1 ເລືອກຈໍພາບທີ່ມີການກະຈາຍລັງສີຕໍ່າ ເພື່ອປົກປ້ອງສາຍຕາ ວິທີທົດສອບແບບງ່າຍໆ ໂດຍການປິດສະວິກພາບ ແລ້ວເອົາແຂນໄປແປະໄວ້ໃກ້ໆ ຈໍພາບໃຫ້ ໃກ້ທີ່ສຸດ ຊຶ່ງຈໍພາບທີ່ມີການກະຈາຍລັງສີຕໍ່າເກືອບຈະບໍ່ຮູ້ເຖິງແຮງຂອງໄຟຟ້າສະຖິດຕາມຂົນບໍລິເວນຜິວໜັງເລີຍ.

2 ປັບແສງ ແລະ ຄວາມຊັດຂອງໜ້າຈໍຄອມ ໃຫ້ຮູ້ສຶກສະບາຍຕາຫຼາຍທີ່ສຸດ ລວມທັງຄວາມສະຫວ່າງພາຍໃນຫ້ອງດ້ວຍ  ເພາະວ່າຖ້າເຮັດວຽກກັບຄອມພີວເຕີ ໃນສະພາບແວດລ້ອມທີ່ມີແສງແຈ້ງເກີນໄປ ແລະ ຈໍພາບມີຄວາມສະຫວ່າງຫຼາຍ ກໍ່ຈະຍິ່ງມີຜົນເສຍຕໍ່ດວງຕາໄດ້ງ່າຍຂຶ້ນ.

3 ຕໍາແໜ່ງຂອງຈໍພາບຄວນຫ່າງຈາກດວງຕາພໍປະມານ 18-24 ນີ້ວ ຫຼືປະມານຊ່ວງຢື້ຂອງແຂນ ແລະ ປັບລະດັບໃຫ້ຕໍ່າກວ່າລະດັບສາຍຕາປະມານ 15-20 ອົງສາ ຊຶ່ງຖ້າຫາກໄລຍະຫ່າງລະຫວ່າງຈໍພາບກັບສາຍຕາ ບໍ່ສໍາພັນກັນອາດເຮັດໃຫ້ເກີດອາການເມື່ອຍລ້າ ແລະ ເຈັບຕາໄດ້ງ່າຍ.

4 ຄວນໃສ່ແຜ່ນກັ້ນລັງສີໄວ້ທີ່ໜ່າຈໍຄອມພິວເຕີຣ໌ ເພື່ອເປັນການຊ່ວຍກະຈາຍລັງສີຈາກຄອມພີວເຕີສູ່ສາຍຕາ ທີ່ສໍາຄັນຄວນເລືອກແບບທີ່ມີຄຸນະພາບ  ແລະ ຊື່ອຖືໄດ້.

5 ທໍາຄວາມສະອາດໜ້າຈໍຄອມພີວເຕີຢູ່ສະເໝີ ເພາະຝຸ່ນລະອອງອາດເຮັດໃຫ້ເກີດການສະທ້ອນແສງຫຼາຍຂຶ້ນ.

6 ການຢຸດພັກ ຫຼື ການປ່ຽງແປງຕາລາງການເຮັດວຽກໃໝ່ ຈະຊ່ວຍໃຫ້ສາຍຕາຜ່ອນຄາຍຄວາມເມື່ອຍ ຈາກການຈ້ອງເບິ່ງຄອມພີວເຕີໄດ້ ເຊັ່ນຢຸດພັກສາຍຕາຄັ້ງລະ 15​ນາທີ່ ທຸກໆ 2 ຊົ່ວໂມງ ແລ້ວຄ່ອຍເລີ່ມການຮັດວຽກຕໍ່ໄປ ກໍ່ຈະຊ່ວຍໃຫ້ຮັກສາສາຍຕາໄດ້.

7 ໃຊ້ຜ້າຈຸ່ມນໍ້າພໍຊຸ່ມ ແປະໄວ້ເທິງໜັງຕາ  ແລະ ຫຼັບຕາຈັກ 2-3 ນາທີ ຫຼືຈະໃຫ້ດີກວ່ານັ້ນ ປິດໄຟນອນພັກຈັກໜ້ອຍເພື່ອເປັນການຊາກພະລັງງານໃຫ້ກັບສາຍຕາກັບມາແຂງແຮງອີກຄັ້ງ.

8 ສໍາລັບຄົນທີ່ໃສ່ ຄອນແທັກເລນ ແຈຕາຈະແຫ້ງເພາະຫ້ອງທີ່ໃຊ້ຄອມພີວເຕີສ່ວນຫຼາຍເປັນຫ້ອງແອຣ໌ ເມື່ອບວກກັບຄວາມຮ້ອນຂອງເຄື່ອງຄອມພີວເຕີ ຈະເຮັດໃຫ້ອາກາດແຫ້ງການຢອດນໍ້າຕາທຽມກໍ່ຈະຊ່ວຍໃຫ້ຕາກັບມາສົດຊຶ່ນອີກຄັ້ງ.

*** ຕົ້ນກະບອງເພັດ ຊ່ວຍໃດ້.

ລອງຫາຕົ້ນກະບອງເພັດຈັກຕົ້ນນ້ອຍໆມາວາງໄວ້ໃກ້ໆກັບໜ້າຈໍຄອມພີວເຕີເບິ່ງເພາະຕົ້ນກະບອງເພັດມີຄວາມສາມາດດູດຊັບລັງສີ ໄດ້ເປັນຢ່າງດີ.