ໝາກສີດາ ເປັນອີກໜຶ່ງຫມາກໄມ້ທີ່ຫາຊື້ງ່າຍ ແລະ ລາຄາບໍ່ແພງ ແຕ່ອຸດົມໄປດ້ວຍ ວິຕາມິນຊີ ແລະ ຄຸນຄ່າທາງອາຫານອີກຫລວງຫລາຍ ນອກຈາກຈະມີປະໂຫຍດຕໍ່ຮ່າງກາຍແລ້ວ ຍັງສາມາດໃຊ້ເປັນຢາປິ່ນປົວອາການຕ່າງໆໄດ້ນໍາອີກ ໄປເບິ່ງກັນດີກວ່າວ່າ ໝາກສີດາ ຈະມີສັບພະຄຸນໃຊ້ປິ່ນປົວອາການຫຍັງໄດ້ແນ່
ໝາກສີດາ ມີສານແທນນິນຢູ່ຫລາຍ ສານນີ້ ມີລິດຝາດ ນ້ຳມັນຫອມລະເຫຍໃນໃບສີດາ ສານແທນນິນ ໃນ ໝາກສີດາ ຍັງຫລຸດການລຸກລາມຂອງເຊື້ອພະຍາດ ຊ່ວຍປິ່ນປົວທ້ອງ ແລະ ລຳໄສ້ ໂດຍຊ່ວຍຫລຸດອາການອັກເສບຂອງ ກະເພາະລຳໄສ້ ແລະ ຊ່ວຍຫລຸດອາການປຸ້ນທ້ອງຮາກ ແລະ ຍັງຊ່ວຍອາການຈັງໂຕຂອງລຳໄສ້ ເຮັດໃຫ້ອາການເຈັບທ້ອງບັນເທົາລົງໄດ້ ແກ້ປວດເບັ່ງ
ໃບ ແກ້ເຈັບທ້ອງ ຖອກທ້ອງ ເປັນຢາຫ້າມເລືອດ ໃຊ້ໃບ 2-3 ໃບຫຍ້ຳໆ ລະງັບກິ່ນປາກ ແກ້ຝີ ເປັນຢາລ້າງບາດແຜ ດູດໜອງ ແລະ ຖອນພິດບາດບາດແຜ ແກ້ເຫືອກບວມ ແກ້ພິດຊຳເຮື້ອ ແກ້ປວດເນື່ອງຈາກເລັບສັກ ແກ້ແພ້ຍຸງ
ໝາກສີດາອ່ອນ ແກ້ເຈັບທ້ອງ ຖອກທ້ອງ ລະງັບກິ່ນປາກ ມີໄວຕາມິນຊີຫລາຍ ເປັນກັນ ຫລື ແກ້ພະຍາດເລືອດອອກຕາມເຫງືອກແຂ້ວ ບຳລຸງເຫງືອກ ແລະ ແຂ້ວ ບຳລຸງຜິວພັນ
ໝາກສຸກ ມີສານເພັກຕິນຢູ່ຫລາຍ ໃຊ້ກິນເປັນຢາລະບາຍໄດ້
ຮາກ ແກ້ນ້ຳເຫລືອງ ເປັນຝີ ບາດແຜໂພງ ແກ້ເລືອດດັງໄຫລ
ວິທີ ແລະ ປະລິມານທີ່ໃຊ້
- ໃຊ້ ໝາກສີດາ ແກ້ເຈັບທ້ອງ ຖອກທ້ອງ
ວິທີທີ່ 1 ກິນສົດ
ໃຊ້ສ່ວນທີ່ເປັນຍອດອ່ອນໆ 7 ຍອດ ຄ່ອຍໆ ຫຍ້ຳໃຫ້ລະອຽດເທື່ອລະໜ້ອຍ ຄ່ອຍໆ ກືນ ແລ້ວດື່ມນ້ຳໃສ່ ຖ້າຫຍ້ຳເທື່ອລະຫລາຍໆ ຈະຮູ້ສຶກຝາດຂົມ ຖ້າຫຍ້ຳກັບເກືອໜ້ອຍໜຶ່ງ ຈະຊ່ວຍໃຫ້ກິນງ່າຍຂຶ້ນ
