ຮູ້ ຫຼື ບໍ່? ມີສານເຄມີອັນຕະ ລາຍປະປົນຢູ່ໃນນ້ຳດື່ມ ໂດຍທີ່ໂຕກອງທີ່ໃຊ້ອາດບໍ່ສາມາດກຳຈັດອອກໄປໄດ້ ຊຶ່ງສານເຄມີເຫຼົ່ານີ້ຈະນຳໄປສູ່ໂລກອັນຕະລາຍຫຼວງຫຼາຍ ແລະ ຈາກການສຶກສາ 4 ສານອັນຕະລາຍທີ່ພົບຫຼາຍທີ່ສຸດຄື:
- ສານໜູ: ຖ້ານ້ຳທີ່ດື່ມມີປະລິມານສານໜູສູງກໍສາມາດເຮັດໃຫ້ປອດເສຍຫາຍໄດ້ທຽບເທົ່າກັບການສູບຢາດົນເຖິງ10ປີເຖິງວ່າຈະມີປະລິມານປານກາງກໍສາມາດຫຼຸດປະສິດທິພາບການເຮັດວຽກຂອງປອດໄດ້ເຊັ່ນກັນ.
- ສານທອງແດງ: ມັກພົບການປົນເປື້ອນຫຼາຍທີ່ສຸດໃນນ້ຳດື່ມເພາະເປັນສານທີ່ໃຊ້ໃນທໍ່ນ້ຳອາດເຮັດໃຫ້ເກີດການສະສົມຂອງແອມີລອຍບີຕາຊຶ່ງເປັນໂປຣຕີນທີ່ພັບໂຕຜິດຮູບແບບໃນສະໝອງຈົນນຳໄປສູ່ໂລກຄວາມຈຳເສື່ອມ,ໂລກກ້າມຊີ້ນອັກເສບ ແລະ ໂລກທີ່ກ່ຽວຂ້ອງກັບເສັ້ນເລືອດໃນສະໝອງໄດ້.
- ຄໍຣີນ: ເປັນສານເຄມີທີ່ໃຊ້ຂ້າພະຍາດໃນນ້ຳດື່ມ ແລະ ນ້ຳໃນສະລອຍນ້ຳແຕ່ນ້ຳທີ່ໄດ້ຮັບສານເຄມີນີ້ສາມາດໂຮມກັນກັບສານອີນຊີເຊັ່ນ:ພືດທີ່ເນົ່າເປື່ອຍຈົນກາຍເປັນໄຕຣຮາໂລມີເທນທີ່ເປັນສານກໍ່ມະເຮັງລະດັບສູງ.
- ສານກົ່ວ:ໂລຫະທີ່ສາມາດຂຶ້ນໃນນ້ຳແລະເດີນທາງໄປຕາມສາຍເຄື່ອງຈັກ(ໂດຍສະເພາະແມ່ນເຮືອນທີ່ສ້າງຂຶ້ນກ່ອນປີ1950)ຈະມີຄວາມສ່ຽງຕໍ່ການເປັນໂລກຄວາມດັນເລືອດແລະບັນຫາຂອງໝາກໄຂ່ຫຼັງຫຼາຍທີ່ສຸດ.
ດັ່ງນັ້ນການເລືອກນ້ຳດື່ມທີ່ສະອາດຈິ່ງຖືເປັນເລື່ອງທີ່ສຳຄັນເພາະການບໍລິໂພກນ້ຳທີ່ສະອາດ ແລະເໝາະສົມຖືເປັນສິ່ງສຳຄັນທີ່ຮ່າງກາຍຂອງຄົນເຮົາຕ້ອງການ.
ຮຽບຮຽງໂດຍ: ຣັດສະໝີ
ຈາກ: ໜັງສືພິມເສດຖະກິດ-ສັງຄົມ
ຈາກ: ໜັງສືພິມເສດຖະກິດ-ສັງຄົມ