ຊາວ ຈິນໂບຮານ ເປັນຊາດທໍາອິດທີ່ນໍາເອົາແກ໊ດສເຂົ້າມາໃຊ້ເມື່ອຫຼາຍພັນປີກ່ອນ ທີ່ພວກເຂົານໍາແກ໊ສທໍາມະຊາດມາໃຊ້ໂດຍການລະເຫີຍນໍ້າທະເລອອກເພື່ອໃຫ້ໄດ້ເກືອ ຈົນມາຮອດຕົ້ນ ຄສ 1800, (ພສ 2343) ຜູ້ສໍາຫຼວດແຫຼ່ງນໍ້າມັນໃນອາເມລິກາ ໄດ້ເລີ່ຫາແຫຼ່ງຊັບພະຍາກອນອຶ່ນໆ ຈົນພົບແກ໊ດສທໍາມະຊາດ ແລະ ຈາກນັ້ນໄດ້ ວາງທໍ່ສົ່ງແກ໊ດສເພື່ອນໍາແກ໊ດສສົ່ງໄປປະເທດຂອງຕົນ ສ່ວນອັງກິດນັ້ນຫາກໍ່ເລີ່ມມີການສໍາຫຼວດແຫຼ່ງແກ໊ດສທໍາມະຊາດ ປີ ຄສ 1930, (ພສ 2473).
ແກ໊ດສທີ່ເຮົານໍາມາໃຊ້ຫຸງຕົ້ມ ແລະ ໃຫ້ຄວາມຮ້ອນໃນທຸກວັນນີ້ຄືພະລັງງານເຊື້ອໄພທີ່ຢູ່ໃນຮູບຂອງຟອສຊິລ ຊຶ່ງປະກອບໄປດ້ວຍແກ໊ດສມີເທນເປັນຫຼັກ ຕາມປົກກພຕິແລ້ວເຮົານໍາແກ໊ດສມາໃຊ້ງານໃນບ້ານເຮົາ ແລະ ທາງອຸດສາຫະກໍາໂດຍຜ່ານທາງທໍ່ສົ່ງແກ໊ດສ.
ແກ໊ດສ ເປັນສິ່ງທີ່ມີປະໂຫຍດຕໍ່ມະນຸດຫຼາກຫຼາຍ ເນື່ອງຈາກມັນຈະໃຫ້ຄວາມຮ້ອນເມື່ອຖືກເຜົາໄໝ້ ຈຶ່ງຖືກນໍາມາໃຊ້ໃນບ້ານເຮືອນສໍາລັບການຫູງຕົ້ມປຸງແຕ່ງອາຫານ ແລະ ໃຊ້ໃນງານອຸດສາຫະກໍານານາຊະນິດ.
ແກ໊ດສໃນປະເທດທີ່ພົບສ່ວນໃຫຍ່ຈະພົບຕາມຊັ້ນໃຕ້ດິນ ຫຼາຍຄັ້ງທີ່ພົບແກ໊ດສທໍາມະຊາດທີ່ປົນຢູ່ກັບຖ່ານຫິນ ແລະ ນໍ້າມັນ ແຕ່ບາງຄັ້ງພົບສະເພາະແກ໊ດສທໍາມະຊາດພຽງຢ່າງດຽວເຊັ່ນດຽວກັບນໍ້າມັນ ແກ໊ດສທໍາມະຊາດເກີດຈາກການທັບຖົມຂອງຊາກພືດຊາກສັດ ເຫຼົ່ານີ້ກໍ່ໃຫ້ເກີດແກ໊ດສໄຮໂດຣເຈນ ແລະ ກາຣ໌ກບອນຈໍານວນຫຼາຍຊຶ່ງຕໍ່ມາຈະປ່ຽນຮູບແກ໊ດສໄຮໂດຣກາຣ໌ກບອນຫຼືທີ່ເອີ່ນວ່າແກ໊ດສມີເທນ.
ແກ໊ດສທໍາມະຊາດສ່ວນໃຫຍ່ຄົ້ນພົບໄດ້ໃນທະເລ ຈຶ່ງຕ້ອງມີການວາງທໍ່ສົ່ງແກ໊ດສລົງໄປໃນທະເລແລ້ວສົ່ງຕໍ່ທໍ່ມາຍັງສະຖານີເທີງພາກພື້ນດິນ ແຕ່ໃນບາງຄັ້ງຈະເຮັດໃຫ້ແກ໊ດສກາຍເປັນຂອງແຫຼວກ່ອນຈຶ່ງບັນທຸກໃສ່ເຮືອມາ ໃນແກ໊ດສທໍາມະຊາດຈະມີສານບາງຊະນິດທີ່ບໍ່ໄດ້ຕ້ອງການປົນມາ ຊຶ່ງສານເຫຼົ່ານີ້ຈະຖືກນໍາມາແຍກອີກຄັ້ງທີ່ສະຖານີສົ່ງແກ໊ດສ.
ແກ໊ດສເປັນສານບໍມີກິ່ນ ດັ່ງນັ້ນໃນຂະນະທີ່ແຍກສານທີ່ບໍ່ຕ້ອງການອອກອາດຈະເກີດການຮົ່ວໄຫຼຂອງແກ໊ດສໄດ້ໂດຍບໍ່ສາມາດສັ່ງເກດເຫັນໄດ້ ດ້ວຍເຫດນີ້ຈຶ່ງມີການໃຊ້ສານເຄມີລົງໄປໃນແກ໊ດສອີກດ້ວຍ.
ການຂຸດເຈາະແກ໊ດສ
ຕາມປົກກະຕິແລ້ວເຮົາຈະພົບແກ໊ດສໃນຊັ້ນໃຕ້ດິນເຊິ່ງຢູ່ເລິກລົງໄປຫຼາຍແມັດ ມັກພົບໃນຊັ້ນຫິນເຊັ່ນ ຫິນຊາຍ ຊັ້ນຫິນທີ່ມີຄວາມແຂງເຫຼົ່ານັ້ນຫໍ່ຫູ້ມແກ໊ດສໄວ້ເຮັດໃຫ້ການນໍາແກ໊ດມາໃຊ້ຕ້ອງມີປະຕິບັດການຂຸດເຈາະ ໂດຍບໍລິສັດນໍ້າມັນ.
ຂໍ້ມູນທີ່ໜ້າຮູ້
ແກ໊ດສທີ່ບັນທຸກມາໂດຍເຮືອຈະຖືກເຮັດໃຫ້ເປັນທາດແຫຼວສາກ່ອນຊຶ່ງປະຫຍັດເນື້ອທີ່ບັນທຸກກວ່າຂະນະທີ່ເປັນແກ໊ດສ
ຜູ້ຜະລິດແກ໊ດທໍາມະຊາດສສ່ວນໃຫຍ່ໄດ້ແກ່ ລັດເຊຍ ແລະ ສະຫະລັດອາເມລິກາ
ກ່ອນ ຄສ 1930 (ພສ 2473) ແກ໊ດສ ທີ່ນໍາມາໃຊ້ ໃນອຸດສາຫະກໍາສ່ວນໃຫຍ່ມາຈາກຖ່ານຫິນ
ຊາກພືດ ຊາກສັດທີ່ເໜົ່າເປື່ອຍພຸພັງກໍ່ໃຫ້ເກີດແກ໊ດສມີເທນຊຶ່ງເຄີຍນໍາມາໃຫ້ພະລັງງານໃຫເກັບກົງຫັນລົງ
>>ຂອບໃຈ http://www.krabork.com