ວິທີນີ້ໄດ້ຜົນຫລາຍ ເພາະກິນທັງນ້ຳ ແລະ ຊີ້ນຂອງໃບ ໝາກສີດາ ຈົນໝົດ ໄດ້ໂຕ ຢາຄົບຖ້ວນ ອາດກິນໝາກດິບ ເທື່ອລະ 1-2 ໝາກ ໂດຍຫຍ້ຳກ່ອນຄ່ອຍກືນກໍໄດ້
ວິທີ ທີ່ 2 ຕົ້ມດື່ມ
ໃຊ້ໃບ 5-10 ໃບ ຫລື ເປືອກຕົ້ນສົດໆ 1 ຝ່າມື ໃສ່ນ້ຳ 2 ຖ້ວຍ ຕົ້ມຝົດປະມານ 5 -30 ນາທີ ຄົນໃຫ້ເຫລືອ 1 ຖ້ວຍ ກິນເທື່ອລະ 1 ຈອກ ມື້ລະ 2 ເທື່ອດື່ມຕາມອາການໜັກເບົາ ເວລາດື່ມຕື່ມເກືອໜ້ອຍໜຶ່ງເຮັດໃຫ້ດື່ມງ່າຍຂຶ້ນ
ວິທີ ທີ່ 3 ແຊ່ນ້ຳຮ້ອນດື່ມ
ເອົາຍອດ ໝາກສີດາ 7 ຍອດ ຫລື ໃບ ສີດາ 6-10 ໃບ ແຊ່ກັບນ້ຳຮ້ອນ 2 ຈອກ ປິດຝາໄວ້ 15-20 ນາທີ ດື່ມເທື່ອລະ 1 ຈອກ ດື່ມເລື້ອຍໆ
ວິທີ ທີ່ 4 ຕົ້ມບີບເອົານ້ຳ
ເອົາໃບ ໝາກສີດາ 6-10 ໃບ ຕໍາໃຫ້ລະອຽດ ປະສົມນ້ຳຕົ້ມ 3-5 ບ່ວງ ຕົ້ມໃຫ້ເຂົ້າກັນ ກັ່ນຕອງດ້ວຍຜ້າຂາວ ເອົານ້ຳປະສົມເກືອໜ້ອຍໜຶ່ງດື່ມຈົນໝົດ
ວິທີ ທີ່ 5 ບົດຜົງກິນ
ໃຊ້ໝາກສີດາ ທີ່ເກືອບແກ່ ຊອຍເປັນແຜ່ນບາງໆ ຕາກແຫ້ງບົດເປັນຜົງ ກິນເທື່ອລະ 1ບ່ວງໂດຍປະສົມນ້ຳ ວິທີນີ້ລົດຊາດດີເດັກນ້ອຍດື່ມໄດ້ງ່າຍ
- ໃຊ້ເປັນຢາຫ້າມເລືອດ
ໃຊ້ໃບສົດລ້າງນ້ຳໃຫ້ສະອາດ ຕຳໃຫ້ລະອຽດທາບາດແຜທີ່ມີເລືອດອອກ ເລືອດຈະຢຸດ
- ຊ່ວຍລະງັບກິ່ນປາກ
ໃຊ້ໃບສົດ 3-5 ໃບ ຫຍໍ້າ ແລະ ຄາຍຖິ້ມ
- ເປັນຢາກັນ ຫລື ແກ້ພະຍາດ ໝາກສີດາ ມີ ໄວຕາມິນຊີຫລາຍ
ໃຊ້ໝາກໃຫຍ່ເຕັມທີ່ແຕ່ບໍ່ສຸກ ກິນເປັນຫມາກໄມ້ ຈະເປັນຫມາກໄມ້ທີ່ຊ່ວຍບຳລຸງເຫງືອກ ແລະ ແຂ້ວ ຊ່ວຍຫລຸດນ້ຳຕານໃນເລືອດ ປິ່ນປົວທ້ອງລຳໄສ້ບໍ່ໃຫ້ອືດ ຊ່ວຍ ບຳລຸງຜິວພັນ ຄົົນທີ່ມັກເປັນຝີເປັນບາດແຜ ຖ້າກິນໝາກສີດາ ເລື້ອຍໆ ກໍຊ່ວຍບັນເທົາລົງໄປໄດ້