spot_img
Homeຂ່າວພາຍ​ໃນກິດຈະກຳ ຄືນໂອກາດ ສູ່ບ້ານເກີດ ຂອງນັກສຶກສາ ລາວ ຢູ່ ໄທ.

ກິດຈະກຳ ຄືນໂອກາດ ສູ່ບ້ານເກີດ ຂອງນັກສຶກສາ ລາວ ຢູ່ ໄທ.

Published on

ຊຸມນຸມນັກສຶກສາລາວ ມະຫາວິທະຍາໄລ ກະເສດສາດເຂດບາງເຂນກຸງເທບມະຫານະຄອນ ລາຊະອານາຈັກໄທ ໄດ້ສ້າງ ກິດຈະກຳ (ຄືນໂອກາດສູ່ບ້ານເກີດ) ໂດຍໄດ້ຂົນຂວາຍຊອກ ແລະ ອອກທຶນຮອນ ຊື້ປື້ມຕຳລາການຮຽນການສອນ ດ້ານວິຊາຊີບໄປມອບໃຫ້ໂຮງຮຽນ ເຕັກນິກ-ວິຊາຊີບ ແບບ ປະສົມແຂວງຊຽງຂວາງນຳພາທິມງານໂດຍ ນາງ ຈັນຜີວ ຫຼວງພິມມະຈິດ ປະທານຊຸມນຸມ ນັກ ສຶກສາລາວທີ່ປະເທດໄທ ຕຳລາການຮຽນການສອນມາມອບໃນຊຸດນີ້ມີ ຕຳລາ ການກະເສດ 133 ຫົວ,ວິຊາຄອມພີວເຕີ 34 ຫົວ, ວິສະວະກຳ, ການປະມົງ ແລະ ການທ່ອງທ່ຽວ 14 ຫົວ,ເສດຖະກິດ 71 ຫົວ,ການບໍລິຫານ ແລະ ການຄຸ້ມຄອງ 59 ຫົວ,ພາສາອັງກິດທົ່່ວໄປ 42 ຫົວ,ພາສາໄທທົ່ວໄປ 26 ຫົວແຜ່ນ CD ສາລະ ຄະດີ ຕ່າງໆ 300 ກັບ ແລະ ປື້ມສາລະໜ້າຮູ້ຕ່າງໆອີກ 841 ຫົວ. ລວມການມອບຄັ້ງນີ້ ປະເພດປື້ມຕຳລາ 1.229 ຫົວ, ຄ່າອຸປະກອນ ແລະ ຄ່າຂົນສົ່ງ ລວມມູນຄ່າ 245.800. ບາດ ປະມານ 65.484.800 ກີບ. ນາງ ຈັນຜີວ ຫຼວງພິມມະຈິດ ກ່າວວ່າ ຊຸມນຸມນັກສຶກສາລາວ ທີ່ຢູ່ປະເທດໄທ ປະຈຸບັນມີ 51 ຄົນ ຍິງ 11 ຄົນ,ໄດ້ກໍ່ຕັ້ງ ຊຸມນຸມ ນັກສຶກສາຂື້ນມາແຕ່ປີ 2005,ໄດ້ມີກິດຈະກຳຫຼາຍຢ່າງ ທີ່ເປັນເສນາທິການ ໃຫ້ແກ່ສະຖານທູດລາວ ປະຈຳບາງກອກ ໄດ້ຮ່ວມເຄື່ອນໄຫວ ກິດຈະກຳ ກ່ຽວ ກັບວັນ ສຳ ຄັນ ຂອງຊາດລາວ ແລະ ໜຶ່ງໃນກິດຈະກຳນັ້ນກໍ່ແມ່ນກິດຈະກຳ ( ຄືນໂອກາດສູ່ບ້ານເກີດ ) ແລະ ໄດ້ປະຕິບັດມາແຕ່ສົກ 2005-2006ຢູ່ແຂວງໄຊຍະບູລີ,ປີ 2006-07 ຢູ່ແຂວງສາລະວັນ, 2007-08 ແລະ 2008-09 ຢູ່ມະຫາວິທະຍາໄລແຫ່ງຊາດ, 2009-10 ຢູ່ມະຫາວິທະບາໄລສຸພານຸວົງ,2010 ຫາ 2012 ຈັດສອງຄັ້ງ ຢູ່ຈຳປາສັກ ແລະ ສົກນີ້ໄດ້ຈັດຢູ່ໂຮງຮຽນເຕັກ ນິກ-ວິຊາຊີບແບບ ປະສົມ ຢູ່ ຊຽງ ຂວາງ. ພິທີມອບຮັບປື້ມຕຳລາ ແລະ ອຸປະກອນການ ສຶກສາ ຄັ້ງນີ້ໄດ້ຈັດຂື້ນ ວັນທີ 4 ກຸມພາ 2013 ທີ່ໂຮງຮຽນວິຊາຊີບມີ ອາຈານ ທອງສະຫວັນ ວິຣະຈິດ ຮອງອຳນວຍການ ໂຮງຮຽນ ເຕັກ ນິກ-ວິຊາຊີບ ແບບປະສົມແຂວງຊຽງຂວາງພ້ອມຄູອາຈານ ແລະ ແຂກເຊື່ອເຊີນເຂົ້າຮ່ວມນຳ.ອຸປະກອນ ການສຶກ ສານີ້ຈະໄດ້ນຳໃຊ້ເຂົ້າໃນການສິດສອນໃນໂຮງຮຽນແຕ່ກໍ່ຍັງຈະຕ້ອງໄດ້ຄັດເລືອກ ແລະ ແປພາສາ ໃຫ້ແທດ ເຫມາະກັບ ການຮຽນການສອນຂອງໂຮງຮຽນ.ໂຮງຮຽນເຕັກນິກ-ວິຊາຊີບແບບປະສົມ ແຂວງ ຊຽງ ຂວາງໄດ້ສ້າງຂື້ນ ມາ ແຕ່ປີ 2004 ມີອາຄານທັງໝົດ 18 ຫຼັງມີທາງລາດຢາງ,ໄຟຟ້າ ແລະ ລະບົບ ນຳໃຊ້ຄົບຊຸດມູນຄ່າກໍ່ສ້າງ 1.473.776 ດອນລາສະຫະລັດ ແລະ ອຸປະກອນການ ສອນ,ເຄື່ອງ ຈັກ, ເຄື່ອງມືອື່ນໆມູນຄ່າ 614.000 ດອນລາ, ມີທຶນສົມທົບ ຂອງລັດຖະບານ ລາວ 5,2 ຕື້ກີບ.ວິຊາທີ່ນຳ ໃຊ້ ສອນມີ ປູກພືດ,ລ້ຽງສັດ, ກໍ່ສ້າງເຄຫະສະຖານ, ຊ່າງໄມ້ເຟີນີເຈີ, ການໄຟຟ້າ, ສ້ອມແປງກົນຈັກທົ່ວ ໄປ,ຕັດ ຫຍິບ ແລະ ອາຫານການໂຮງແຮມ.ໃນສົກຮຽນນີ້ມີນັກຮຽນ 456 ຄົນຍິງ 134 ຄົນ ແລະ ມີນັກ ຮຽນທີ່ ຮຽນຈົບໄປແລ້ວ 621 ຄົນຍິງ 260 ຄົນ.
xiengkhaoung11
ພາບຂ່າວ ຄຳພັນ ວໍລະສິງ

ທີ່ມາ http://laosports.com/?p=3278

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...