ການບໍ່ມີພະຍາດເປັນລາບອັນປະເສີດ ສິ່ງນີ້ຖືວ່າເປັນເລື່ອງແທ້ຢ່າງຫລວງຫລາຍຖ້າໃຜໄດ້ເຄີຍປະສົບກັບຄວາມເຈັບປ່ວຍມາດ້ວຍຕົນເອງແລ້ວ ເງິນຄໍາຫລືສິ່ງຂອງທີ່ເຄີຍໃຫ້ຄວາມສຸກກໍກາຍເປັນສິ່ງທີ່ຂາດຄ່າ ການເບິ່ງແຍງສຸຂະພາບຕົນເອງຢ່າງສະໝໍ່າສະເໝີຈຶ່ງເປັນສິ່ງທີ່ຈຳເປັນ ແຕ່ສຳລັບໃຜທີ່ບໍ່ມີງົບປະມານຫລາຍພໍ ເຮົາກໍມີເຄັດຫລັບທີ່ຈະຊ່ວຍໃຫ້ສາວໆ ສາມາດສັງເກດສຸຂະພາບຂອງຕົນເອງໃນເບື້ອງຕົ້ນໄດ້ກ່ອນທີ່ຈະເຂົ້າໄປຮັບຄຳປຶກສາຈາກແພດຖ້າພົບອາການຜິດປົກກະຕິກ່ອນ
- 1. ກວດສະພາບລິ້ນຂອງຕົນເອງ
ກວດສຸຂະພາບກາຍຈາກໃນປາກດ້ວຍສະພາບຂອງລິ້ນ ວິທີງ່າຍໆ ພຽງແຕ່ເດລິ້ນອອກມາຈົນສຸດທີ່ຈະສາມາດເຮັດໄດ້ ຈາກນັ້ນສັງເກດລັກສະນະຂອງສີລິ້ນທີ່ເຫັນ ວ່າມີຈຸດສີຂາວ ເຫລືອງ ຫລື ມີສີຜິດປ່ຽນໄປຈາກທຳມະດາ ກະຈາຍໂຕຢູ່ຕາມລິ້ນຫລືບໍ່ ຖ້າພົບເຫັນອາດຈະເດົາໄດ້ວ່າ ສາວໆ ກຳລັງມີບັນຫາໃນເລື່ອງຂອງກົດໃນກະເພາະອາຫານ ຫລື ມີບັນຫາກ່ຽວກັບລະບົບການຍ່ອຍເຮັດວຽກຜິດປົກກະຕິ
- 2. ກວດສະພາບຕາ
ໂດຍທົ່ວໄປສີຂອງຕາຄົນປົກກະຕິທີ່ມີຮ່າງກາຍແຂງແຮງ ຈະຕ້ອງມີຕາສີຂາວ ແລະ ດຳສະນິດ ເບິ່ງສົດໃສ ແຕ່ບາງຄົົນທີ່ມີບັນຫາສຸກຂະພາບ ມັນສາມາດທີ່ຈະສະແດງອອກມາໃຫ້ເຫັນທາງຕາໄດ້ ນັ້ນກໍຄືລັກສະນະຂອງດວງຕາທີ່ເຄີຍຂາວຈະເລີ່ມຂຸ້ນ ອອກເປັນສີເຫລືອງ ຫລື ສີບໍ່ສົດໃສແບບເກົ່າ ອາດຈະເກີດຈາກບັນຫາຂອງພະຍາດກ່ຽວກັບຫມາກໄຂ່ຫລັງ ຫລື ຕັບທີ່ຄວນເຂົ້າຮັບການກວດຮ່າງກາຍໃນຂັ້ນຕອນຕໍ່ໄປ
- 3. ກວດສະພາບໜັງຫົວ
ບັນຫາຜົມຫລົ່ນເປັນອີກໜຶ່ງບັນຫາທີ່ໜ້າກັງວົນ ເພາະມັນບໍ່ໄດ້ເປັນໂຕບົ່ງບອກວ່າ ຈະເກີດຂຶ້ນຕາມທຳມະຊາດຂອງເສັ້ນຜົມພຽງຢ່າງດຽວ ສຳຫລັບບາງຄົົນທີ່ມີບັນຫາຜົມຫລົ່ນຫລາຍ ຫລົ່ນເປັນຈຸກ ຈົນເຮັດໃຫ້ຜົມບາງລົງຢ່າງວ່ອງໄວ ເຖິງແມ່ນຈະບໍ່ໄດ້ໃຊ້ຜະລິດຕະພັນຈັດແຕ່ງຊົງຜົມໃດໆ ມາກ່ອນ ແບບນີ້ອາດຈະຕ້ອງເຂົ້າຮັບຄຳປຶກສາຈາກແພດ ເພາະອາດຈະເກີດຂຶ້ນຈາກການໃຊ້ຢາ ຫລື ພະຍາດຮ້າຍແຮງທີ່ກຳລັງເລີ່ມກໍ່ໂຕຂຶ້ນກໍເປັນໄດ້
- 4. ກວດສະພາບກ້ອງຂີ້ແຮ້
ສາວໆຄົນໃດທີ່ເຄີຍມີສະພາບຜິວໜັງບໍລິເວນຂີ້ແຮ້ຂາວນຽນ ແມ່ນຈະເປັນລັກສະນະໜັງໄກ່ຢູ່ນຳ ແຕ່ກໍຖືວ່າເປັນເລື່ອງທຳມະຊາດ ແຕ່ຖ້າໃຜສັງເກດພົບວ່າ ບໍລິເວນນີ້ເລີ່ມມີຄວາມຫຍາບ ມີຮອຍຄ້ຳຫລາຍຂຶ້ນກວ່າປົກກະຕິ ນັ້ນອາດຈະເກີດຂຶ້ນຈາກສາເຫດຂອງພະຍາດເບົາຫວານທີ່ກ່ຽວຂ້ອງກັບ ອິນຊູລິນ ແລະ ປະລິມານນ້ຳຕານໃນເລືອດທີ່ສູງຜິດປົກກະຕິ ແຕ່ກໍອາດຈະມີຜົນມາຈາກການລະຄາຍເຄືອງຂອງໂຄລົນ ໄດ້ເຊັ່ນກັນ
ຖ້າສາວໆ ກຳລັງປະເຊີນກັບບັນຫາເຫລົ່ານີ້ຢູ່ ຖ້າບໍ່ໝັ່ນໃຈກັບສິ່ງຜິດປົກກະຕິທີ່ເກີດຂື້ນກໍຄວນເຂົ້າຮັບຄຳປຶກສາຈາກແພດ ແລະ ກວດສຸຂະພາບໃນລຳດັບຕໍ່ໄປ ເພື່ອຈະໄດ້ຊ່ວຍແກ້ໄຂໄດ້ທັນການຖ້າມີຄວາມຜິດປົກກະຕິໃດຂຶ້ນມາແທ້ໆ