– ປ່ອຍໃຫ້ຮ່າງກາຍຂາດນ້ຳ ຄົົນທີ່ອອກກຳລັງກາຍ ຫລື ຕ້ອງເຮັດກິດຈະກຳຫຍັງຈັກຢ່າງທີ່ຕ້ອງໃຊ້ແຮງ ມີໂອກາດທີ່ຮ່າງກາຍຈະຢູ່ໃນພາວະຂາດນ້ຳໄດ້ງ່າຍຈາກການສູນເສຍເຫື່ອ ຊຶ່ງຜົນທີ່ຕາມມາກໍຄືເຮັດໃຫ້ອາລົມເຈົ້າຂຶ້ນໆລົງໆ ແລະ ຮ່າງກາຍເສຍພະລັງງານໄປຫລາຍຈົນມີອາການເມື່ອງ່າຍ ທາງທີ່ດີໃຫ້ໝັ່ນກິນນ້ຳ ທຸກໆ 25-30 ນາທີ ໃຫ້ເປັນນິໄສດີກວ່າ
– ເຄັ່ງຄຽດຫລາຍເກີນໄປ ຮອລ໌ໂມນ ທີ່ເກີດຈາກຄວາມເຄັ່ງຄຽດຈະຖືກຜະລິດອອກມາໃນຍາມທີ່ເຈົ້າມີເລື່ອງເຄັ່ງຄຽດ ຊຶ່ງໂດຍປົກກະຕິລະດັບຮໍໂມນນັ້ນຄ່ອຍໆ ເພີ່ມສູງຂຶ້ນໃນຕອນເຊົ້າ ແລະ ຈະຄ່ອຍໆລຸດລົງໃນຕອນກາງຄືນ ຢ່າປ່ອຍໃຫ້ຕົວເອງຕົກຢູ່ໃນຄວາມເຄັ່ງຄຽດເປັນເວລາດົນໆ ຫາຫຍັງເຮັດໃຫ້ຕົວເອງຮູ້ສຶກຜ່ອນຄາຍນຳ ບໍ່ຊັ້ນເຈົ້າອາດຮູ້ສຶກເມື່ອຍທັງທີ່ບໍ່ໄດ້ອອກກຳລັງ
– ດື່ມເຄື່ອງດື່ມທີ່ມີສ່ວນປະສົມຂອງຄາເຟອີນຫລາຍເກີນໄປ ຫລາຍຄົນໜ້າຈະຮູ້ກັນດີຢູ່ແລ້ວວ່າການດື່ມກາເຟ ຫລື ດື່ມເຄື່ອງດື່ມທີ່ມີສ່ວນປະສົມຂອງຄາເຟອີນໃນປະລິມານຫລາຍເກີນໄປ ຈະເຮັດໃຫ້ເຈົ້ານອນບໍ່ຫລັບ ແລະ ນີ້ແຫລະແມ່ນສາເຫດທີ່ເຮັດໃຫ້ເຈົ້າຮູ້ສຶກອ່ອນເພຍໄປຕະຫລອດທັງມື້ ດັ່ງນັ້ນດື່ມມື້ລະ 1-2 ຈອກກໍໜ້າຈະພຽງພໍ ຫລື ບາງຄົນຈອກດຽວກໍຫລາຍເກີນໄປແລ້ວ
– ບັງຄັບ ອອກກຳລັງເກີນໄປ ອອກກຳລັງເປັນເລື່ອງດີໃຜໆກໍຮູ້ ແຕ່ຖ້າອອກແບບເອົາເປັນເອົາຕາຍເພາະຢາກຈ່ອຍ ຫລື ຢາກໃຫ້ນອນຫລັບສະບາຍນັ້ນຄິດຜິດແລ້ວ ເພາະການທີ່ເຈົ້າຝືນເຮັດຫຍັງທີ່ເກີນຂີດຈຳກັດຂອງຮ່າງກາຍ ມັນເຮັດໃຫ້ເກີດຜົນເສຍຕາມມາໄດ້ ບໍ່ວ່າຈະເປັນອາການເຈັບປວດຕາມກ້າມຊີ້ນ ຫລື ອາການອ່ອນເພຍ ບໍ່ຮູ້ສຶກສົດຊື່ນກະຕືລືລົ້ນ ເຄັດລັບການອອກກຳລັງໃຫ້ມີປະສິດທິພາບກໍຄືການຈັດວາງໂປແກຣມການອອກກຳລັງໃຫ້ ເໝາະສົມກັບສະພາບຮ່າງກາຍຂອງຕົວເອງ ບໍ່ແມ່ນໃຊ້ຮ່າງກາຍແບບເກີນໄປ
– ດື່ມແອວກໍຮໍເພື່ອຜ່ອນຄາຍ ແມ່ນຢູ່ວ່າການກິນເຄື່ອງດື່ມທີ່ມີສ່ວນປະສົມຂອງແອວກໍຮໍໜ້ອຍໜຶ່ງຈະຊ່ວຍໃຫ້ ຫລັບສະບາຍຂຶ້ນຖ້າວ່າບໍ່ແມ່ນການດື່ມແບບບໍ່ຢຸດບໍ່ຢັ້ງຂາດສະຕິ ເພາະນອກຈາກອາດເຮັດໃຫ້ເຈົ້າເຮັດຫຍັງໄປໂດຍບໍ່ຮູ້ຕົວແລ້ວ ຍັງເຮັດໃຫ້ນອນຫລັບບໍ່ສະນິດອີກ ທາງທີ່ດີດື່ມວາຍມື້ລະ 1-2 ຈອກກ່ອນເວລານອນຈັກສອງຊົ່ວໂມງຈະດີກວ່າ