spot_img
Homeນານາສາລະຜົນເສຍ ຂອງການໃສ່ເກີບສົ້ນສູງ!

ຜົນເສຍ ຂອງການໃສ່ເກີບສົ້ນສູງ!

Published on

e_ehimnqwz1357

ເກີບສົ້ນສູງ ເວົ້າໄດ້ວ່າເປັນໂຕຊ່ວຍທີ່ເພີ່ມຄວາມງາມ ແລະ ສ້າງຄວາມໝັ້ນໃຈ ໃຫ້ກັບສາວໆ ຫຼາຍຄົນ, ແຕ່ຮູ້ ຫຼືບໍ່ວ່າ ການໃສ່ເກີບສົ້ນສູງເປັນເວລາດົນ ແລະ ໃສ່ເລື່ອຍໆ ຈະເຮັດໃຫ້ເປັນອັນຕະລາຍຕໍ່ສຸຂະພາບຮ່າງກາຍໄດ້ບໍ່ໜ້ອຍ.  

1. ກ້າມເນື້ອ-ເອນຄະນ່ອງ

ໃນຂະນະທີ່ໃສ່ເກີບສົ້ນສູງ ບັນດາສາວໆ ຕ້ອງໄດ້ຢືນຢູ່ໃນທ່າ ຢັງຢີ້(ຢັງແຢ້) ຊຶ່ງຖ້າຫາກວ່າຮ່າງກາຍຂອງຄົນເົຮາຕ້ອງຢູ່ໃນທ່ານີ້ເປັນເວລາດົນໆ ຈະເຮັດໃຫ້ກ້າມເນື້ອ ເອນຄະນ່ອງເຄັ່ງຕຶງ ແລະ ຫົດສັ້ນ ສັງເກດໄດ້ຈາກອາການເຈັບຄະນ່ອງເລື່ອຍໆ  ຈາກການຍ່າງ ຫຼື ເປັນຕະຄິວ.         

 2. ໂຄງສ້າງຂອງຕີນ

ເມື່ອກ້າມເນື້ອ ເອນຄະນ່ອງຫົດສັ້ນຢູ່ເລື່ອຍໆ ຈະສົ່ງຜົນເສຍຕໍ່ໂຄງສ້າງຂອງຕີນ ເມື່ອທ່ານຢືນດ້ວຍຕີນເປົ່າຈະເຫັນວ່າ ຕີນເປອອກ ເຮັດໃຫ້ເກີດອາການເຈັບປວດບໍລິເວັນອົ້ງຕີນ ແລະ ສົ້ນຕີນ ຈົນກາຍເປັນບັນຫາຂອງຝາຕີນຕາມມາ.       

3. ກະດູກສັນຫຼັງ 

ການໃສ່ເກີບສົ້ນສູງ ເຮັດໃຫ້ປາຍຕີນສ່ວນໜ້າຈະຕ້ອງຮັບນໍ້າໜັກຂອງຮ່າງກາຍໄວ້ເກືອບໝົດ ເພື່ອເຮັດໃຫ້ຢືດໂຕໃຫ້ຊື່ ແລະ ຊົງໂຕໄດ້ ໃນຂະນະດຽວກັນສະລີລະຂອງຮ່າງກາຍກໍ່ຈະປັບໃຫ້ອະໄວຍະວະສ່ວນຫຼັງບໍລິເວນຊ່ວງແອວ ແອນໄປດ້ານໜ້າ ສົ່ງຜົນໃຫ້ເກີດອາການເຄັ່ງຕຶງຂອງກ້າມເນື້ອຈົນເຖິງຂັ້ນເຈັບຫຼັງໃນທີ່ສຸດ.

      ການຮັກສາປະຖົມພະຍາບານໃນເບື່ອງຕົ້ນ. 

ໃນກໍລະນີເກີດການບາດເຈັບຂອງຕີນ ຈາກການໃສ່ເກີບສົ້ນສູງ ໃຫ້ໃຊ້ຄວາມເຢັນຊຶ່ງອາດຈະເປັນຖົງນໍ້າແຂງ ແປະໄວ້ປະມານ 20-30ນາທີ ໃນຂະນະດຍວກັນໃຫ້ຍົກຂາຂຶ້ນສູງ ແລະ ຫຼຸດການໃຊ້ງານ ທ່ານສາມາດແປະໄດ້ເລື່ອຍໆ 4-5 ຄັ້ງຕໍ່ມື້  ທູກໆ 2 ຊົ່ວໂມງ  ໃນມື້ທໍາອິດທີ່ໄດ້ຮັບການບາດເຈັບ ຂໍ້ສໍາຄັນຄືຫ້າມນວດ ຫຼືຫ້າມດັດ ບິດຂໍ່ຕີນ.

ສໍາລັບເລື່ອງເກີບສົ້ນທີ່ສູງ ເກີນ 2 ນີ້ວ ອາດສົ່ງຜົນໃຫ້ເກີດບັນຫາຕັ້ງແຕ່ເລັບຕີນຢິກ ເປັນຕູດ ຫຼື ຕາປາ ທີ່ຝາຕີນ ເສັ້ນປະສາດຕີນອັກເສບ ກ້າມເນື້ອ ເອັນຄະນ່ອງ ຫົດລັງ ການບາດເຈັບຈາກຕີນພິກ.   

