10 ພຶດຕິກໍາ ທີ່ເຮັດໃຫ້ທ່ານອາຍຸສັນລົງ.

1 ສູບຢາ ແລະ ດື່ມເຫຼົ້າ ທັງສອງສິ່ງນີ້ສົ່ງຜົນເສຍໃຫ້ກັບອະໄວຍະວະພາຍໃນ ແລະ ພາຍນອກ ເຮັດໃຫ້ຕັບ ແລະ ປອດເຮັດວຽກໜັກ ເຮັດໃຫ້ແກ່ກ່ອນໄວ ແລະ ສ່ຽງຕໍ່ການເປັນມະເຮັງນໍາໄປສູ່ການເສຍຊີວິດກ່ອນໄວອັນຄວນ.

2 ມັກກິນເຄມ ມີງານວິໄຈພົບວ່າຄົນທີ່ມັກກິນອາຫານເຄມ ຈະມີໂອກາດເກີດມະເຮງສູງກວ່າຄົນມັກກິນອາຫານລົດຈືດ ດັ່ງນັ້ນຄວນປັບປ່ຽນພຶດຕິກໍາ ການມັກຂອງເຄມ ໃຫ້ຫຼຸດໜ້ອຍລົງກ່ອນທີ່ຈະສາຍກີນໄປ.

3 ນອນເດິກ ເພາະວ່າການນອນເດິກເຮັດໃຫ້ມີ ຮໍຣ໌ໂມນ ຕ້ານມະເຮງອອກມາໜ້ອຍເກີນໄປ ແລະ ສ່ຽງຕໍ່ການຕິດເຊື້ອໂລກອຶ່ນໆ ເຊັ່ນຄວາມດັນເລືອດສູງ ໄຂມັນສູງ  ແລະ ໂລກຄວາມຕູ້ຍ ເນື່ອງຈາກຄົນນອນເດິກມັກຈະຫີວ ແລະ ຫາຫຍັງມາກິນ ຊຶ່ງບໍ່ເປັນຜົນດີຕໍ່ສຸຂະພາບແນ່ນອນ.

4​ ຄຽດໜັກ ຫຼືເປັນໂລກຄວາມຄຽດຊໍາເຮື້ອ  ເພີ່ມຄວາມສ່ຽງໃນການເປັນມະເຮງ ພ້ອມທັງເຮັດໃຫ້ເກີດມີບັນຫາກັບຊີວິດບໍ່ວ່າຈະເປັນ ສ່ວນຕົວ ຄອບຄົວ ແລະ ໜ້າທີ່ການງານ.

5 ກັ້ນປັດສະວະ (ອົດຍ່ຽວ) ຢ່າງທີ່ຮູ້ກັນດີແລ້ວວ່າ ນໍ້າປັດສະວະເປັນຂອງເສຍ ຖ້າກັ້ນປັດສະວະເລື່ອຍໆ ຈະເຮັດໃຫ້ກະເພາະປັດສະວະ(ຖົງນໍ້າຍ່ຽວ) ຈະສະສົມສິ່ງເຫນົ່າເສຍ ສົ່ງຜົນໃຫ້ເກີດມະເຮງກະເພາະປັດສະວະ ຫຼື ເກີດອັກເສບໃດ້.

6​ ຮັບປະທ່ານຂອງຮ້ອນຈັດ ເຊັ່ນຊາຮ້ອນຫຼືກາເຟຮ້ອນຖ້າບໍ່ລະວັງ ອາດຈະໄປລວກເຊລ໌ຫຼອດອາຫານຈົນອັກເສບ ແລະ ມີໂອກາດປ່ຽນເປັນເຊລ໌ມະເຮງໄດ້. ທາງທີດີ ຄວນຫຼີກລຽງອາຫານ ແລະ ເຄື່ອງດື່ມທີ່ຮ້ອນຈັດ ປະໃຫ້ອຸນຫະພຸ່ມຫຼຸດລົງກ່ອນຄ່ອຍຮັບປະທ່ານ.

