

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່

ລາວ ແລະ ມາເລເຊຍ ໄດ້ເປີດຕົວເສັ້ນທາງ ການຄ້າທາງລົດໄຟ-ທະເລ ແຫ່ງໃໝ່ ເພື່ອເສີມສ້າງລະບົບການຂົນສົ່ງໃນພາກພື້ນ, ສົ່ງເສີມການຮ່ວມມືທາງເສດຖະກິດ, ແລະ ເຊື່ອມຕໍ່ອາຊີຕາເວັນອອກສຽງໃຕ້ ເຂົ້າກັບເສັ້ນທາງການຄ້າໂລກ. ອີງຕາມການລາຍງານຂອງເວັບໄຊຕ໌ຂ່າວການຂົນສົ່ງທາງລົດໄຟ Railway Supply. ໃນວັນທີ 25 ພຶດສະພາ, ບໍລິສັດ Penang Port Sdn Bhd ແລະ...

ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະ ໄດ້ເດີນທາງຢ້ຽມຢາມ ມາເລເຊຍ ຢ່າງເປັນທາງການ

ລາວ-ມາເລເຊຍ ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ອັນວາ ອິບຣາຮິມ, ນາຍົກລັດຖະມົນຕີ ແຫ່ງ ມາເລເຊຍ, ພະນະທ່ານ ສອນໄຊ ສີພັນດອນ, ນາຍົກລັດຖະມົນຕີ...