ເຖິງແມ່ນວ່າຄວາມຕ້ອງການພາຍໃນ ແລະ ຕ່າງປະເທດຈະເພີ່ມຂຶ້ນໃນແຕ່ລະປີ ແຕ່ລັດວິສາຫະກິດໄມ້ທ່ອນມຽນ
ມ້າ ໄດ້ປະກາດທີ່ຈະຜັກດັນໃຫ້ຄວາມຕ້ອງການຫລຸດລົງ ເຫລືອພຽງ 1.16 ລ້ານໂຕນຕໍ່ປີ.
ສຳນັກຂ່າວຕ່າງປະເທດ ລາຍງານໃນວັນທີ 30 ທັນວານີ້ວ່າ ການເພີ່ມຂຶ້ນຂອງໂຄງການກໍ່ສ້າງຕ່າງໆພາຍໃນປະເທດ
ໄດ້ເປັນເຫດຜົນອັນສຳຄັນ ໃນການເພີ່ມຄວາມຕ້ອງການໄມ້ຢູ່ພາຍໃນ ເຊິ່ງໃນປັດຈຸບັນນີ້ ທາງການໄດ້ອະນຸຍາດໃຫ້
ໃຊ້ໄດ້ສະເພາະແຕ່ເພື່ອຕົບແຕ່ງ ແລະ ການຜະລິດເຟີນິເຈີເທົ່ານັ້ນ ຕາມການລາຍງານຂອງ ທ່ານ ວິນ ນາຍ ຮອງຜູ້
ຈັດການໃຫຍ່ ລັດວິສາຫະກິດໄມ້ທ່ອນມຽນມ້າ (Myanma Timber Enterprise).
ທ່ານ ວິນ ນາຍ ຍັງກ່າວອີກວ່າ ການຕັດໄມ້ໃນສົກປີຜ່ານມາ ແມ່ນມີທັງໝົດ 925,050 ໂຕນ ແລະ ສະເພາະໃນສົກປີ
ນີ້ ທາງກະຊວງອະນຸຮັກສິ່ງແວດລ້ອມ ແລະ ການປ່າໄມ້ ໄດ້ຈັດໂກຕ້າໃຫ້ພຽງແຕ່ 730,000 ໂຕນເທົ່ານັ້ນ.
ນັບຕັ້ງແຕ່ລັດຖະບານໃໝ່ຂອງມຽນມ້າ ຂຶ້ນບໍລິຫານປະເທດເປັນຕົ້ນມາ ລັດວິສາຫະກິດໄມ້ທ່ອນມຽນມ້າ ໄດ້ຫລຸດ
ການຜະລິດໄມ້ລົງໃນທຸກປີ ໂດຍມີເປົ້າໝາຍເພື່ອເຮັດໃຫ້ລະບົບນິເວດມີຄວາມຍືນຍົງ, ໂດຍນັບຕັ້ງແຕ່ເດືອນເມສາ
ປີນີ້ເປັນຕົ້ນມາ ມຽນມ້າກໍໄດ້ສັ່ງຫ້າມສົ່ງອອກໄມ້ທ່ອນຢ່າງເປັນທາງການ ເພື່ອຫັນມານຳໃຊ້ໄວ້ເຂົ້າໃນການພັດທະ
ນາອຸດສາຫະກຳໄມ້ພາຍໃນປະເທດແທນ.