7 ຕາກແດດເລື່ອຍໆ​ແລະເປັຍເວລາດົນໆ ສ່ຽງຕໍ່ການເກີດເປັນມະເຮງຜິວໜັງ ເພາະແສງແດດເປັນລັງສີທີ່ກະຕຸ້ນເຊລ໌ໃຫ້ແບ່ງຕົວຕໍ່ໄປຢ່າງບໍ່ຢຸດຢັ້ງ  ກາຍເປັນກ້ອນໃຫຍ່ຂຶ້ນໄດ້. ວິທີປ້ອງກັນຄືຫຼີກລຽງການປະເຊີນກັບແດດທີ່ແຮງຈັດ ຖ້າຫຼີກລຽງບໍ່ໄດ້ກໍ່ຄວນທາຄີມກັນແດດ ກັງຄັນຮົ່ມ ຫຼື ໃສ່ເສື້ອຄູມປົກປິດໄວ້.

8 ກິນຢາເລື່ອຍໆ, ຫົວໃຈອາດເປັນພາກສ່ວນໜຶ່ງທີ່ສໍາຄັນ ແຕ່ພະເອກຂອງຮ່າງກາຍຂອງຄົນເຮົາຄື ຕັບ ແລະ ແມ່ນຫຍັງກໍ່ຕາມທີ່ຜ່ານເຂົ້າໄປໃນຮ່າງກາຍຕັບຈະຕ້ອງກໍາຈັດຂອງເສຍອອກນັ້ນຄືສາເຫດທີ່ບໍ່ຢາກໃຫ້ທ່ານຮັບສິ່ງທີ່ບໍ່ດີເຂົ້າໄປໃນຮ່າງກາຍ ສິ່ງໜຶ່ງທີ່ສໍາຄັນນັ້ນກໍ່ຄື ການຮັບປະທານຢາແກ້ປວດ ແກ້ນີ້ ແກ້ນັ້ນ ກໍ່ເປັນໂຕທໍາລາຍໂດຍກົງ. ລອງຮັບປະທານແນວອຶ່ນແທນການກິນຢາຈະດີກວ່າ ເຊັ່ນໃນເວລາເຈັບຫົວ ກໍ່ອາດເກີດຈາກການດື່ມນໍ້າບໍ່ພຽງພໍເຮັດໃຫ້ເລືອດຫນຽວ ສະນັ້ນ ກໍ່ຄວນກິນນໍ້າໃຫ້ຫຼາຍແທນການກິນຢາທີ່ຈະເຂົ້າໄປທໍາລາຍຮ່າງກາຍໂຕເອງ.

9 ເຮັດວຽກໜັກເຮັດໃຫ້ໂຕເອງບໍ່ມີເວລາພັກຜ່ອນ ຈົນລື່ມປ່ວຍ ແຕ່ໃນທີ່ສຸດທ່ານກໍ່ຈະປ່ວຍແທ້ ທີ່ສໍາຄັນເຮັດວຽກຢູ່ບ່ອນໃດກໍ່ຕາມ ເຄັບລັບຄືເວລາທີ່ຮູ້ສຶກເມື່ອຍ ຈົນມືນຕາບໍ່ຂຶ້ນແລ້ວ ໃຫ້ຮີບຟ້າວໄປນອນ ເພາະວລາຕຶ່ນມາຈະເຮັດສະໝອງສົດຊື່ນ ຄິດຫຍັງໄດ້ງ່າຍກວ່າ ແລະ ໃຊ້ເວລາເຮັດວຽກໃຫ້ຫນ້ອຍລົງ Work hard ບໍ່ເວີຣ໌ກແລ້ວ.

10 ຄິດທຸກເລື່ອງ, ຂໍ້ນີ້ເບິ່ງຄືບໍ່ສໍາຄັນ ແຕ່ຢ່າເບິ່ງຂ້າມເດັດຂາດ ເພາະຖ້າເຮົາເລີກຄິດເລື່ອງຄຽດໆ ຈະເຮັດໃຫ້ຈິດໃຈສົດຊື່ນແຈມໃສ ເຮັດໃຫ້ທ່ານມີຮ່າງກາຍ ແລະ ຈິດໃຈທີ່ດີ ເລີກຄິດ ເລີກຄຽດ ຈະເຮັດໃຫ້ທ່ານອາຍຸຍືນຂຶ້ນ.

>>ຂອບໃຈ https://www.facebook.com/mouk.mouksavanh/posts/583224515113040?comment_id=583281038440721&notif_t=like