spot_img
Homeຂ່າວການສຶກສາສປ ຈີນ ໃຫ້ທຶນການສຶກສາ ແກ່ນັກສຶກສາລາວ

ສປ ຈີນ ໃຫ້ທຶນການສຶກສາ ແກ່ນັກສຶກສາລາວ

Published on

china embassy

 

ສະຖານທູດຈີນປະຈຳລາວ ໄດ້ມອບທຶນການສຶກສາໃຫ້ນັກສຶກສາລາວເປັນຄັ້ງທໍາອິດມູນຄ່າ 256 ລ້ານກີບ, ໂດຍຜູ້ທີ່ໄດ້ຮັບທຶນ ແມ່ນນັກສຶກສາປີທີ 1 ທີມີຜົນການຮຽນລະດັບເກັ່ງ, ມີການປະພຶດດີ, ຖານະຄອບຄົວທຸກຍາກ ແລະ ມາຈາກຕ່າງແຂວງຈຳນວນ 32 ຄົນ ຍິງ 14 ຄົນ, ໂດຍໄດ້ຮັບຜູ້ລະ 8 ລ້ານກີບ ເພື່ອນໍາໃຊ້ເຂົ້າໃນການສຶກສາຮໍ່າຮຽນ ຕະຫຼອດໄລຍະ 4 ປີ.

ພິທີມອບ-ຮັບທຶນການສຶກດັ່ງກ່າວ ໄດ້ມີຂຶ້ນໃນວັນທີ 8 ມັງກອນນີ້, ຢູ່ມະຫາວິທະຍາໄລແຫ່ງຊາດ ໂດຍການເຂົ້າຮ່ວມຂອງ ທ່ານ ກົ່ວຫົວ ປິງ ເອກອັກຄະລັດຖະທູດ ສປ ຈີນ ປະຈຳລາວ ແລະ ທ່ານ ສຈ ດຣ ສຸກກົງແສງ ໄຊຍະເລີດ ອະທິການບໍດີມະຫາວິທະຍາໄລແຫ່ງຊາດ ພ້ອມດ້ວຍບັນດາຄູອາຈານ ແລະ ນັກສຶກສາຜູ້ທີ່ໄດ້ຮັບທຶນເຂົ້າຮ່ວມ.

ທ່ານອະທິການບໍດີມະຫາວິທະຍາໄລແຫ່ງຊາດກ່າວວ່າ:  ທຶນການສຶກສາດັ່ງກ່າວ ແມ່ນມີຄວາມສຳຄັນປະກອບສ່ວນຊຸກຍູ້ສົ່ງເສີມ ການພັດທະນາຊັບພະຍາກອນມະນຸດໃນລາວ ແລະ ເປັນການເພີ່ມທະວີຮ່ວມມືການພົວພັນລະຫວ່າງສອງຊາດລາວ-ຈີນ ໃຫ້ມີບາດກ້າວຂະຫຍາຍຕົວ, ຊຶ່ງປັດຈຸບັນ ການສຶກສາຂອງລາວມີການພັດທະນາດີຂຶ້ນເທື່ອລະກ້າວ, ນັກສຶກສາຈຳນວນໜຶ່ງ ແມ່ນຮຽນເກັ່ງແຕ່ກໍມີຖານະຄອບຄົວທຸກຍາກ, ເປັນຕົ້ນແມ່ນນັກສຶກສາທີ່ມາຈາກຕ່າງແຂວງ, ສະນັ້ນ ທຶນການສຶກສາຄັ້ງນີ້ ຈະຊ່ວຍໃຫ້ນັກສຶກສາທີ່ໄດ້ຮັບທຶນໄດ້ຮຽນສາຂາວິຊາຊີບ ແລະ ຊ່ວຍເຕີມຄວາມຟັນໃຫ້ແກ່ພວກເຂົາເຈົ້າ ເພື່ອນຳເອົາຄວາມຮູ້ມາພັດທະນາປະເທດຊາດໃຫ້ຈະເລີນຮຸ່ງເຮືອງໃນອະນາຄົດຂ້າງຫນ້າ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ຂໍສະແດງຄວາມຍ້ອງຍໍ-ຊົມເຊີຍຕໍ່ທ່ານທູດ ມໍລະກົດ ສີສະຫວັດ ທີ່ໄດ້ສໍາເລັດໜ້າທີ່ການທູດ ຢູ່ ສປປ ລາວ

ລັດຖະບານແຫ່ງ ສປປ ລາວ ມອບຫລຽນກາມິດຕະພາບໃຫ້ແກ່ ທ່ານ ນາງ ມໍລະກົດ ສີສະຫວັດ ເອກອັກຄະຣາຊະທູດແຫ່ງ ຣາຊະອານາຈັກໄທ ໃນຕອນບ່າຍວັນທີ 8 ກັນຍາ 2025 ຢູ່ກະຊວງການຕ່າງປະເທດ,...

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...