ເພື່ອສ້າງລາຄາຍຸຕິທຳບົນພື້ນຖານກົນໄກຕະຫຼາດຫຼີກເວັ້ນການ ເອົາລັດເອົາປຽບກັນລະຫວ່າງຜູ້ຊື້ ແລະ ຜູ້ຂາຍທັງ
ຮັບປະກັນໃຫ້ສັງຄົມມີຄວາມສະຫງົບບໍ່ດົນມານີ້ ພະແນກອຸດສາຫະກຳ ແລະ ການຄ້ານະຄອນຫຼວງວຽງຈັນ ໄດ້ອອກ
ແຈ້ງການຫ້າມສວຍໂອກາດຂຶ້ນລາຄາສິນຄ້າ ແລະ ໃຫ້ຕິດລາຄາສິນຄ້າເປັນເງິນກີບໃນໄລຍະປີໃໜ່ສາກົນປີ 2015.
ໃນແຈ້ງການສະບັບດັ່ງກ່າວໄດ້ລະບຸວ່າ: ເພື່ອເຮັດໃຫ້ບັນຍາກາດສະເຫຼີມສະຫຼອງສົ່ງທ້າຍປີເກົ່າ 2014 ແລະ ຕ້ອນຮັບ
ປີໃໝ່ 2015 ທີ່ຈະມາເຖິງໃຫ້ມີບັນຍາກາດເບີກບານມ່ວນຊື່ນປະຊາຊົນມີຄວາມອຸ່ນ ອຽງທຸ່ນທ່ຽງເຈົ້າໜ້າທີ່ກ່ຽວຂ້ອງ
ໃນ 9 ຕົວເມືອງຂອງນະຄອນຫຼວງວຽງຈັນໃຫ້ເອົາໃຈໃສ່ລົງຕິດຕາມກວດ ກາສິນຄ້າທີ່ມີຜົນກະທົບໄວຕໍ່ຊິວິດການ
ເປັນຢູ່ຂອງປະຊາຊົນ ໂດຍສະເພາະແມ່ນສິນຄ້າທີ່ລັດຄຸ້ມຄອງບໍ່ໃຫ້ມີປາກົດການສິນຄ້າ ຂາດຕະຫຼາດ, ການສວຍໂອ
ກາດກັກຕຸນຂຶ້ນລາຄາສິນຄ້າຈາກບຸກຄົນ ຫຼື ກຸ່ມຄົນທີ່ບໍ່ຫວັງດີ ໂດຍພາລະການເດັດຂາດ ແລະ ໃຫ້ຜູ້ປະກອບການ
ທຸລະກິດ, ຊາວຄ້າຂາຍນຳສິນຄ້າຂອງຕົນອອກຈຳໜ່າຍເປັນປົກກະຕິ, ຫ້າມກັກຕຸນສິນຄ້າ ຫຼື ສວຍໂອກາດຂຶ້ນລາ
ຄາຕາມໃຈ.
ນອກຈາກນັ້ນ ຍັງໃຫ້ຫົວໜ່ວຍທຸລະກິດຈຳໜ່າຍ: ເຂົ້າ, ຊິ້ນ (ໝູ, ງົວ, ຄວາຍ) ປາ, ໄກ່, ໄຂ່ ແລະ ອື່ນໆຕ້ອງຕິດລາຄາ
ເປັນເງິນກີບ ແລະ ການຕິດລາຄາ ສິນຄ້າປະເພດດັ່ງກ່າວແມ່ນໃຫ້ຕິດຕາມ ລາຄາຊື້-ຂາຍຕົວຈິງໃນແຕ່ລະວັນ ພ້ອມ
ທັງຮັບປະກັນໃຫ້ລູກຄ້າສາມາດເຫັນໄດ້ສະດວກ, ມີຄວາມຊັດເຈນ, ການຕິດລາຄາດັ່ງກ່າວແມ່ນໃຫ້ຈັດຕັ້ງປະຕິບັດ
ເປັນປົກກະຕິຕໍ່ ເນື່ອງ ແລະ ອີງຕາມສະພາບການຕົວຈິງຂອງການເໜັງຕີງລາຄາຕາມກົນໄກຕະຫຼາດ ແລະ ຫ້າມ
ຕິດລາຄາຂາຍໃນລາຄາສູງເກີນລາຄາທີ່ທາງການກຳນົດອອກໃນແຕ່ລະໄລຍະ.
ໂດຍຂອດຈັດຕັ້ງປະຕິບັດແມ່ນມອບໃຫ້ຂະແໜງການຄ້າພາຍໃນ ແລະ ຫ້ອງການອຸດສາຫະກຳ ແລະ ການຄ້າເມືອງ
ແຕ່ງຕັ້ງພະນັກງານຂອງຕົນລົງຕິດຕາມສະພາບການຈຳໝ່າຍ, ການເໜັງຕີງຂອງລາຄາສິນຄ້າ ແລະ ການຕິດຕາມ
ການຕິດລາຄາສິນຄ້າ ຢ່າງໃກ້ຊິດ ແລະ ລາຍງານໃຫ້ຄະນະພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ
ເປັນແຕ່ລະໄລຍະ.
ແຫລ່ງຂ່າວ: ເສດຖະກິດ – ສັງຄົມ