ເຊື່ອວ່າຫລາຍຄົນຕ້ອງມີຄຳຖາມນີ້ຢູ່ໃນໃຈທຸກເທື່ອທີ່ມີອາການ ຖອກທ້ອງວ່າ ເຮົາຄວນງົດກິນອາຫານຫຍັງ ຫລື ຄວນກິນຫຍັງເພື່ອໃຫ້ອາການບັນເທົາລົງໄປ ແລະ ບໍ່ເປັນໜັກຫລາຍກວ່າເກົ່າ ມື້ນີ້ເຮົາມີຄຳຕອບດີໆມາໄຂຂໍ້ສົງໄສກັນ
ອາການ ຖອກທ້ອງ ຊໍ້າເຮື້ອ ມັກມີອາການເຈັບທ້ອງ ແລະ ຖ່າຍແຫລວ ເຊິ່ງຈະເຈັບໆເຊົາໆດົນຕິດຕໍ່ກັນເປັນແຮມເດືອນ ບາງທີເຮົາອາດເອີ້ນອາການນີ້ວ່າ “ພະຍາດທາດອ່ອນ”
ອາຫານຕ້ອງຫ້າມ ໄດ້ແກ່ ອາຫານລົດສົ້ມ ລົດເຜັດ ອາຫານມັນ ນ້ຳສົ້ມສາຍຊູ ກະທິ ເຫລົ້າ ເບຍ ນົມສົດ ຊາ ກາເຟ
ອາຫານຄວນກິນໄດ້ແກ່ ກິນອາຫານທີ່ມີກາກໃຍສູງ ເຊັ່ນ ຜັກ ຫມາກໄມ້ ເຂົ້າກ້ອງ ທັນຍະພືດຕ່າງໆ ອາຫານທີ່ມີໄຂມັນຕ່ຳ ອາຫານທີ່ມີຈຸລິນຊີແລັກໂຕບາຊິລັດ (Lactobacillus) ຫລື ໄບຟິໂດ ແບັກທີເຣຍ ແລະ ບໍ່ຄວນກິນອາຫານແຕ່ລະເທື່ອຫລາຍເກີນໄປ ນອກຈາກນີ້ຄວນຫຍ້ຳອາຫານໃຫ້ລະອຽດ
ອາການ ຖອກທ້ອງ ກະທັນຫັນ ເປັນອາການທີ່ເກີດຢ່າງທັນທີທັນໃດ ມີລັກສະນະຖ່າຍເປັນນ້ຳຫລາຍເທື່ອ ແລະ ມີອາການຖອກທ້ອງຮ່ວມນໍາອີກ
ອາຫານຕ້ອງຫ້າມ ໄດ້ແກ່ຜັກ ຫມາກໄມ້ ແລະ ນ້ຳໝາກໄມ້
ອາຫານຄວນກິນ ໄດ້ແກ່ ຜົງນ້ຳຕານເກືອແຮ່ຕີ່ໃສ່ນ້ຳ ເຊິ່ງໃຊ້ດື່ມເລື້ອຍໆ ແທນນ້ຳອາຫານທີ່ຍ່ອຍງ່າຍ ໂດຍເນັ້ນອາຫານທີ່ມີເຂົ້າ ຫລື ແປ້ງເປັນຫລັກ