ເຊື່ອວ່າອາຫານທີ່ໃຜຫລາຍໆຄົນມັກ ຕ້ອງມີເມນູໄຂ່ເຂົ້າມາກ່ຽວຂ້ອງແນ່ນອນ ເພາະບໍ່ວ່າ ຈະນຳໄຂ່ໄປເຮັດເມນູໃດກໍຕາມ ຄວາມແຊບກໍ່ບໍ່ຫລຸດໜ້ອຍລົງ ແຖມຍັງເຕັມໄປດ້ວຍຄຸນປະໂຫຍດ ຕ່າງໆ ຫລວງຫລາຍ ໄປເບິ່ງກັນດີກວ່າວ່າ ໄຂ່ນ້ອຍໆ ທີ່ເຮົາກິນກັນນັ້ນມີປະໂຫຍດຫຍັງແຝງຢູ່ແນ່
- ເຮັດໃຫ້ເສັ້ນຜົມ ແລະ ເລັບມືສຸຂະພາບດີເພາະໄຂ່ມີຊັນເຟີສູງ ລວມເຖິງຍັງມີວິຕາມິນ ແລະ ແຮ່ທາດ ອີກຫລາຍຊະນິດ ຫລາຍຄົນຈຶ່ງພົບວ່າ ຜົມຍາວໄວຂຶ້ນຫລັງຈາກທີ່ເພີ່ມໄຂ່ເຂົ້າໄປໃນອາຫານທີ່ກິນ ໂດຍສະເພາະຢ່າງຍິ່ງໃນຄົົນທີ່ເຄີຍຂາດອາຫານທີ່ມີຊັນເຟີ ຫລື ວິຕາມິນບີ 12 ມາກ່ອນ
- ເປັນແຫລ່ງໂຄລີນທີ່ດີໂດຍໂຄລີນຢູ່ໃນ ກຸ່ມຂອງວິຕາມິນບີ ຈັດເປັນສານອາຫານສຳຄັນ ທີ່ຊ່ວຍໃນການຄວບຄຸມການເຮັດວຽກງານຂອງສະຫມອງ ລະບົບປະສາດ ແລະ ລະບົບໄຫລວຽນຂອງເລືອດ ໂດຍໄຂ່ 1 ໜ່ວຍຈະມີໂຄລີນຫລາຍເຖິງ 300 ໄມໂຄກຣາມ
- ອາຫານທີ່ດີສຳຫລັບ ດວງຕາ ຜົນການສຶກສາ ອັນໜຶ່ງພົບວ່າ ການກິນໄຂ່ມື້ລະໜ່ວຍອາດ ຈະຊ່ວຍປ້ອງກັນພະຍາດຈໍປະສາດຕາເສື່ອມ ທັງນີ້ ເນື່ອງມາຈາກສານ ຄາໂລທີນອຍ ທີ່ຢູ່ໃນ ໄຂ່ ໂດຍສະເພາະ ຢ່າງຍິ່ງ ລູທີນ (Lutein) ແລະ ຊີແຊນທີນ (Zeaxanthin) ຊຶ່ງເປັນສານທີ່ພົບບໍລິເວນຕາ ຊຶ່ງຮ່າງກາຍຈະໄດ້ຮັບສານອາຫານທັງສອງຢ່າງນີ້ໂດຍກົງຈາກໄຂ່ຫລາຍກວ່າອາຫານຊະນິດອື່ນ
- ບໍ່ກໍ່ໃຫ້ເກີດພະຍາດຫົວໃຈຜົນຈາກການ ເຮັດວິໄຈໂດຍມະຫາວິທະຍາໄລແພດ ຮາວາຍ ພົບວ່າ ບໍ່ມີຄວາມເຊື່ອມຕໍ່ທີ່ສຳຄັນລະຫວ່າງການບໍລິໂພກໄຂ່ ກັບການເກີດພະຍາດຫົວໃຈ ແຖມຍັງມີຜົນການວິໄຈອີກອັນໜຶ່ງທີ່ພົບວ່າ ການບໍລິໂພກໄຂ່ເປັນປະຈຳຍັງຊ່ວຍປ້ອງກັນເລືອດຈັບໂຕເປັນກ້ອນ ເສັ້ນເລືອດອຸດຕັນໃນສະຫມອງ ແລະ ພາວະກ້າມເນື້ອຫົວໃຈຕາຍຮຸນແຣງ
- ຊ່ວຍປ້ອງກັນມະເຮັງເຕົ້ານົມໂດຍຜົນການສຶກສາອັນໜຶ່ງພົບວ່າ ຜູ້ຍິງທີ່ກິນໄຂ່ 6 ໜ່ວຍ ຕໍ່ອາທິດ ຊ່ວຍຫລຸດຄວາມສ່ຽງທີ່ຈະເປັນມະເຮັງເຕົ້ານົມລົງ 44 ສ່ວນຮ້ອຍ
- ໄດ້ວິຕາມິນດີເພາະໄຂ່ເປັນອາຫານພຽງຊະນິດດຽວທີ່ເປັນແຫລ່ງວິຕາມິນດີຕາມທຳມະຊາດ ແລະ ຍັງອຸດົມໄປດ້ວຍ ໂປຕີນ ໂດຍ 1 ໜ່ວຍຈະມີໂປຕີນຄຸນນະພາບດີ 6 ກຣາມ ແລະ ກົດອະມິໂນສຳຄັນອີກ 9 ຊະນິດ
- ບໍ່ມີຜົນຕໍ່ລະດັບ ຄໍເລດເຕີລໍເຖິງວ່າ ອອກຈະຂັດແຍ່ງກັບຄວາມເຊື່ອເກົ່າໆ ແຕ່ງານວິໄຈ ອັນໃໝ່ພົບວ່າ ການບໍລິໂພກໄຂ່ແຕ່ພໍສົມຄວນຈະບໍ່ສົ່ງຜົນກະທົບທາງລົບຕໍ່ປະລິມານ ຄໍເລດເຕີລໍ ບໍ່ຫນຳຊ້ຳຍັງມີການສຶກສາພົບວ່າງບໍ່ດົນມານີ້ວ່າ ການບໍລິໂພກ ໄຂ່ມື້ລະ 2 ໜ່ວຍເປັນປະຈຳທຸກມື້ບໍ່ມີຜົນກະທົບ ຕໍ່ລະດັບໄຂມັນໃນຮ່າງກາຍ ບໍ່ຫນຳຊ້ຳອາດຈະຊ່ວຍເຮັດໃຫ້ໄຂມັນດີຂຶ້ນ ໂດຍຜົນການວິໄຈກ່າວວ່າ ໄຂມັນ ອີ່ມໂຕຈະເຮັດໃຫ້ລະດັບ ຄໍເລດເຕີລໍເພີ່ມສູງຂຶ້ນຫລາຍກວ່າ ຄໍເລດເຕີລໍ ທີ່ຢູ່ໃນອາຫານນໍາອີກ