Homeຊີວິດແລະຄວາມຮັກຄຸນສົມບັດຂອງການເປັນສາມີທີ່ດີ

ຄຸນສົມບັດຂອງການເປັນສາມີທີ່ດີ

Published on

1. ເປັນຄົນທີ່ພ້ອມເສຍສະຫຼະເພື່ອຄອບຄົວ

ຊາຍທີ່ມີຄວາມທຸ່ມເທແລະຮູ້ຈັກ ເສຍສະຫຼະໃຫ້ຄອບຄົວ ເປັນຄຸນສົມບັດທີ່ສາວໆ ຫຼາຍຄົນຕ້ອງການເມື່ອແຕ່ງງານ ແລະສ້າງຄອບຄົວແລ້ວ ຄວາມຮັບຜິດຊອບຂອງຄົນທັງສອງ ຕ້ອງມີຫຼາຍຂຶ້ນກວ່າເກົ່າແນ່ນອນ ເຊິ່ງໜຸ່ມຜູ້ມີຄວາມເສຍສະຫຼະ ຈະຄອຍຮັບຜິດຊອບເລື່ອງວຽກ ແລະເລື່ອງສ່ວນຕົວໄປພ້ອມໆ ກັນ ແລ້ວບໍ່ວ່າຫຍັງຈະເກີດຂຶ້ນ ເຂົາຈະນຶກເຖິງຄອບຄົວກ່ອນ ເປັນອັນດັບທຳອິດ.

2. ເປັນຜູ້ນຳຄອບຄົວທີ່ເຂັ້ມແຂງ

ໃນເວລາທີ່ຜູ້ຍິງອ່ອນແອ ທໍ້ຖອຍ ແລະສັບສົນກັບບັນຫາ ທີ່ທັບຖົມເຂົ້າມາໃນຊີວິດ ເຂົາຕ້ອງການສາມີທີ່ມີຄວາມເຂັ້ມແຂງ ແລະເປັນຜູ້ນຳທີ່ດີ ຄອຍໃຫ້ຄຳປຶກສາ ໃຫ້ກຳລັງໃຈແລະຢືນຢັດຢູ່ຄຽງຂ້າງ ເຂົາຕະຫຼອດ ເຊິ່ງຜູ້ນຳຄອບຄົວທີ່ມີຄວາມເຂັ້ມແຂງ ນີ້ຈະເຮັດໃຫ້ຄອບຄົວໃຫ້ ເອົາຊະນະອຸປະສັກຂວາກໜາມ ທຸກຢ່າງໃຫ້ຜ່ານໄປໄດ້ດ້ວຍດີ ໃນທີ່ສຸດ.
3. ເປັນນັກຄິດ ນັກວາງແຜນທີ່ດີ

ການເປັນໄດ້ທັງຄູ່ຄິດແລະຄູ່ຊີວິດ ຍ່ອມເປັນທີ່ສົນອົກສົນໃຈຂອງຜູ້ຍິງ ຢ່າງແນ່ນອນ ເພາະບໍ່ວ່າຈະຕ້ອງປະເຊີນ ກັບເລື່ອງເລັກເລື່ອງໃຫຍ່ໃດໆ ຜູ້ຊາຍປະເພດນີ້ມັກຈະຫາທາງອອກ ໃຫ້ໄດ້ ເຊິ່ງບໍ່ແມ່ນພຽງແກ້ບັນຫາ ສະເພາະໜ້າເທົ່ານັ້ນ ແຕ່ຈະຄອຍວາງແຜນສິ່ງທີ່ຄວນເຮັດ ໃນລຳດັບຕໍ່ໄປໃຫ້ພ້ອມ.

4. ເປັນຄົນເຊື່ອຖືໄດ້

ຄວາມເຊື່ອໃຈ ຄືສິ່ງສຳຄັນອີກຢ່າງໜຶ່ງຂອງຊີວິດຄູ່ ທີ່ຈະເຮັດໃຫ້ຄວາມຮັກຂອງສາມີແລະພັນລະຍາ ເປັນໄປໄດ້ຢ່າງດີ ເພາະບໍ່ວ່າທ່ານຈະເຮັດຫຍັງ ຢູ່ໃສ ເມື່ອໃດ ກັບໃຜ ຖ້າເຂົາມີຄວາມເຊື່ອໃຈໃຫ້ກັບທ່ານ ກໍຈະບໍ່ເກີດການລະແວງສົງໄສ ຫຼືມີປາກມີສຽງກັນ ໃນທາງກົງກັນຂ້າມສາມີກໍຕ້ອງ ເຮັດໂຕໃຫ້ໜ້າເຊື່ອຖືໄດ້ແທ້ໆ ເດີ.

5. ເປັນຄົນອາລົມດີ

ມີໃຜແດ່ ທີ່ບໍ່ຢາກໃຊ້ຊີວິດຄູ່ຢູ່ກັບຄົນທີ່ ເຮັດໃຫ້ຍິ້ມແຍ້ມຫຼືຫົວໄດ້ສະເໝີ ບໍ່ວ່າເຂົາຈະມີຄວາມຄຽດ ມາຈາກໃສກໍຕາມ ຖ້າກັບມາບ້ານແລ້ວພົບຄົນທີ່ເຮັດໃຫ້ ເຂົາອາລົມດີໄດ້ຄືເກົ່າ ມັນຄົງເຮັດໃຫ້ເຂົາມີຄວາມສຸກທີ່ສຸດ ແຕ່ເຖິງແມ່ນວ່າທ່ານຈະບໍ່ແມ່ນຄົນຕະຫຼົກ ປານໃດ ພຽງແຕ່ເຮັດໃຫ້ເຂົາສະບາຍໃຈ ເມື່ອໄດ້ຢູ່ກັບທ່ານກໍນັບວ່າດີ ພໍສົມຄວນແລ້ວ.

ເປັນຈັ່ງໃດ ຫຼັງຈາກທີ່ໄດ້ອ່ານບົດຄວາມດີໆ  ທີ່ເຮົາເອົາມາຝາກແລ້ວ ທ່ານຜູ້ອ່ານຄົງເຂົ້າໃຈຄວາມຕ້ອງການ ຂອງພັນລະຍາຫຼາຍຂຶ້ນແລ້ວເນາະ ຖ້າຈັ່ງຊັ້ນລອງເບິ່ງຢ້ອນກັບມາ ສຳຫຼວດໂຕເອງເບິ່ງດຸວ່າ ທ່ານມີຄຸນສົມບັດຕ່າງໆ ເຫຼົ່ານີ້ຫຼືບໍ່ ຫຼືຖ້າມີຄຳຄິດເຫັນທີ່ແຕກຕ່າງກໍລອງ ສົນທະນາແລກປ່ຽນຄຳເຫັນນຳກັນເບິ່ງ. ຖ້າເຫັນວ່າບົດຄວາມນີ້ເປັນປະໂຫຍດ ຢ່າລືມບອກໝູ່ຂອງທ່ານແດ່ເດີ !!

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ວັນທີ 5 ພະຈິກ 2026 ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ OAC...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...