ທ່ານ ພັທ ບຸນມາກ ສູນດາໄລ ຮອງຫົວໜ້າພະແນກຕຳຫຼວດຈະລາຈອນ ນະຄອນຫຼວງວຽງຈັນໃຫ້ຮູ້ວ່າ: ການເກີດອຸປະ
ຕິເຫດທົ່ວນະຄອນຫຼວງວຽງຈັນ ນັບແຕ່ວັນທີ 16 ກັນຍາ 2013 ຫາ ວັນທີ 15 ທັນວາ 2014:ເກີດຂຶ້ນທັງໝົດ 1.472 ກໍລະ
ນີ, ມີພາຫານະເປ່ເພ 2.896 ຄັນ, ບາດເຈັບ 2.368 ລາຍ ແລະ ເສຍຊີວິດ 202 ລາຍ ເຫັນວ່າຕົວເລກອຸປະຕິເຫດ ແລະ ຜູ້
ເສຍຊີວິດແມ່ນຫຼຸດລົງ. ແຕ່ສ່ວນໃຫຍ່ສາເຫດທີ່ພາໃຫ້ເກີດອຸປະຕິເຫດ ແມ່ນຈາກການດື່ມສິ່ງມືນເມົາ, ຜູ້ຂັບຂີ່ບໍ່ປະຕິ
ບັດກົດລະບຽບຈະລາຈອນ ແລະ ອື່ນໆ. ສະນັ້ນ, ເພື່ອໃຫ້ອຸປະຕິເຫດຫຼຸດຜ່ອນລົງໃນຕໍ່ໜ້ານີ້, ທ່ານພັນໂທ ບຸນມາກ ໄດ້
ຮຽກຮ້ອງເຖິງຜູ້ໃຊ້ລົດໃຊ້ຖະໜົນ ຈົ່ງມີສະຕິລະວັງຕົວໃນການຂັບຂີ່, ໃຫ້ກຽດເຊິ່ງກັນ ແລະ ກັນ, ພ້ອມກັນປະຕິບັດກົດ
ລະບຽບຈະລາຈອນໃຫ້ເຂັ້ມງວດ ໂດຍສະເພາະແມ່ນໃນຊ່ວງສະຫຼອງສົ່ງທ້າຍປີເກົ່າຕ້ອນຮັບປີໃໝ່ 2015 ນີ້ ຂໍໃຫ້ທຸກຄົນ
ໃນທົ່ວສັງຄົມ ຈົ່ງມີສະຕິໃນການໄປ-ການມາ, ເມົາແລ້ວບໍ່ຄວນຂັບຂີ່ລົດ, ທັງນີ້ກໍເພື່ອຮັບປະກັນບໍ່ໃຫ້ເກີດອຸບັດເຫດ
ທ້ອງຖະໜົນ.
ແຫລ່ງຂ່າວ: ລາວພັດທະນາ