ນອກຈາກນີ້ ຍັງມີອາການບາດເຈັບເຂົ່າ ເນື່ອງຈາດການຄືງ (ກຶງ)ຂອງເຂົ່າເພື່ອການຊົງໂຕ  ແລະ ທີ່ສໍາຄັນຄື ຍັງສົ່ງຜົນເຖີງກະດູກສັນຫຼັງດ້ວຍ ການກິນອາຫານໃຫ້ຄົບ 5 ໝູ່ ມີສານອາຫານ ແລະ ແຄລຊ່ຽມພຽງພໍ ແລະ ໝັ່ນອອກກໍາລັງກາຍ ຈະເຮັດໃຫ້ກະດູກແຂງແຮງ ທັ້ງນີ້ຕ້ອງຄວບຄູມນໍ້າໜັກອີກດ້ວຍ.

ຢ່າງໃດກໍ່ຕາມ ໄວອາຍຸໃດໆກໍ່ບໍ່ເໝາະສົມທີ່ຈະໃສ່ເກີບສົ້ນສູງ(ໂດຍສະເພາະແມ່ນໃສ່ເປັນເວລາດົນ) ໂດຍສະເພາະເດັກ ແລະ ຜູ້ຍິງຖືພາ ຄວນໃສ່ສົ້ນຕໍ່າ.

>>ຂອບໃຈ http://www.thaihealth.or.th/Content/26995-%E0%B8%9C%E0%B8%A5%E0%B8%81%E0%B8%A3%E0%B8%B0%E0%B8%97%E0%B8%9A%E0%B8%88%E0%B8%B2%E0%B8%81%E0%B8%A3%E0%B8%AD%E0%B8%87%E0%B9%80%E0%B8%97%E0%B9%89%E0%B8%B2%E0%B8%AA%E0%B9%89%E0%B8%99%E0%B8%AA%E0%B8%B9%E0%B8%87.html

 

ບົດຄວາມຫຼ້າສຸດ

ຂໍຂອບໃຈ! ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ

ຍີ່ປຸ່ນຊ່ວຍເຫຼືອລ້າ 1.27 ຕື້ເຢນ ເຂົ້າໃນວຽກງານພັດທະນາຄູໃນ ສປປ ລາວ ວັນທີ 25 ກຸມພາ 2025, ອົງການຮ່ວມມືສາກົນຍີ່ປຸ່ນ ໄດ້ລົງນາມໃນສັນຍາຊ່ວຍເຫຼືອລ້າໃຫ້ແກ່ລັດຖະບານລາວ ຈຳນວນ 1.27 ຕື້ເຢນ...

ຊາວໜຸ່ມ ກະຊວງ ປກສ ຄວ້າແຊ້ມກິລາບານເຕະ Lao Youth Union Cup ປະຈຳປີ 2024

ກະຊວງ ປກສ ຄວ້າແຊ້ມບານເຕະ Lao Youth Union Cup ປະຈຳປີ 2024 ໄດ້ສຳເລັດ ການແຂ່ງຂັນກິລາບານເຕະ ຊີງຂັນ ສະຫາຍ ເລຂາຄະນະບໍລິຫານງານ ສູນກາງຊາວໜຸ່ມປະຊາຊົນປະຕິວັດລາວ...

ສູນການສຶກສາແອວແອສ ລົງນາມເຊັນສັນຍາ ກັບສະຖາບັນ PSB ຂອງສິງກະໂປ ແລະ ການຮ່ວມມືກັບ (GEA)

ສູນການສຶກສາແອວແອສ (LS Education): ຜູ້ນຳດ້ານຄວາມເປັນເລີດທາງການສຶກສາໃນລາວ ແລະ ທົ່ວໂລກ ໃນຊຸມປີມໍ່ໆມານີ້, ປະເທດລາວເຫັນໄດ້ວ່າມີຄວາມຕ້ອງການການສຶກສາທີ່ມີຄຸນນະພາບໄດ້ຕາມມາດຕະຖານສາກົນນັບມື້ນັບເພີ່ມຂຶ້ນ. ຢູ່ແຖວໜ້າຂອງການຫັນປ່ຽນນີ້ແມ່ນ ສູນການສຶກສາແອວແອສ. ເນື່ອງຈາກເປັນສູນການສຶກສາຊັ້ນນຳທີ່ມຸ້ງໝັ້ນໃນການຍົກລະດັບການຮຽນຮູ້ໃນລາວ. ດ້ວຍວິໄສທັດທີ່ຈະສົ່ງເສີມໃຫ້ນັກຮຽນມີສັກະຍະພາບ ແລະ ໂອກາດທີ່ໄດ້ຮັບການຍອມຮັບໃນທົ່ວໂລກ, ສູນການສຶກສາແອວແອສ...

ກົມອຸຕຸອອກແຈ້ງການສະພາບອາກາດ ປະຈຳວັນທີ 26 ກຸມພາ 2025 ເວລາ 06:00 ໂມງ

ພະຍາກອນອາກາດແຕ່ເວລາ 07 ໂມງ ຂອງວັນທີ 26/02/2025 ຫາ ເວລາ 07 ໂມງ ຂອງວັນທີ 27/02/2025 ມວນອາກາດຫນາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງແຮງ, ສົມທົບກັບກະແສ ລົມຕາເວັນອອກສ່ຽງເຫນືອພັດປົກຄຸມ....